ኣብ ኢትዮጵያ ኣብ ሓሙሽተ ክልላት ብሰንኪ ዘጋጠመ ደርቂ ሕፅረት መግቢ፣ዝስተ ማይን ፀገም ቀለብ እንስሳትን ከምዘጋጠመ፣ እንስሳት ምሟት ከምዝጀመራን ኣሽሓት ተማሃሮ ትምህርቶም ከምዘቋረፁን ነበርቲ ገሊፆም።
ኢትዮጵያ ብክስተት ኤል-ኒኞ ኣጋጢሙዋ ዝነበረ ድርቂ መኪታ ኣብ ዝሓለፈትሉን ኣብታ ሃገር ተፈጢሩ ዝነበረ ህውከትን ኣብ ዝተረጋገአሉ እዋን እያ ናብ ሓድሽ ናይ ኣውሮፓዊያን ዓመት 2017 ትሰጋገር ዘላ ኢሎም ወሃቢ ቃል ቤት ፅሕፈት ጉዳያት ኮሚኒኬሽን መንግስቲ ኢትዮጵያ።ኣብ ኒው ዮርክ ኮሌጅ ኣዮና ተሓሓጋዚ ፕሮፌሰር ዝኾኑ ዶ/ር ደረሰ ጌታቸው ግን እታ ሃገር ምስ ከበድቲ ፀጋማት እያ ትሰጋገር ዘላ ይብሉ።
ኣብ ኢትዮጵያ ክልል ኣምሓራ ብቕድሚ ትማሊ ሰንበት ሰለስተ ሰባት ከምዝተቐትሉ ነበርቲ ገሊፆም። እቶም ነበርቲ ብተወሳኺ “ኣብቲ ክልል ሰባት ይቕተሉ፣ይእሰሩን ገሊኦም ድማ ኣበይ ከምዝኣተው ኣይፈልጥን።ሓለዋ ኣይገበረልናን’’ ይብሉ ።መንግስቲ እቲ ክልል ግን ንዜጋታቱ ሓለዋ ይገብር እዩ፤ተቐቲሎም ብዛዕባ ዝተባሃሉ ድማ ሓበሬታ የብልናን ኢሉ’ሎ። ብዝተኣሳሰረ ዜና ኣብ ክልል ኦሮሚያ ዞባ ጅማ ሰባት ይእሰሩ ከምዘለው ነበርቲ ገሊፆም ኣለው።
መንግስቲ ኢትዮጵያ ንናጽነት አገልግሎት ኢንተርነት ብምዕፋን ሰብኣዊ መሰላት ገዲቡ ዝፈጸሙ ምግሃሳት ናብ አደባባይ ከይወጹ’ውን ገዲቡ’ሎ ክብል ዓለምለኸ ተሓላቒ ሰብኣዊ መሰላት ኣምንስቲ ኢንተርናሽናል ኣብ ዝጸውጽኦ ጸብጻብ ገሊጹ።
ኣብ ክልል ኦሮሚያ ብዝተላዓለ ህውከት ብናይ ወፃኢ ዜጋታት ዝወነኑ ኩባንያታት ዒላማ ኮይኖም ኣለው።ሰበስልጣን መንግስቲ እቲ ናዕቢ ንቁጠባዊ ዕብየት እታ ሃገር ንድሕሪት ከይመልሶ ስግኣት ኣለዎም።ተንተንቲ ግን ኣብታ ሃገር ዘሎ ቁጠባዊ ዕብየት ንክቕፅል ናይቶም ተቓወምቲ ሕቶታት ምፍታሕ ኣገዳሲ እዩ ይብሉ።
ኣብ ኢትዮጵያ ደቡብ ክልል ዞባ ጌዶ ብዝተፈጥረ ግጭት ተወለድቲ እቲ ከባቢ ኣጥቒዖምና ብዝበልዎም ሰባት ቁፅሮም ዘይተፈልጠ ሰባት ከምዝሞቱ ንድምጺ ኣሜሪካ ገሊፆም።
ኣብ ኢትዮጵያ ካብ ዝምህረሉ አምቦ ዩኒቨርሲቲ ወሊሶ ካምፓስ ዝሓለፈ ቀዳም ተወሲዱ ዝተአሰረ ስዩም ተሾመ ብህጹጽ ክፍታሕ ተማጓቲ ደሕንነት ጋዜጠኛታት (CPJ) ጸዊዑ።
ካብ ዝተፈላለዩ ቦታታት ዝተአኻኸቡ ማህበረሰባት ኢትዮጵያ፡ ሲቪል ማህበራትን ተሓለቕቲ መሰላትን ሎሚ ኣብዚ ኣብ ዋሽንግተን ዲሲ ሰላማዊ ሰልፊ ኣካይዶም።
ኣብ ከተማ ጎንደር ‘ቅዳሜ ገበያ’ ተባሂሉ ኣብ ዝፍለጥ ናይ ዕዳጋ ቦታ ትማሊ ምሸት ብዘጋጠመ ባርዕ ሓዊ 420 ዝኸውን አባይቲ ንግዲ ምሉእ ብምሉእ ከምዝዓነዉ ተገሊጹ።
ኣብ ክልል ኦሮሚያ ከተማ ነቀምት ኣብ ልዕሊ ዝርከብ መደብር ወታደራት መንግስቲ ብዝተፈፀመ ናይ ቦምብ መጥቓዕቲ ጉድኣት ከምዝወረደ ተገሊፁ።
ኣብ ዝሓለፈ ሰሙን ናይ ኢትዮጵያ ብሮድካስቲንግ ኮርፐሬሽን ንመግለጺ ፈደራል ፖሊስን ግብረ-ሓይሊ ጸረ-ሽብርን ብምጥቃስ ኣብ ዝፈነዎ ሪፖርት መንግስቲ ኢትዮጵያ 28 ሚያዝያ , 2008 ዓ.ም ኣብ ዘካየዶ ስርሒት ካብ ኤርትራ ዝተላእኩ አሸበርቲ ምስ ዝአከብዎ ኣጽዋርን ንብረትን ኣብ ትሕቲ ቁጽጽር አውዒለ ምባሉ ገሊጹ ኔሩ። እቲ መሓውር ዜና ነዚ ዜና ኣብ ዝፈነወሉ ጊዜ ብተመሳሳሊ ኣብ መርበብ ሓበሬታ’ቲ ትካል’ውን ነዚ ሪፖርት ኣውጺኡ ኔሩ። ምስ’ዚ ዜና ተታሓሒዙ’ውን ምስሊ ኣጽዋር ኣብቲ መርበብ ሓበሬታ ወጺኡ ኔሩ።
