ሙሉጌታ ኣጽብሃ

ርክብ፤ ፕረዚደንት ግዜያዊ ምምሕዳር ክልል ትግራይ ምስ ተወካሎ ህዝቢ

ርክብ፤ ፕረዚደንት ግዜያዊ ምምሕዳር ክልል ትግራይ ምስ ተወካሎ ህዝቢ

ፕረዚደንት ግዜያዊ ምምሕዳር ክልል ትግራይ ኣቶ ጌታቸው ረዳ፡ ምስ ዝተፈላለዩ ኣካላት ህዝቢ ርክብ ኣካዪዶም። እቲ ርክብ ንምምላስ ውሽጣውያን ተመዛበልቲ፡ ህሉዊ ኵነታት፡ ውዕል ፕሪቶሪያን ካልእ ጉዳያትን ዘጠቓልል’ዩ ነይሩ። ብተወሳኺ ሎሚ ዓርቢ 19 ግንቦት 2023 ንኣመሪካ ሓዊሱ፡ ወታሃደራዊ ቆንስላት (ኣታሸ) 42 ኤምባሲታት ኩነታት ንምዕዛብ መቐለ ኣትዩ ኣሎ።

ቤት ጽሕፈት ጥዕና ክልል ትግራይ ጸረ-ኤችኣይቪ ይጥቀሙ ዝነበሩ 13 ሽሕ ሰባት ኣበይ ከምዘለው ኣይፍለጥን ይብል

ቤት ጽሕፈት ጥዕና ክልል ትግራይ ቅድሚ ኲናት መድሓኒት ፀረ ኤችኣይቪ ይጥቀሙ ካብ ዝነበሩ 46 ሽሕ ሰባት እቶም 13 ሽሕ ኣበይ ከምዘለዉ ኣይንፈልጥን ኢሉ። ኣተሓባባሪ ምቁፅፃርን ምክልኻልን ኤችኣይቪ ኤድስ እቲ ቤት ጽሕፈት ኣይተ ፍስሃ ብርሃነ ንድምፂ ኣመሪካ ኣብ ዝሃቡዎ መብርሂ ብምኽንያት ኲናት ኣብቲ ክልል ምስፍሕፋሕ እቲ ቫይረስ ብዝለዓለ ይውስኽ ከምዘሎ ምልክታት ኣለዉ ኢሎም።

ህወሓት ንውሳነ ምርጫ ቦርድ ኢትዮጵያ ከምዘይቕበል ኣፍሊጡ

ትንታነ፤ ቦርድ ምርጫ ኢትዮጵያ ብዛዕባ ህወሓት ኣብ ዝወሰዶ ውሳነ

ትንታነ፤ ቦርድ ምርጫ ኢትዮጵያ ብዛዕባ ህወሓት ኣብ ዝወሰዶ ውሳነ

ሃገራዊ ቦርድ ምርጫ ኢትዮጵያ፡ ኣብ ተግባር ጎንጺ ተሳቲፉ ብምባል፡ ንውድብ ህወሓት ካብ ተሳታፍነት ከልኪሉ ኣሎ። እዚ ብቦርድ ምርጫ ኢትዮጵያ ዝሓለፈ ቀዳም ዝተዋህበ ስጕምቲ፡ እንታይ ሳዕቤናት ከኸትል ይኽእል ንምዝታይ ክኢላታት ፖለቲካዊ ስነ-ፍልጠትን ሕጊን ኣዘራሪብና ኣለና።

ምርኢት ስእሊ ንኽብሪ ኣደታት

ምርኢት ስእሊ ንኽብሪ ኣደታት

ብምትሕብባር ማሕበር "እኖታት ንእኖታት"፡ ማሕበር መናእሰይን ሰኣልቲን ኣብ ከተማ መቐለ፡ ንጽንዓትን ርህራሀን ኣደታት ዝገልጽ ስእላዊ ምርኢት ተኻዪዱ።

ቦርድ ምርጫ ኢትዮጵያ ኣብ ክልል ትግራይ ዳግም ስራሑ ጀሚሩ

ቦርድ ምርጫ ኢትዮጵያ ኣብ ክልል ትግራይ ዳግም ስራሑ ጀሚሩ

ቦርድ ምርጫ ኢትዮጵያ ንልዕሊ ሰለስተ ዓመታት ምስ ክልል ትግራይ ርክብ በቲኹ ድሕሪ ምጽናሕ፡ ርክቡ ዳግም ጀሚሩ ኣሎ። ንዝመጽእ ምርጫ ፈላሚ ዳህሳስ ንምግባር ኣብ መቐለ ዝተረኸበ ጉጅለ እቲ ሃገራዊ ቦርድ፡ ምስ ዝምልከቶም ኣካላት እቲ ክልል ርክብ የካይድ ኣሎ።

ክልል ትግራይ፤ ኣብያተ-ትምህርቲ ኣብ ዝኸፈታሉ ወፈራ ጽሬት ይግበር

ኣብ ክልል ትግራይ ድሕሪ ልዕሊ ሰለስተ ዓመታት ትምህርቲ ኣብ ዝጀመረሉ፡ መብዛሕትኡ ኣብያተ-ትምህርቲ ዓንዩን መዓስከራት ኰይኑ ብምጽናሑ፡ ንምምዕርራዩ ፈተሻ ይግበር ኣሎ። ሓያሎ ካብቶም ኣብያተ-ትምህርቲ ውሽጣውያን ተመዛበልቲ የዕቑቦም ዝጸንሑ ኰይኖም፡ ኣብ ገሊኡ ኣብያተ-ትምህርቲ ተተኰስቲ ወዲቑ ብምጽናሑ፡ እቲ ናይ ፈተሻ ስራሕ ነዚ ንምጽፋፍ ምዃኑ ቢሮ ትምህርቲ እቲ ክልል ገሊጹ።

ኮሚሽን ስግኣት ሓደጋ ክልል ትግራይ ኣብ ምቁራጽ ምብጻሕ ሓገዝ ፕሮግራም መግቢ ዓለም ምላሽ ሂቡ

ኮሚሽን ስግኣት ሓደጋ ክልል ትግራይ ኣብ ምቁራጽ ምብጻሕ ሓገዝ ፕሮግራም መግቢ ዓለም ምላሽ ሂቡ

ፕሮግራም መግቢ ዓለም (WFP)፡ ብምኽንያት ምጥፍፋእ ሓገዝ፡ ኣብ ክልል ትግራይ ዝገብሮ ስራሕ ምብጻሕ ሓገዝ ደው ከም ዘበል ወግዓዊ ገይሩ ኣሎ። ኮሚሽን ኮምሽን ኣመራርሓ ስግኣት ሓደጋ እቲ ክልል ብወገኑ፡ ካብ መኽዘናት ዝተሰርቀ ንብረት ከም ዘሎ’ኳ ይእመን እምበር፡ ነቲ ትርእዮ ንምቍጽጻር ግን ክሰርሕ ምዃኑ ኣፍሊጡ።

ክልል ትግራይ፡ ተቋሪጹ ዝጸንሐ ስርዓተ ትምህርቲ ኣብ ገለ ከባቢታት ጀሚሩ

ክልል ትግራይ፡ ተቛሪጹ ዝጸንሐ ስርዓተ ትምህርቲ ኣብ ገለ ከባቢታት ጀሚሩ

ንልዕሊ ሰለስተ ዓመት ኣብ ክልል ትግራይ ተቋሪጹ ዝጸንሐ ስርዓተ ትምህርቲ፡ ኣብ ገለ ከባቢታት ሎሚ ሰሉስ 2 ግንቦት 2023 ጀሚሩ። ሓያሎ ካብዘን ኣብያተ-ትምህርቲ ግን ናብ መዕቆቢ ስደተኛታት ተቐዪረን ብምጽናሐን፡ ኣብኣተን ትምህርቲ ገና ኣይተጀመረን። እንተዀነ ኣብ ኵላቶም ኣብያተ-ትምህርቲ ብቕልጡፍ ንምጅማር ይስራሕ ምህላዉ ቢሮ ትምህርቲ'ቲ ክልል ሓቢሩ።

ጸብጻብ፤ ዑደት ላዕለዎት መራሕቲ ፓርቲን ክልላትን

ጸብጻብ፤ ዑደት ላዕለዎት መራሕቲ ፓርቲን ክልላትን

ብምኽትል ፕረዚደንት ፓርቲ ብልጽግና ኣቶ ኣደም ፋራሕ ዝምራሕ፡ ንፕረዚደንታት ዝተፈላለየ ክልላት ዝምራሕ ላዕለዋይ ልኡኽ ሎሚ ንመቐለ ኣትዩ፡ ብዂናት ንዝወረደ ዕንወት ተዓዚቡ። እቲ ላዕለዋይ ልኡኽ ጕጅለ፡ ንመራሕቲ ጎረባብቲ ክልላት ኣምሓራን ዓፋርን’ውን ዝሓቘፈ’ዩ። ንዑደት’ቲ ንሓደ መዓልቲ ዝጸንሐ ጉጅለ ኣብዚ ምክትታል ይክኣል።

ተወከልቲ ክልል ኦሮሚያ ኣብ መቐለ ዑደት ኣካዪዶም

ተወከልቲ ክልል ኦሮሚያ ኣብ መቐለ ዑደት ኣካዪዶም

ካብ ክልል ኦሮሚያ ዝተበገሱ ኣባገዳታት፡ መራሕቲ ሃይማኖት፡ ተወከልቲ ደቀንስትዮን መንእሰያትን ኣብ መቐለ ናይ ክልተ መዓልታት ዑደት ኣካዪዶም። እቲ ጕጅለ ልኡኽ ኣብ መቐለ ኣብ ዝበጽሓሉ እዋን፡ በቲ ኲናት ንዝተፈጸመ ዕንወት ንምዕዛብን ዝምድና ክልቲኡ ክልላት ንምሕያልን ምዃኑ ወከልቱ ኣብቲ ኣጋጣሚ ሓቢሮም።

መጓዓዝያ ምድሪ ናብ ክልል ትግራይ ጀሚሩ