ብርሃነ በርሀ

ምምሕያሽ ምህዞ፡ ቀጥታዊ ጸገም ንምፍታሕ

ሰንበት 13 ነሓሰ ተኸፊቱ 20 ነሓሰ ኣብ ዝተዛዘመ ፌስቲቫል ኤርትራ 2023 ኣብ ኣዳራሽ ምህዞን ሰንዓን ብዝተፈላለዩ ተሳተፍቲ ዝቐረቡ ስራሓት ነቶም ኣብ ከባቢኦም ዝርኣዩ ሕጽረታት ንምቅላል ዝፈተኑ’ዮም። ወኪልና ብርሃነ በርሀ ንገለ ካብቶም ተሳተፍቲን ንጸገም ከባቢኦም ንምምሕያሽ ካብ ዝሰርሑ ዘለዉን ኣዘራሪቡ ዝለኣኾ ጸብጻብ ይስዕብ።

ምርኢት ተመሃሮ ኣብ ፈስቲቫል ኤርትራ

ድሕሪ ናይ 4 ዓመታት ብኩራት ሰንበት 13 ነሓሰ ኣብ ቀጸሪ ኤክስፖ ኣብ ዝተኸፈተ ሃገራዊ ፌስቲቫል ኤርትራ 2023 ብተማሃሮ 2ይ ደረጃ ንዝተፈላለየ መዓላ ዝውዕሉ ናይ ሮቦቲሪክስ ስርሓት ንህዝቢ ቀሪቦም። እቶም ተማሃሮ ኣብ ማእከል ትምህርትን ዳህሳስን ተማሃሮ ሚኒ/ትምህርቲ፡ ስልጠና ሮቦቲክስ ክወስዱ ዝጸንሑ’ዮም።

የማነ ዘወንጌል ምስ ሓድስ ኣልበሙ “ትማሊ”

የማነ ዘወንጌል ምስ ሓዳስ ኣልቡሙ

ስነ-ጥበበኛ የማነ ዘወንጌል ሙዚቀኛን ኣውሃሃዲ ሙዚቃን እዩ። ናይ ሓያለ ጥበበኛታት ስራሕ በቲ ዝመልኮ ፍሉት ማለት ሻምብቆ ተጻዊቱን ኣርባዕት ነፍስወከፈን 10 ደርፍታት ዝሓዛ ሲዲታት ዘርጊሑን’ዩ። የማነ “ትማሊ” እትብል ብፍሉት ዝተጻወተን 10 ደርፍታት ዝሓዘት ኣልቡም ከኣ ዝሓለፈ 28 ሓምለ 2023 ኣመሪቑ`ሎ። ኣብቲ ናይ መላለዪ መደብ፡ ምርእት ፋሽን ባህላዊ ክዳን፡ናይ ቅብኣን ቅርጻን ስርሓት ቀሪቡ ኔሩ።

መድሃኔ--ኒሕ ዝወለዶ ሰናይ ተበግሶ

ተመሳሳሊ ማሕንቖ ኣብ ካልኦት ተቐዳደምቲ ንኸይድገም

መድሃነ ተኽለማርያም ኣብ ን/ዞ/ጋላ ነፍሒ፡ ዓዲቀ ተወሊዱ ዝዓበየን ዝነብረን ኣብ ሞያ ምምህርና ዝሰርሕ ዘሎ ወለንታዊ ዓላሚ ብሽክለታት’ዩ። መድሃኔ ካብ ዝተፈላለዩ ቦታታት ናይ ኤርትራ ንዝመጽኡ ጀመርትን ድሌት ዘለዎምን ተቐዳደምቲ ብሽክለታ ብምዅስኳስን ብምዕላምን ናብ ዝተፈላለዩ ዓበይቲ ጋንታታት ንኽሰጋገሩን ካብኡ ሓሊፎም ኣብ ደረጃ ፕሮፌሽናላት ክበጽሑ ባይታ ዝፈጠረ ኣብነታዊ መምህር እዩ።

ብዘይ ሃልኪ ጸዓት እትሰርሕ ባህላዊት መዝሓሊት

ቶማስ ሰመረ፡ ሃብቶም ብርሃነ፡ ዮናታን ኣለምን ሄርሞን ሕሳቡን ዝተብሃሉ ካብ ኮለጅ ምህንድስና ሕርሻ ሎሚ ዓመት ትምህርቶም ዝዛዘሙ 4 መሃንድሳት፡ ብዜሮ ጸዓት እትሰርሕ ባህላዊት መዝሓሊት ኣማዕቢሎም። እታ መዝሓሊት ብዘይ ዝኾነ ሃልኪ ጸዓት እተሰርሕን ዕድመ ኣሕምልትን ፍረታትን ብምንዋሕ ከይተበላሸወ ንሰሙናት ተዓቂቡ ንኽጸንሕ እትሕግዝ ምህዞ ከም ዝኾነት ሓደ ካብቶ ኣማዕበልታ ቶማስ ሰመረ ንድምጺ ኣመሪካ ሓቢሩ።

ኣብ ኣስመራ ስልጠና ሞያ ማእለማ ይወሃብ ኣሎ

ኣብ ኣስመራ ስልጠና ሞያ ማእለማ ይወሃብ ኣሎ

ኣብ መሰልጠኒ ማእከል ሚንስትሪ ዕዮን ማሕበራዊ ድሕነትን(ደብዓት) ስልጠና ሞያ ማእለማ ይወሃብ ኣሎ። እቲ ስልጠና መቐጸልታ ናይቲ ኣቐዲሙ ብሃማደኤ ዝተዋህበ ናይ ኣሰልጠንቲ ስልጠና ኮይኑ ካብ 10 – 20 ዓመት ኣብ ሞያ ማእለማ ክሰርሓ ዝጸንሓ፡ኣንስቲ ስዉኣት፡ዝተጣየሳ ተጋደልትን ሃገራዊ ኣገልግሎትን፡ጽጉማትን ኣለይቲ ስድራ ከም ዝኾና ነቲ ስልጠና ዝህብ ዘሎ ዲዛይነርን ናይ ፋሽንን ጨርቅን መምህር ነጋሲ ተስፋጼን ንድምጺ ኣመሪካ ሓቢሩ።

ኣብ ኤርትራ ምስፍሕፋሕ ምድረ-በዳነት ንምምካት ይስራሕ ከምዘሎ ሚኒ/ሕርሻ ገሊጹ

ኣብ ኤርትራ ምስፍሕፋሕ ምድረ-በዳነት ንምምካት ይስራሕ ከምዘሎ ሚኒ/ሕርሻ ገሊጹ

ነቲ ብተፈጥሮን ሰብ-ሰርሖን ዝስዕብ ምድረ-በዳነት ንምምካት ማይን ሓመድን ናይ ምዕቃብን ናይ ምግራብን ስርሓት ይካየዱ ከምዘለዉ ኣብ ሚኒስትሪ ሕርሻ ኤርትራ ሓላፊ ጨንፈር ባህርያዊ ሃብትን ልምዓት መስኖን መሃንድስ ሚኪኤል ብርሃነ ንድምጺ ኣመሪካ ሓቢሩ።

ምርኢት ብኢድ ዝተሰርሐ ናይ ቆርበት ቦርሳታት

ምርኢት ብኢድ ዝተሰርሐ ናይ ቆርበት ቦርሳታት

ብኢደ ጥበበኛ ዮናታን ተስፋይ ዝተዳለወ ምርኢት ብኢድ ዝተሰርሐ ቦርሳ ፡ ሎሚ ዓርቢ 21 ሓምለ 2023 ድሕሪ ቀትሪ ኣብ ኣስመራ 'ዘ ጋለሪ' ተኸፊቱ። ኣብዚ ብዓይነቱ ናይ ፈለማ ከም ዝኾነ ዝተገልጸ ምርኢት ፡ዝተፈላለዩ ዓቐንን ቅርጽን ዘለዎም ልዕሊ 80 በበይኖም ዓይነት ቦርሳታት’ዮም ቀሪቦም። ኣብቲ መኽፈቲ ምርኢት ዲፕሎማትን ብርክት ዝበሉ ግዱሳትን ተረኺቦም ነይሮም። ድምጺ ኣመሪካ ኣብቲ ምርኢት ተርኺቡ ንኢደ-ጥበበኛ ዮናታንን ገለ ተሳተፍትን ኣዘራሪቡ ኣሎ።

ሮራ ዲጂታል ላይብረሪ ኣብ ኤርትራ ንኣብያተ ትምህርትን ተማሃሮን ንምሕጋዝ ይነጥፍ

ሮራ ዲጂታል ላይብረሪ ኣብ ኤርትራ ንኣብያተ ትምህርትን ተማሃሮን ንምሕጋዝ ይነጥፍ

ሮራ ዝተባህለ ዲጂታላዊ ቤተ መጸሓፍቲ ፡ ኣብ ኤርትራ ንኣብያተ ትምህርትን ተማሃሮን ንምሕጋዝ ይነጥፍ ኣሎ። ዳይሬክተር`ቲ ትካል ኣቶ ክፍሎም ሚካኤል፡ ትካሉ፡ ነቲ ዘሎ ሕጽረት ኢንተርነት ንምፍታሕ፡ ፍልጠት ብዲጂታላዊ መንገዲ ንክመሓላለፍ ዝሕግዝ ዝተፈላለዩ መንገድታት ይጥቀም ከም ዘሎ ይገልጽ።

ሲስተር ይርጋኣለም ኢሳቕ ን30 ዓመታት ኣብ ሞያ ነርስ፡ ብዋጋ ኵሉ ውልቃዊ ህይወት

ሲስተር ይርጋኣለም ኢሳቕ ን30 ዓመታት ኣብ ሞያ ነርስ፡ ብዋጋ ኵሉ ውልቃዊ ህይወት

ሲስተር ይርጋኣለም ኢሳቕ ቅድሚ ሰላሳ ዓመታት ሞያ ነርስ ከም መሕረሲት ኰይና ከም ዝጀመረት ትግለጽ፡ ኣብ ኣብ መንደፈራ ኣብ ዝርከብ ሃገራዊ ሆስፒታል ፊስቱላ ከም ርእሰ ነርስ ኮይና ን19 ዓመታት ሰሪሓ ኣላ። ኣብዚ ኣዝዩ ተኣፋፊ ሞያ ክትሰርሕ ግን ዝበዝሕ ውልቃዊ ህይወታ መስዋእቲ ብምኽፋል’ዩ። ንተመኵሮኣን ታሪኽ ህይወታን ብዝምልከት ኣዘራሪብናያ ኣለና።

ትስፉው ምጅማር ዘራእቲ ኤርትራ፡ እቲ ውጽኢት ግን ገና ኣብ ዝናብ’ዩ

ትስፉው ምጅማር ዘራእቲ ኤርትራ፡ እቲ ውጽኢት ግን ገና ኣብ ዝናብ’ዩ

ሎሚ ዓመት፡ ምስ ናይ ቅድሚኡ ዝነበረ ክርአ እንከሎ፡ ዝናብ ኣብ እዋኑን ብስሩዕን ይቕጽል ምህላዉ፡ ሚኒስትሪ ሕርሻ ኤርትራ ዘለዎ ጽቡቕ ተስፋ ይገልጽ ኣሎ። እንተዀነ፡ ኣብ ምሉእ ዝናብ ዝምርኰስ ሕርሻ ኣታዊን ወጻኢ ምዃኑ ስለ ዘይተርፍ፡ እቲ ጻዕሪ ናብ ዘላቒ ኣገባብ ማሕረስ ንምስግጋር ምዃኑ ሰብ-መዚ ሕርሻ ይግለጹ።

ኤርትራ፤ ኣብ ታሪኽ ተመርኲሳ ብውሽጣዊ ዓቕሚ ዝፈረየት ፈላመይቲ ኮምፕዩተር ጌም

ናይ ኮምፕዩተር ጌም (ወይ ኣብ ኮምፕዩተራትን ካልእ መሳርሒታትን ዝጽወት) ኣብ ምዕቡላት ሃገራት ዕብየቱን ህቡብነቱን እናተዓጻጸፈ ዝመጽእ ዘሎ ዓውዲ’ዩ። ነዚ ዘሎ ምዕባለታት ዝተገንዘቡ መሃንድሳት እምበኣር፡ ኣብ ኤርትራ፡ ብውሽጣዊ ዓቕሚ ዝፈረየት ናይ ፈለማ ናይ ኮምፕዩተር ጌም ንህዝቢ ኣላልዮም ኣለዉ። እቲ ተወሳኺ ፍሉይነታ ድማ ኣብ ኤርትራ ንዝተፈጸመ ታሪኽ ተመርኲሳ ዝተሰርሐት ብምዃና’ያ።