ቤተክህነት ክልል ትግራይ 10 ኤጲስቆጶሳት ከምሾመ ኣፍሊጡ

ኣብ ክልል ትግራይ ዝርከቡ ሊቃነ ጳጳሳትን መሪሕነት ሃገረስብከትን ዝመስረትዎ ላዕለዋይ ቤተክህነት መንበረሰላማ ከሳቴ ብርሃን ኣብ ቀረባ እዋን 10 ኤጲስቆጶሳት ከምሸመ ኣፍሊጡ።

ኣብቲ ጉዳይ ምላሽ ዝተሓተተ ዋና ፀሓፊ ቅዱስ ሲኖዶስ ኦርቶዶክሳዊት ቤተክርስቲያን ኢትዮጵያ ብፁእ ኣቡነ ጴጥሮስ፡ ብዛዕባ እቲ ጉዳዩ ሓበሬታ ከምዘይብሎምን ብዛዕባ ዘይፈልጥዎ ጉዳይ ድማ መብርሂ ክህቡ ከምዘይክእሉ ሓቢሮም።

ብኻልእ ወገን፡ ቅዱስ ሲኖዶስ ኦርቶዶክስ ተዋህዶ ቤተክርስቲያን ኢትዮጵያ ሎሚ ኣብ ዝሃቦ መግለፂ፡ ምስ ኣቦታት ሃይማኖት ክልል ትግራይ ተቐራሪብካ ንምስራሕ ዘኽእል ዝተጀመረ ዝበሎ ምንቅስቓስ ክቕፅል ከምዝወሰነ ኣፍሊጡ።