ፕረዝደንት ኣሜሪካ ኮይኖም ዝተመርፁ ዶናልድ ትራምፕ ኣብ ውሽጢ ሽዱሽተ ኣዋርሕ ፈላማይ ጋዜጣዊ መግለፂ ሎሚ መዓልቲ ረቡዕ ሂቦም።
ቀዳማይ ሚኒስትር ኢትዮጵያ ኣብ ቀረባ ዝሃብዎ ጋዜጣዊ መግለፂ ንእዋናዊ ጉዳያት እታ ሃገር ኣብ ግምት ዘእተወ ኣይኮነን ክብሉ ኣቦ መንበር ተቓዋሚ ፓርቲ መድረኽ ፕሮፌሰር በየነ ጴጥሮስ ገሊጾም።
ኣብ ኢትዮጵያ ተፈጢሩ ዝነበረ ዘይምርግጋእ ብነባሪ ፍታሕ ክህልዎ ዕርቀ ሰላም ከምዘድሊ ጉባኤ ሃይማኖታዊ ትካላት ኢትዮጵያ ኣፍሊጡ።
ናይ ኦሮሚያ ክልል ፕረዝዳንት ን10 ሽሕ እሱራት ምሕረት ሂቦም።ኣቦ መንበር ተቓዋሚ ፖለቲካ መድረኽ እዚ ዝተውሃበ ምሕረት ሃናፂ ይኹን እምበር ኩነታት እታ ሃገር ንምርግጋእ ብሰንኪ ፖለቲካዊ መርጺኦም ዝተኣስሩ ፖለቲካዊ መራሕትን ኣባላትን ክፍትሑ ኣለዎም ይብሉ ።ሓላፊ ቢሮ ኮሚኒኬሽን ክልላዊ መንግስቲ ኦሮሚያ ግን ብፖለቲካዊ ኣመለኻኽትኡ ዝተኣስረ ሰብ የለን ኢሎም ኣለው።
ናይ ኢትዮጵያ ላዕለዋይ ፈደራል ቤት ፍርዲ ብተግባር ግብረ ሽበራ ዝተኸሱ 19 ሰባት ካብ ኣርባዕተ ዓመትን ሓሙሽተ ኣዋርሕን ክሳብ ሓሙሽተ ዓመትን ሽዱሽተ ኣዋርሕ ማእሰርቲ ወሲኑ።
ፕረዝደንት ባራክ ኦባማ ሩሲያ ኣብ ዝሓለፈ ወርሒ ኣብ ዝተኻየደ ፕረዝደንታዊ ምርጫ ኣሜሪካ ጣልቃ ብምእታዋ ን35 ዲፕሎማት ምብራር ሓዊሱ ስጉምቲ ወሲዶም።ናይ ሩሲያ ፕረዝደንት ቪላድሚር ፑቲን ግን ሞስኮ ንዲፕሎማት ኣሜሪካ ኣይክትሰጉግን እያ ኢሎም።
ኢትዮጵያ ብክስተት ኤል-ኒኞ ኣጋጢሙዋ ዝነበረ ድርቂ መኪታ ኣብ ዝሓለፈትሉን ኣብታ ሃገር ተፈጢሩ ዝነበረ ህውከትን ኣብ ዝተረጋገአሉ እዋን እያ ናብ ሓድሽ ናይ ኣውሮፓዊያን ዓመት 2017 ትሰጋገር ዘላ ኢሎም ወሃቢ ቃል ቤት ፅሕፈት ጉዳያት ኮሚኒኬሽን መንግስቲ ኢትዮጵያ።ኣብ ኒው ዮርክ ኮሌጅ ኣዮና ተሓሓጋዚ ፕሮፌሰር ዝኾኑ ዶ/ር ደረሰ ጌታቸው ግን እታ ሃገር ምስ ከበድቲ ፀጋማት እያ ትሰጋገር ዘላ ይብሉ።
“ኣብ ህውከት ተሳቲፎም’’ ክብል መንግስቲ ኢትዮጵያ ኣሲሩዎም ዝነበረ ብኣሽሓት ዝቑጸሩ ሰባት ትማሊ ምፍትሖም ሕጉሳት ምዃኖም ዝገለፁ ተቓወምቲ ፖለቲካዊ ፓርቲ ቀደሙ እውን ክእሰሩ ኣይነብሮምን ኢሎም።
ተቓዋሚ ፓርቲ ዓረና ትግራይ ዝሓለፈ ሰንበት 9 ታሕሳስ 2009 ዓ/ም ኣብ ደቡባዊ ትግራይ ከተማ ማይጨው ኣኼባ ከየካይድ ብሓይልታት ፀጥታ ተኸልኪለ ክብል ከሲሱ።
ኣብ ኢትዮጵያ ክልል ኣምሓራ ብቕድሚ ትማሊ ሰንበት ሰለስተ ሰባት ከምዝተቐትሉ ነበርቲ ገሊፆም። እቶም ነበርቲ ብተወሳኺ “ኣብቲ ክልል ሰባት ይቕተሉ፣ይእሰሩን ገሊኦም ድማ ኣበይ ከምዝኣተው ኣይፈልጥን።ሓለዋ ኣይገበረልናን’’ ይብሉ ።መንግስቲ እቲ ክልል ግን ንዜጋታቱ ሓለዋ ይገብር እዩ፤ተቐቲሎም ብዛዕባ ዝተባሃሉ ድማ ሓበሬታ የብልናን ኢሉ’ሎ። ብዝተኣሳሰረ ዜና ኣብ ክልል ኦሮሚያ ዞባ ጅማ ሰባት ይእሰሩ ከምዘለው ነበርቲ ገሊፆም ኣለው።
ኣብ ሕቡራት ሃገራት ኣምባሳደር ኣሜሪካ ሳማንታ ፓወር ንኣቶ በቀለ ገርባ ሓዊሱ ኣብ ትሽዓት ሃገራት ዝተኣስሩ ትሽዓተ ፖለቲካዊ እሱራት ክፍትሑ ፀዊዐን።ብኻልእ ወገን ዓለምለኸ መዓልቲ ሰብኣዊ መሰላት ምኽንያት ብምግባር ኣብ ኢትዮጵያ ዝቕመጡ ዲፕሎማሰኛታት መንግስቲ ኢትዮጵያ ንናይ ዜጋታቱ መረረ ክሰምዕ ኣገዳሲ እዩ ክብሉ መግለፂ ኣውፂኦም።
ፕረዝደንት ባራክ ኦባማ ኣብ ክፍለ ግዝኣት ፍሎሪዳ ኣብ ዝርከብ መደብር ሓይሊ ኣየር ማክዲል ትማሊ ሰሉስ ኣብ ዘስምዕዎ ኣብ ሃገራዊ ድሕነት ዘተኮረ ናይ መወዳእታ መደረ፡ ኣሜሪካ ንዳዕሽ ብምድኻም ናብ ባርባራውን ጨካንን ምስሉ ኣውሪዳቶ፣ኣል-ቃይዳ ንዖሳማ ቢን ላዲን ብምቕታል ካብ ጥቕሚ ወፃኢ ገይራቶ’ላ ኢሎም።ኣሜሪካ ክብርታታ ክትዕቅብ እውን ኣጠንቂቖም ኣለው።
ተቃዋሚ ፓርቲ ፈደራሊስት ኮንግረስ ኦሮሞ ዶ/ር መረራ ጉዲና ንዝኾነ ይኹን ሕጊ እታ ሃገር ኣይጥሓሱን፣ ንሶም ይመርሕዎ ዘለው ሰላማዊ ቓልሲ ኣብ ልዕሊ መንግስቲ ስግኣት ስለዝፈጠረ እዮም ዝተኣስሩ ክግብል ገሊጹ።ብተወሳኺ እቲ ፓርቲ ኣብ ዘውፅኦ መግለፂ መራሒኡ ብህፁፅ ክፍትሐሉ ፀዊዑ’ሎ።
ዶ/ር መረራ ጉዲና ዝተኣስሩ ንናይ ህጹጽ እዋን ኣዋጅ ብምጥሓሶም ምዃኑ ወሃቢ ቃል መንግስቲ ኢትዮጵያ ዶ/ር ነገሪ ሌንጮ ገሊጾም።ንሶም ተወሳኺ ሓበሬታ ካብ ኣካላት ሕጊ ወይ ካብ ኮማንድ ፖስት ኣብ ከይዲ ምርካብ ይክኣል እዩ ኢሎም።
ሎሚ ታህሳስ 1 ኣብ ዝኽበር ዓለምለኸ መዓልቲ ኤይድስ ምክንያት ንወፍሪ ፀረ-ኤች.ኣይ.ቪ. ዝወሃብ ትኹረት ክቕፅል ከምዘለዎ ካብ ዝተፈላለዩ ወገናት ዝወፁ መረዳእታታት ኣተሓሳሲቦም።ዓለምለኸ ትካል ረድኤት ዩናይትድ ስቴትስ(ዩኤስኣይዲ) ኣብቶም ዝሓለፉ 15 ዓመታት ኣብ ኢትዮጵያ ኣብ መዳያት ምክልኻልን ምክንኻንን’ቲ ሕማም ዝለዓለ ሓገዝ ምግባሩ ናይቲ ትካል ምኽትል ኣተሓባባሪ ፕሮግራም ኤችኣይቪ ገሊፆም።
ኣብ መላእ ዓለም ብሰንኪ መግሃስቲ ሰብኣዊ መሰላትን ምሽርሻር ዓለምለኸ ትካላትን ሕግታትን ማሕበራዊ ሓድነት ሃገራት ኣብ ስግኣት ወዲቑ’ሎ ክብሉ ኣብ ሕቡራት ሃገራት ላዕለዋይ ኮሚሽነር ሰብኣዊ መሰላት ራዓድ ዘይድ ኣል-ሁሴን ኣፍሊጦም።
ተወሳኺ ጽዓን
