ምንያ ኣፈወርቂ

“ሓበን-ኤሪ” ንኤርትራዊያን አካለ-ጉድኣት ዝሕግዝ ዘይመኽሰባዊ ትካል

“ሓበን-ኤሪ” ንኤርትራዊያን አካለ-ጉድኣት ዝሕግዝ ዘይመኽሰባዊ ትካል

“ሓበን-ኤሪ” ኣብዚ ኣብ ኣመሪካ ኣብ ክፍሊ ሃገር ጆርጂያ ዝተመዝገበ ዘይመኽሰባዊ ትካል’ዩ። እዚ ብግዱሳት ኤርትራውያን ዝጀመረ ማሕበር፡ ኣብ ኣመሪካን ካናዳን ንኣካለ-ጉዱኣት ኤርትራውያን ንምሕጋዝ ዓሊሙ ዝተበገሰ’ዩ። ብዛዕባ’ዚ ገና ኣብ ፈላሚ ብርኩ ዝርከብ ማሕበር ንምዝርራብ ሰለስተ ኣጋይሽ ዓዲምና ኣሎና።

ዕላል ምስ ፕሮፈሰር በርሀ ሃብተጊዮርጊስ፤ ልዕሊ 40 ዓመት ተመኵሮ ኣብ ኣመሪካ

ካብ እዋን መግዛእቲ ኢጣልያ ተወሊዶም ናይ መባእታ ትምህርቶም ኣብ ግዜ ምምሕዳር እንግሊዝ፡ ናይ ማእከላይን ካልኣይን ደረጃ ድማ ኣብ እዋን ፈደረሽን ኤርትራ ምስ ኢትዮጵያ ዝተማህሩ ፕሮፈሰር በርሀ ሃብተጊዮርጊስ፡ ቅድሚ ናብ ኣመሪካ ምምጻኦም፡ ኣብ በበይኑ ቦታታት ሰሪሖም’ዮም። ብዙሕ እዋን ጋሻ ድምጺ ኣመሪካ ንዝዀነ ፕሮፈሰር በርሀ ንሎሚ ግን ምስ ተመኵሮ ህይወቶም ንምዕላል ኢና ዓዲምናዮም።

ስድራቤት ደሃይ ዝጠፍአ ወዶም የናድዩ

ኣቶ ሚኪኤል ሰረቀ ተመክሮ 40-ዓመታት ስደትን 55-ዓመታት ሓዳርን የካፍሉ

ኣቶ ሚኪኤል ሰረቀ ተመክሮ 40-ዓመታት ስደትን 55-ዓመታት ሓዳርን የካፍሉ

91-ዓመት ዝዕድሚኦም ኣቶ ሚኪኤል ሰረቀ ኣብዚ ኣብ ኣመሪካ ንልዕሊ 40-ዓመታት ዝነብሩ ዘለዉ እዮም። ኣብ መጀመርያ 80ታት ናብ ኣመሪካ ስድረኦም ሒዞም ዝተሰዱ ኣቶ ሚኪኤል ሰረቀ ምስ በዓልቲ ቤቶም ወ/ሮ ፋና ገብረቃል ንልዕሊ 55- ዓመታት ብሓዳር ዝነብሩ ዘለዉን 9 ደቂ፣ 20 ደቂ ደቅን ክልተ ኸኣ ደቂ ደቂደቆም ዝርኣዩ ወላዲ እዮም።

ዘተ፤ ዕብየትን ዘይምእኩል መራኸቢታትን ኣብ ዝርጋሐ ዝንቡዕ ሓበሬታ ጥዕና ዝፈጥሮ ሻቕሎት

ዘተ፤ ዕብየትን ዘይምእኩል መራኸቢታትን ኣብ ዝርጋሐ ዝንቡዕ ሓበሬታ ጥዕና ዝፈጥሮ ሻቕሎት

ምስ ዕብየትን ዝርጋሐን ማሕበራዊ መራኸቢታት ኣብ ሞያ ጥዕና ኣመልኪቱ ዝዝርጋሕ ዝንቡዕን ጌጋን ሓበሬታ እናዓበየነ ኣሰካፊን ምዃኑ ሰብ-ሞያ ስምዕታኦም የካፍሉ ኣለዉ። ኣብዚ መዳይ ዝርአ ዘሎ ስክፍታትን ንምዕራዩ ብዛዕባ ክግበር ዝኽእል ተበግሶን ኣመልኪትና ምስ ሞያውያን ዘተ ኣካዪድና ኣሎና። መርበብ ሰብ-ሞያ ጥዕና ኤርትራውያን ኣብ ቀረባ እዋን ኣብዚ ጉዳይ ኣመልኪቶም ዘተ ኣካዪዶም ነይሮም።

ተጻራሪ ኣናብባ ንዑደት ፕረዚደንት ኢሳይያስ ኣፈወርቂ ናብ ቻይናን ሩስያ

ተጻራሪ ኣናብባ ንዑደት ፕረዚደንት ኢሳይያስ ኣፈወርቂ ናብ ቻይናን ሩስያ

ኣብ ወርሒ ግንቦት ፕረዚደንት ኢሳይያስ ኣፈወርቂ፡ ሰፊሕ ኣቓልቦ ማዕከናት ዜና ዝሰሓበ ዑደት ናብ ቻይናን ሩስያን ኣካዪዱ። ርክብ ፕረዚደንት ኢሳይያስ ምስ ክልተ ዓበይቲ መራሕቲ ኣብ ዘቤታዊ፡ ዞባዊ ዓለማዊን መድረኻት ክህሉዎ ዝኽእል ለውጢ ንምግምጋም እምበኣር’ዩ ሎሚ ሒዝናዮ ዘሎና ዛዕባ: ኣብዚ ርክባት ዘለዎም ሓሳባት ንኸካፍሉና፡ ምሁር ኣህጉራዊ ዝምድናታት ዘርአስላሴ ረድኢን ኣብ ጉዳያት ኤርትራን ቀርኒ ኣፍሪቃን ብቐረባ ዝከታተል ኣልኣዛር ኣብርሃምን ዓዲምና ኣሎና።

ማሕበር ፍኖተ-ሰላም ንምቅርራብ ህዝብታት ትዕልም

ማሕበር ፍኖተ-ሰላም ንምቅርራብ ህዝብታት ትዕልም

ነበርቲ ከባቢ ዋሽንግተን ዲሲ ዝኾኑ ገለ ኤርትራውያንን ተጋሩን ንምቅርራብ ህዝብታት ዝነጥፍ ፍኖተ-ሰላም ዝሰመዩዎ ትካል መስሪቶም ይንቀሳቀሱ'ለዉ። ብዛዕባ'ዚ ትካል ኣቃውማን ዕላማን ካብ ህዝባዊ ርክባት'ቲ ትካል ንዶ/ር ይፍደኣምላኽ ተስፋማርያምን ኣቶ ኣማኑኤል በርሀን ኣዘራሪባ ንመደብ ህዝቢ ምስ ህዝቢ ቀሪባቶ'ላ።

ኲናት ሱዳን ብዓይኒ ተንተትንቲ ፖለቲካ

ኲናት ሱዳን ብዓይኒ ተንተትንቲ ፖለቲካ

ሓያሎ ሃገራት ዜጋታተን ከውጽኣ እንከለዋ፡ ኣብ መንጎ ሓይልታት ህጹጽ ወሃብ ደጋፍን ሰራዊት መንግስቲ ሱዳንን ዝካየድ ዘሎ ኲናት፡ መጠናዊ ምቍራጽ ደኣ ይረኣዮ’ምበር ገና ግን ኣይዓረፈን። ንምዃኑ እዚ ህውከት ብኸመይ ክፍታሕ ይኽእል? ባህጊ ህዝቢ ሱዳን ዝኾነ ሲቪላዊ መንግስቲ ክማላእ ይኽእል’ዶ? እዚ ህውከት ንጎረባብቲ ሃገራት ብኸመይ ይፀሉ ዝብሉ ሕቶታት ንምዝታይ ንኽልተ ኣጋይሽ ኣዘራሪብና’ለና።

ደቀንስትዮ፤ እምቢታ ንዂናት

ደቀንስትዮ፤ እምቢታ ንዂናት

ኣብ ቀርኒ ኣፍሪቃ፡ ብሕልፊ ድማ ኤርትራን ኢትዮጵያን ዝቐጸለ ሰንሰለታዊ ኲናት፡ ንወለዶታት ኣዘኽቲሙን ኣሳዲዱን’ዩ። ካብቶም ቀንዲ ግዳያት እዚ ድማ ደቀንስትዮን ህጻናትን’ዮም። ኣብዚ ኣርእስቲ’ዚ ዘለዎን ሓሳባት ንኸካፍልና እምበኣር ክልተ ኣጋይሽ ንመደብ ህዝቢ ምስ ህዝቢ ኣዘራሪብና ኣለና።

ዕላል ምስ ኣቶ ከራር ህያቡ

▶ዕላል ምስ ኣቶ ከራር ህያቡ

ዕባይ ዒላበርዒድ ዝኾነ ኣቶ ከራር ብዛዕባ ዝዓበያላ ዒላበርዒድን ሓቋፊ ባህሊ እቲ ማሕበረሰብን ኣካፊሉና'ሎ። ኣብ መጀመርታ 90'ታት ኣብ ሱዳን ኣብ ሚድያ ዝነጥፍ ዝነበረ ኣቶ ከራር ትግርኛ:ትግረ:ብሌን ሓዊሱ ቋንቋታት ይዛረብ። ተመኩርኡ ከኻፍለና ንመደብ ኤርትራዊያን ኣብ ኣመሪካ ዓዲምናዮ ኣለና ።

ሰናዲት ዛንታ ወ/ሮ ኣበባ ብርሃነ መድህን

▶ሰናዲት ዛንታ ወ/ሮ ኣበባ ብርሃነ መድህን

ወ/ሮ ኣበባ ብርሃነ መድህን ኣብ ከተማታት ኣዲስ ኣበባን ዓሰብን ዝዓበየት ኤርትራዊት`ያ። ዝበዝሐ ናይ ንእስነት ዕድሚኣ ግን ኣብ ዓሰብ`ዩ።ኣብ 1975 ኣብ 'ማሪታይም' ማለት መጓዓዝያ መራኽብ ወደብ ዓሰብ ትሰርሓሉ ዝነበረት እዋን ምስ ብጾታ ብዛዕባ ዘጋጠማ ግፍዕን ማእሰርትን ሰኒዳ`ላ።