ኣብ ኢትዮጵያ ድሕሪ ሽዱሽተ ዓመታት ኣብ ልዕሊ ነጋዶ ዝወጸ ሓድሽ ግምት ግብሪ ኣብ ሓደ ሓደ ከተማታት ኦሮምያ አብያተ ንግዲ ናይ ምዕጻው አድማ አለዓዒሉ’ሎ።
ክልል ኦሮሚያ ኣብ ኣዲስ ኣበባ ዘለዎ ፍሉይ ረብሓ ንምሕላው ብዝብል ብቤት ምኽሪ ሚንስትራት ፀዲቑ ናብ ወከልቲ ህዝቢ ዝተመርሐ ረቂቕ ሕጊ “ንሕቶ ህዝቢ ዘይምልስ፣ዝተጠቕምሉ ቋንቋን ኣገላልፃን ንህዝቢ ዘረሓሕቕ ኸፋፋሊ እዩ’’ ክብሉ ናይ ኦሮሞ ዴሞክራሲያዊ ግንባርን ግንባር ሓርነት ኦሮሞን ተቓዊመምዎ።
ኣብ ኢትዮጵያ ብሰንኪ ድርቂ ዝተፈጥረ ሕፅረት መግብን ማይን ስዒቡ ብዝወረደ ለበዳ ሕማም ተምላስን ውፅኣትን ኣብ ክልል ሶማሊያ 68 ህፃናት ምሟቶም ዶብ ኣልቦ ሓካይም ገሊፁ።
ኢትዮጵያ ኣብዚ ሰሙን’ዚ ንዝኻየድ ዘሎ ሃገራዊ ናይ ካልኣይ ደረጃ መልቀቂ ፈተና ንከይስረቅ ብዝብል ስግኣት ኣገልግሎት ኢንተርነት እታ ሃገር ምሉእ ንምሉእ ምዕጻዋ ተገሊጹ። መልቐቂ ፈተና 10ይ ክፍሊ ካብ ግንቦት 31 ክሳብ ሰነ 2 ዝኻየድ ኽከውን ከሎ ናይ 12 ክፍሊ ፈተነ ድማ ካብ ሰነ 5 ክሳብ ሰነ 8,2017 ዓ.ም. ክኻየድ’ዩ።
እቶም 27 ዘይሕጋዊያን ስደተኛታት ኤርትራ ሲሚንቶ ጽዒና ትጉዓዝ ዘላ ብምምሳል ናብ ሱዳን ትጉዓዝ ዝነበረት መኪና ኣብ ጎንደር ምትሓዛ ተገሊጹ።
ኣብ ኢትዮጵያ ብሰንኪ ድርቂ ህፁፅ ረድኤት ዘድልዮም ብዝሒ ሰባት ልዕሊ 7.8 ሚሊዮን ምብፅሑ ናይ ኢትዮጵያ ኮሚሽን ሃገራዊ ምክልኻል ሓደጋ ኣፍሊጡ።
ኣብ ኢትዮጵያ ተአሲሩ ዝርኸብ ጋዜጠኛ እስክንድር ነጋ ኣብ ኦስትርያ ቬና ዝመደበሩ ዓለምለኸ ኢንስትዩት ፕረስ “ናይ ዓለም ጅግና ነጻነት ፕረስ” ተባሂሉ ተረቑሑ።
ሕብረት ኣውሮጳን ኢትዮጵያን ኣብ መዳይ ሰብኣዊ መሰላትን ጉዳያት ምምሕዳር ህዝብን ሓቢሮም ዝሰርሕሉ ሜላዊ ኩነታት ብዝምልከት ምስ መንግስቲ ተቓወምትን ትካላት ማሕበረሰብ ኢትዮጵያ ኣብ ቀረባ ከምዝተመያየጡ ተገሊጹ።
ኣብ አዲስ አበባ ዝተአከበ ጎሓፍ ብምፍራሱ ንዝሞቱ ሰባት ናይ ምድላይ ስራሕ ቐጺሉ ኸምዘሎ ይግለጽ ኣሎ።
መንግስቲ ኣሜሪካ ንመንግስቲ ኢትዮጵያ ዝህቦ ናይ ገንዘብ ሓገዝ ንዝተሓለነሉ ዕላማ ምውዓሉን ከምኡ’ውን ኣብ መንጎ ክልቲኣን ሃገራት ዘሎ ርክብ ንግዲ ከምኡ’ውን ኣብ ኢትዮጵያ ዘሎ ኣተሓሕዛ ሰብኣዊ መሰላትን ትኹረት ክግበረሉ ዝሓተተ ብኣባላት ኮንግረስ ንዝቀረበ ረቂቅ ውሳኔ 128 ኣብ ባይቶ ኣሜሪካ ንኡስ ኮሚቴ ኣፍሪቃ ቃለ ምስክርነት ኣብ ዝሓለፈ ሰሙን ተሰሚዑ ኔሩ።
ኣብ ኢትዮጵያ ሓሙሽተ ክልላት ዘጋጠመ ደርቂ ንምምካትን ን5.6 ሚሊዮን ህዝቢ ረድኤት መግቢ ንምቕራብን ካብ ዝተሓተተ ናይ ሓደ ቢሊዮን ዶላር ረድኤት ዛጊት ምንም ከምዘይተረኽበ ኮሚሽን ሃገራዊ ስግኣት ሓደጋ ኣፍሊጦም። ንሶም ብተወሳኪ ገንዘብ እንተድኣ ዘይተረኺቡ መንግስቲ ምስ ሰብ ሃብትን ሕብረተሰብን ብምትሕብባር ክሽፍኖ ምኻኑ ኣፍሊጦም።
ኣብ ኢትዮጵያ ኣብ ሓሙሽተ ክልላት ብፍላይ ድማ ኣብ ክልል ኦሮምያን ሶማልን ተራእዩ ዘሎ ደርቂ ናብ ሕሱም ጥምየት ክቕየር ይኽእል’ዩ ክብሉ ትካላት ረድኤት የጠንቕቑ ኣለው።
ኣብ ኣሜሪካ ዝመደበሩ ኮሚቴ ተሓላቂ ደሕንነት ጋዜጠኛታት(CPJ) ኣብ መላእ ዓለም ተአሲሮም ካብ ዘለው ጋዜጠኛታት እቶም 16 ኣብ ኢትዮጵያ ዝተአሰሩ ከምዝኾነ ገሊጹ ፡ እቶም እሱራት ዝግብኦም መሰል ተኸልኺሎም’ለው ኢሉ’ሎ።
ኣብ ቀረባ ግዜ ኣብ መንጎ ኣባላት ኣመራርሓን ደገፍትን ብዝተፈጥረ ዘይምርድዳእ ኣብ ክልተ ጉጅለታት ከምዝተኸፈለ ክዝረበሉ ዝፀንሐ ሰማያዊ ፓርቲ መንነቶም ብዘይተፈልጡ ሰባት ኣብ ቤት ፅሕፈተና ተቐጥቂጥና ክብሉ ኣቦ መንበር እቲ ፓርቲ ኣቶ የሺዋስ ኣሰፋ ሓቢሮም።
ናይ ኢትዮጵያ ፌደራል ጠቕላሊ ቤት ፍርዲ ኣብ መንጎ ዓቃቢ ሕጊን ብተግባር ሽበራ ዝተኸሱ ፀሓፍቲ ዓምዲ ኢንተርኔት እኒ ሶሊያና ሽመልስን ዝካየድ ክርክር ሎሚ እውን ውሳነ ኣይሃበን።
ተወሳኺ ጽዓን
