ገብረሚካኤል ገብረመድህን

ሕገመንግስቲ ኢትዮጵያ ክዝተየሉ ሕቶ ቀሪቡ

ሕገመንግስቲ ኢትዮጵያ ክዝተየሉ ሕቶ ቀሪቡ

ቤት ምኽሪ ሲቪል ማሕበራት ኢትዮጵያ ሕገ መንግስትን ስርዓት ፌደራሊዝምን እታ ሃገር ንዘተ ክቐርቡ ሓቲቱ። እቲ ቤት ምኽሪ፣ ክልቲኦም ኣርእስታት ዝርከቡዎም 11 ዛዕባታት መምዩ፣ ንሃገራዊ ኮሚሽን ምኽክር ከምዘቕረበ እውን ኣማኻሪ እቲ ቤት ምኽሪ ዶ/ር ሞገስ ደምሴ ንድምፂ ኣመሪካ ኣብዝሃቡዎ ቃለመሕትት ገሊፆም።

ክልል ጋምቤላ -- ብምልውዋጥ ተዅሲ ሓይልታት መንግስቲን ዕጡቓትን 11 ሰባት ሞይቶም

ሱዳን -- ሓተትቲ ዑቕባ ተወላዶ ትግራይ ኣብ ዝተሓደሰ ሻቕሎት

ሱዳን -- ሓተትቲ ዑቕባ ተወላዶ ትግራይ ኣብ ዝተሓደሰ ሻቕሎት

ኣብ ሱዳን ዑቕባ ዝሓተቱ፡ ኣባላት ነበር ሓይሊ ዓቃብ-ሰላም ኢትዮጵያ ዝኾኑ ተወላዶ ትግራይ፡ ሓይልታት ህፁፅ ወሃብ ድጋፍ ድሕሪ ዘውፆኦ መግለፂ፡ ኣብ ዝኸፍአ ስግኣት ምህላዎም ንድምጺ ኣመሪካ ሓቢሮም። ናብ ውሑስ ሳልሳይ ሃገር ክግዕዙ ደጋጊሞም ሓቲቶም ዛጊት ፍታሕ ከም ዘይረኸቡ ዝገልፁ እቶም ዓቃብ-ሰላም ሰራዊት ነበር፡ ንጉዳዮም ዝምልከቶ ላዕለዋይ ኮሚሽን ስደተኛታት ሕቡራት ሃገራት (UNHCR) ግን ነቲ ኵነታት ብቐረባ ይከታተሎ ምህላዉ’ዩ ይሕብር።

ኢትዮጵያ - መጥቃዕቲ ዝተፈነዎም ስደተኛታት፡ ንመዓስከር ኩምራ ይገድፉ

ኢትዮጵያ - መጥቃዕቲ ዝተፈነዎም ስደተኛታት፡ ንመዓስከር ኩመር ይገድፉ

ኣብ ኢትዮጵያ ክልል ኣምሓራ ካብ ዝርከቡ መዓስከራት ኩመርን ኣውላላን ብሰንኪ ፀገም ፀጥታ ዝተወሰኑ ሱዳናውያን ስደተኛታት ለቒቖም ከም ዝወፁ ድምፂ ኣመሪካ ዘዘራረቦም ነበርቲ እቲ መዓስከር ገሊፆም። ሕቶ እቶም ሱዳናውያን ንዓዶም ክምለሱ ዝጠልብ ምዃኑ እቶም ርእይቶኦም ዘካፈሉ ይሕብሩ።

ኣብ ክልል ጋምቤላ ዕጡቓት ሽውዓተ ሰባት ኣቑሲሎም

ኣዲስ ኣበባ -- ሓሙሽተ ኣገልገልቲ ቤተክርስትያን ተኣሲሮም

ክልል ጋምቤላ -- ዝተጨወዩ ህፃናት ይምለሱ

ክልል ጋምቤላ -- ዝተጨወዩ ህፃናት ይምለሱ

ብ ክልል ጋምቤላ ኢትዮጵያ ቅድሚ ሓደ ወርሒ ኣብ ወረዳ ጆር ዕጡቓት ብዝፈነውዎ መጥቃዕቲ ካብ መንጎ ዝተጨወዩ 12 ህፃናት፣ እቶም ሸሞንተ ከም ዝተመለሱ ሰበስልጣን እቲ ክልል ንድምፂ ኣመሪካ ገሊፆም። በቲ ተፈፂሙ ዝተባህለ መጥቃዕቲ፣ 51 ሰባት ከምዝተቐተሉን፣ ልዕሊ 6-ሽሕ ሰባት ከም ዝተመዛበሉን እውን ሓቢሮም። ሓለፍቲ'ቲ ክልል ነቲ ዝተፈጥረ ሃጓፍን ዝሰዓበ ማሕበረ-ቍጠባዊ ቅልውላውን ንምዕራይ ይሰርሑ ከም ዘለዉ ይገልፁ።

ኤርትራዊ ስደተኛ ካብ ዳባት ተጨውዩ፣ ክሳብ ቅትለት ዝኸይድ ምክልባት ከም ዘሎ ነበርቲ ይዛረቡ

ኤርትራዊ ስደተኛ ካብ ዳባት ተጨውዩ፣ ክሳብ ቅትለት ዝኸይድ ምክልባት ከም ዘሎ ነበርቲ ይዛረቡ

ኣብ ሰሜን ጎንደር፡ ወረዳ ዳባት፡ ቅድሚ ክልተ ሰሙን ዝተጨውየ ወዲ 12 ዓመት ኤርትራዊ ህፃን ንምልቃቕ፡ 400-ሽሕ ብር ከም ዝተሓተቱ ወላዲኡ ንድምፂ ኣመሪካ ገሊፆም። ነቲ ዝተባህሉዎ ገንዝብ ንምእካብ ኣብ ልመና ተዋፊሮም ከም ዝርከቡ እቶም ኣቦ ክሕብሩ እንከለዉ፡ ካልኦት ነበርቲ እቲ መዓስከር ግን ክሳብ ቅትለት ዝኸይድ ተደጋጋሚ መጥቃዕቲ ከም ዝወርዶም ይገልፁ።

ኣብ ክልል ጋምቤላ 14 ሰበ-ስልጣን ተቐዪዶም

ኣብ ኣዲስ ኣበባ ብዘጋጠመ ምልውዋጥ ተኵሲ 3 ሰባት ሞይቶም

ኣብ ኣዲስ ኣበባ ብዘጋጠመ ምልውዋጥ ተኵሲ 3 ሰባት ሞይቶም

ኣብ ኣዲስ ኣበባ ኣብ መንጎ ዕጡቓት ፋኖን ሓይሊ ጸጥታን ሎሚ ዓርቢ 12 ሚያዝያ 2024 ብዝተኻየደ ምልውዋጥ ተዅሲ፡ ክልተ ካብቶም ዕጡቓትን ሓደ ነባሪን ክቐትሉ እንከለዉ፡ ካብ ሓይሊ ፖሊስ ዝቖሰሉ’ውን ኣለዉ። ብዛዕባ’ዚ ኣብ ከባቢ ኣዳራሽ ሚልዮን ዝተፈጸመ ምልውዋጥ ተዅሲ ዝተዳለወ ጸብጻብ ኣብዚ ምክትታል ይክኣል።

“ፒያሳ ንመዕቀኒ ዕቃበ ኣይበቅዕን’ዩ” በዓል መዚ ሓድግታት ኢትዮጵያ

“ፒያሳ ንመዕቀኒ ዕቃበ ኣይበቅዕን’ዩ” በዓል መዚ ሓድግታት ኢትዮጵያ

ነታ ማእከል ከተማ ኣዲስ ኣበባ ዝኾነት ፒያሳ ከየፍረስካ፣ ንበይና ዓቂብካ ንምሕላው፣ ነቲ መዐቀኒ ከምዘይተማልእ፣ ዋና ዳይሪክተር በዓል መዚ ሓድግታት ኢትዮጵያ ኣቶ ኣበባው ኣያሌው፡ ሎሚ ንጋዜጠኛታት ኣብ ዝሃቡዎ መብርሂ ገሊፆም። እቶም ሓላፊ ምስ ልምዓት ፕሮጀክት ኮረዲዮር ኣዲስ ኣበባ ተኣሳሲሩ ብብዙሓት ንዝመጽእ ዘሎ ነቕፌታ ኣመልኪቶም ኣብ ዝሃቡዎ ምላሽ’ዩ ነዚ ዝበሉ።

ኣብ ጋምቤላ ዕጡቓት 5 ቀቲሎም፡ 36 ኣቝሲሎም

ዕጡቓት ኣብ ክልል ጋምቤላ ብዝፈጸሙዎ መጥቃዕቲ 5 ሰባት ሞይቶም 36 ቆሲሎም

ኣብ ክልል ጋምቤላ ኢትዮጵያ፡ ዕጡቓት ኣብ ልዕሊ ተጓዓዝቲ ብዝፈፀሙዎ መጥቃዕቲ 5 ሰባት ቀቲሎም ካልኦት ሓያሎ ድማ ከም ዘቝሰሉ መሰኽኽር ዓይኒ ብስልኪ ንድምጺ ኣመሪካ ሓቢሮም። ኣብቲ ዞባ ኣብ ዝሓለፉ ሸሞንተ ኣዋርሕ ልዕሊ 130 ሰባት ምቕታሎም ዘፍለጠ ኮሚሽን ሰብኣዊ መሰላት ኢትዮጵያ’ውን ብዛዕባ’ዚ ዝደሓረ መጥቃዕቲ ሓበሬታ ከም ዝበጽሖ ኣፍሊጡ ኣሎ።