ሙሉጌታ ኣጽብሃ

መጓዓዝያ ምድሪ ናብ ክልል ትግራይ ጀሚሩ

ንነዊሕ እዋን ኣቋሪጹ ዝጸንሐ፡ ናብ ክልል ትግራይ ዝወስድ መጓዓዝያ ምድሪ፡ ብቐዳም 22 ሚያዝያ 2023 ጀሚሩ። እዚ ብ'ሰላም ባስ' ዝጀመረ ናይ ምድሪ መጓዓዝያ፡ ብመገዲ ክልል ዓፋር ዝሓልፍ ኰይኑ፡ ምስቲ ክልል ብምርድዳእ ስሉጥ ኣገልግሎት ንምሃብን ነቲ ዘሎ ምድንጓያት ንምቅላልን ይሰርሑ ምህላው ሓላፊ መጓዓዝያ ክልል ትግራይ ገሊጾም።

ኣብ ክልል ትግራይ ዝርከቡ ሰራሕተኛታት መንግስቲ ደሞዝ ምኽፋል ጀሚሮም

ኣብ ክልል ትግራይ ዝርከቡ ሰራሕተኛታት መንግስቲ ደሞዝ ምኽፋል ጀሚሮም

ካብ ወርሒ ሰነ 2013 ዓ.ም. ጀሚሩ ኣቋሪጹ ዝጸንሐ ባጀት ክልል ትግራይ ንፈለማ ግዜ ድሕሪ ምልቃቑ፡ ኣብቲ ክልል ዝርከቡ ሰራሕተኛታት መንግስቲ ናይ ሰለስተ ኣዋርሕ ደሞዝ ምኽፋል ከም ዝጀመሩ ሓላፊት ቢሮ ፋይናንስን ምትሕብባር ሃብቲን እቲ ክልል ገሊጸን። ኣብ ተመሳሳሊ ምዕባለ፡ ብምኽንያት ኲናት ካብ ናይ ስራሕ ቦታኦም ርሒቖም ዝጸንሑ ሰራሕተኛታት ንኽምለሱ ጻውዒት ተገይሩሎም ኣሎ

ኣብ ክልል ትግራይ ድሕሪ ክልተ ሰሙን ትምህርቲ ክጅምር’ዩ

ኣብ ክልል ትግራይ ድሕሪ ክልተ ሰሙን ትምህርቲ ክጅምር’ዩ

ንልዕሊ ሰለስተ ዓመታት በዂሩ ዝጸንሐ ስርዓተ-ትምህርቲ ክልል ትግራይ ኣብ ውሽጢ ክልተ ሰሙን ክጅምር ምዃኑ ቢሮ ትምህርቲ እቲ ክልል ሓቢሩ። ከም ሓበሬታ እቲ ቢሮ፡ ነቲ ዝጠፍአ ግዜ ትምህርቲ ንምትካእ፡ ኣብ ዓመት ንናይ ክልተ ዓመታት መጠን ትምህርቲ ክወሃብ ምዃኑ ተሓቢሩ ኣሎ።

መቐለ፤ ኢፍጣር ኣብ ጎደና

መቐለ፤ ኢፍጣር ኣብ ጎደና

ትማሊ ሰኑይ፡ ብኣሽሓት ዝቝጸሩ መእመናን እስልምና፡ ድሕሪ ጾም ሮሞዳን፡ ሓባራዊ ናይ ኢፍጣር መደብ ኣካዪዶም። ኣብ ጎደናታት መቐለ ኣብቲ ሓባራዊ ጽንብል ዝተሳተፉ መእመናን፡ እቲ ምትእኽኻብ ውጽኢት ናይቲ ሰፊኑ ዘሎ ሰላም’ዩ ክብሉ ገሊጾም።

ግዜያዊ ምምሕዳር ክልል ትግራይ እሱራት ፖለቲካ ክፈትሕ ምዃኑ ይእውጅ

ኣብ ክልል ትግራይ ኲናት ስዒቡ ምስ ጸላኢ ተሓቢርኩም፡ መኸተ ኣዕንቂፍኹም ብዝብሉ ሓዊሱ ብ30 ዝርዝር ክስታት ተኣሲሮም ዝፀንሑ ሰባት ክፍትሑ ግዝያዊ ምምሕዳር እቲ ክልል ወሲኑ። እዚ ካብ ቀዳም ኣትሒዙ ተግባራዊ ክኸውን ዝተባህለ መመርሒ፡ ብመገድ ሓላፊ ቢሮ ፍትሒ እቲ ክልል ሓዱሽ ተስፋ’ዩ ተገሊጹ። ውድብ ዓረና ንደሞክራስን ሉኣላውነትን፡ ካብ ብዓንተቦኡ’ውን ክእሰሩ ዘይነበሮም ዓሰርተታት ኣሽሓት ኣብቲ ክልል ተኣሲሮም ምህላዎም ይገልጽ።

ፕሮግራም መግቢ ዓለም ንሓገዝ ዝመጽአ መግቢ ኣብ ክልል ትግራይ ይሽየጥ ምህላዉ ሓቢሩ

ፕሮግራም መግቢ ዓለም ንሓገዝ ዝመጽአ መግቢ ኣብ ክልል ትግራይ ይሽየጥ ምህላዉ ሓቢሩ

ዳይሬክተር ፕሮግራም መግቢ ዓለም ጨንፈር ኢትዮጵያ፡ ክላውድ ጂቢዳር፡ ኣብ ክልል ትግራይ ኣብ ዝገበሩዎ ዑደት ስራሕ፡ ንሓገዝ ተባሂሉ ናብቲ ክልል ዝለኣኽ መግቢ ብብዝሒ ኣብ ዕዳጋታት ምርኣይ ከም ዘተሓሳሰቦም ገሊጾም። ፕረዚደንት ጊዝያዊ ምምሕዳር ክልል ትግራይ ኣቶ ጌታቸው ረዳ ብወገኖም፡ ንፈጸምቲ በደል ናብ ሕጊ ንምቕራብ ክሰርሑ ምዃኖም ብትዊተር ኣብ ዘስፈሩዎ ጽሑፍ ገሊጾም።

ብኲናት ዝዓነው ትካላት ጥዕና ክልል ትግራይ ዳግም ንምጥያስ ጠመተ ተዋሂቡ ከምዝስራሓሉ ሚ/ጥዕና ሓቢሩ

ሚንስትር ጥዕና ኢትዮጵያ ዶክተር ሊያ ታደሰ ኣብ ክልል ትግራይ ብምኽንያት ኲናት ዝዓነዉ ትካላት ጥዕና መሊስኻ ንምጥያሽ ጠመተ ተዋሂቡ ክስራሕ እዩ ክብላ ገሊፀን። ሓላፊ ቢሮ ሓለዋ ጥዕና ክልል ትግራይ ዶክተር ኣማኑኤል ሃይለ ብወገኖም ኣብቲ ክልል ዝዓነዉ ትካላት ጥዕና ጠሚቱን ብዛዕባ ዳግመ ህንፀቶምን ምስ ኣመራርሓ እቲ ሚንስትሪ ኣብ ምርድዳእ በፂሕና ኢና ክብሉ ተዛሪቦም።

ብኲናት ዝዓነው ትካላት ጥዕና ክልል ትግራይ ዳግም ንምጥያስ ጠመተ ተዋሂቡ ከምዝስራሓሉ ሚ/ጥዕና ሓቢሩ

ተመዛበልቲ 70 ካሪ -- መቐለ ንቦታኦም ክምለሱ የቋምቱ

ብምኽንያት ኲናት ካብ መረበቶም ተመዛቢሎም ኣብ ከተማ መቐል ዝርከቡ ተመዛበልቲ ብቕልጡፍ ናብ መረበቶም ክምለሱ ፃውዒቶም የቕርቡ ኣለዉ። እቶም ተመዛበልቲ ዘለዉዎ ኩነታት ዝርኣዩ ፕሬዝዳንት ግዝያዊ ምምሕዳር እቲ ክልል ኣይተጌታቸው ረዳ፡ ብወገኖም ነቶም ተመዛበልቲ ናብ መረበቶም ንክምለሱ ይስራሕ ከም ዘሎ ሓቢሮም።

ግዚያዊ ምምሕዳር ትግራይ ንሕርሻ ቀዳምነት ከም ዝህብ ይሕብር

ኣብ ትግራይ ብሰንኪ ኲናት ንዝዓነወ ዓውዲ ሕርሻ ዳግማይ ንምልዕዓል ይሰርሕ ከምዘሎ ቢሮ ሕርሻን ሃፍቲ ተፈጥሮን እቲ ክልል ገሊፁ። ግዝያዊ ምምሕዳር እቲ ክልል እውን ንሕርሻ ጠመተ ከም ዝገብር ፕሬዚደንት እቲ ምምሕዳር ኣይተ ጌታቸው ረዳ ገሊፆም። ወኪልና ሙሉጌታ ኣጽብሃ ናብ ወረዳ ክልተ ኣውላዕሎ ተጓዒዙ ዘዳለዎ መደብ ኣሎ፡ ኣብ ሕርሻ።

ኣብ ክልል ትግራይ ትምህርቲ ዳግም ንምኽፋቱ ምድላዋት ይግበር

ኣብ ክልል ትግራይ ትምህርቲ ዳግም ንምኽፋቱ ምድላዋት ይግበር ኣብ ክልል ትግራይ ትምህርቲ ዳግም ንምጅማር ዑደት ዝገብር ዘሎ ልኡኽ ሚኒስትሪ ትምህርቲ ኢትዮጵያ፡ እቲ ዘፈር ብቕልጡፍ ንምጅማር ዘኽእል ምድላዋት ይግበር ከም ዘሎ ኣመልኪቱ። ነቲ ዝተኸስረ ግዜን ዝዓነወ ትሕተ-ቅርጺ ስርዓተ-ትምህርቲን ዳግም ንምብርባሩ ብወገን ፈደራል መንግስቲን ክልል ትግራይን ቀዳመነት ኰይኑ መስርሕ ምጅማሩ’ውን እቲ ልኡኽ ኣብ ዝገበሮ ጻንሖት ገሊጹ ኣሎ።

ሓድሽ ካቢነ ግዜያዊ ምምሕዳር ክልል ትግራይ ስልጣን ተረኪቡ

ሓድሽ ዝተጣየሰ ግዜያዊ ምምሕዳር ትግራይ ስራሑ ንምጅማር፡ ምስቲ ዝጸንሐ ካቢነ ሎሚ ረቡዕ ናይ ስነ-ስርዓት ርኽክብ ኣካዪዱ። እቲ ብኣይተ ጌታቸው ረዳ ከም ፕረዚደንት፡ ንሌተናል ጀነራል ጻድቃን ገብረትንሳኤን ሌተናል ጀነራል ታደሰ ወረደን ድማ ኣብ በበይኑ ዘፋራት ብምኽትል ፕረዚደንትነት ዝሓቖፈ ሓድሽ ካቢነ፡ 27 ኣባላት ዝሓቘፈ’ዩ።

ተወላዶ ኢሮብ ብስእነት ሓገዝ የማርሩ

ርእይቶ ተቓወምቲ ወድባት ትግራይ ኣብ ምሻም ኣቶ ጌታቸው ረዳ

ርእይቶ ተቓወምቲ ወድባት ትግራይ ኣብ ምሻም ኣቶ ጌታቸው ረዳ

ቀዳማይ ሚንስትር ኣብይ ኣሕመድ ንኣይተ ጌታቸው ረዳ ዋና ኣመሓዳሪ ግዝያዊ ምምሕዳር ክልል ትግራይ ክኾኑ ምሻሞም ስዒቡ ኣብ ትግራይ ዝርከባ ተቓወምቲ ውድባት ርእይትኦም ሂቦም ኣለው። ከይዲ ምስረታ እቲ ግዝያዊ ምምሕዳር ኣሳታፋይ ኣይኮነን ብምባል ዝነቕፉ ኣለዉ ብኻልእ ገፅ ድማ ተስፋ ወሃቢ እዩ ዝብሉ ወገናት ኣለዉ።

ፈላማይ መግለጺ ኣመሓዳሪ ክልል ትግራይ ኣቶ ጌታቸው ረዳ