ትካል ስደተኛታት ሕቡራት ሃገራት ቤት ምኽሪ ጸጥታ ኣብ ሊብያ ኣንቢርዎ ዘሎ እገዳ መሸጣ ኣጽዋር ብተወሳኺ ኣብ ልዕሊ ዘይሕጋዊያን ኣስገርቲ ሰባት ናይ ቁጠባን ናይ መገሻ እገዳ ክውስኽ ጻውዒት ኣቕሪቡ። እቲ ትካል ብተወሳኺ ዘይሕጋዊያን ኣስገርቲ ነቲ ኣብ ልዕሊ ስደተኛታትን ፍልሰተኛታትን ዝኻየድ ምጥሓስ መሰላት ተሓተቲ እዮም ይብል።
ናይ ሕቡራት ሃገራት ትካል ስደተኛታት ክሳብ ወርሒ ሰነ 24,2017 ዓ.ም. 8,864 ስደተኛታትን ፍልሰተኛታትን ብቑዓት ብዘይኮና ጀላቡ ተጻዒኖም ኣውሮጳ ንምብጻሕ ማእኸላይ ባሕሪ ምቁራጾም ዝገልጽ ጸብጻብ ትማሊ ሰነ 27,2017 ዓ.ም ኣውጺኡ።
ኣስታት 400 ስደተኛታትን ፍልሰተኛታትን ካብ ተዓቑቦምሉ ዝነብረ ማእከል ስደተኛታት ጣልያን ናብ ዶባት ፈረንሳ ብምጉዓዝ ናይ ተቓውሞ ሰልፊ ምክያዶም ተገሊጹ።
ስዑድ ዓረብ ዝመራሒተን ምስ ቐጠር ዝምድና ዝበተኻ ሃገራት ዓረብ: እቲ ዝምድና ክምለስ እንተኾይኑ በዓል 13 ነጥብታት ቅድመ ኲነት ኣቕሪበን።
ሚኒስትር ውሽጣዊ ጉዳያት ፈረንሳ ጀራርድ ኮሎምቦ ንወደባይት ከተማ ካሊያስ ኣብ ዝበጽሕሉ ምስ ሰብኣዊ ሓገዝ ወሃብቲ ትካላት ተራኺቦም፡ምዝርራቦም ተገሊጹ።
ኣባላት ስድራቤት ንግስነት ስዑድ ዓረብን ካልኦት ስዑዳውያንን ነቲ ሓድሸ ወራሲ ዓራት ክኸውን ዝተመርጸ ኣሚር መሓመድ ቢን ሳልማን ትማሊ ሓሙስ ሰነ 22,2017 ዓ.ም ኣብ መካ ስዑድ ዓረብ ወግዓዊ ስነ-ስርዓት ኣቀባብላ ተገይሩሉ።
ጸሓፊ ትካል ዓለምለኸ ልምዓት ብሪጣንያ ፕሪቲ ፓተር ኣብ ምብራቕ ኣፍሪቃ ብሰንኪ ዘጋጠመ ጥምየትን ሕማም ንሞት ብሚልዮናት ዝቑጸሩ ሰባት ንምክልኻል ዓለምለኸ ውሁድ ስጉምቲ የድልይ ክብላ ጸዊዐን።
ብመሰረት ሓበሬታ ሓይሊ ባሕሪ ጣልያን አስታት 730 ስደተኛታትን ፍልሰተኛታት ካብ ሰለስተ ብፕላስቲክ ዝተሰርሑ ጀልባታትን ኣርባዕተ ናይ ዕንጨይቲ ጀላቡ ትማሊ ሰንበት ካብ ማእኸላይ ባሕሪ ምድሓኖም ተሓቢሩ።
