ገብረሚካኤል ገብረመድህን

“ምዕዳል ፓስፖርት ናብ ዝነበሮ ግዜ ተመሊሱ ኣሎ” ቤት ፅሕፈት ኢሚግረሽንን ዜግነትን ኢትዮጵያ

ዋና ዳይረክተር ጉዳይ ኢሚግረሽንን ዜግነትን ኢትዮጵያ ሰላማዊት ዳዊት ሎሚ ንጋዜጠኛታት ኣብ ዝሃበኦ ጋዜጣዊ መግለፂ፡ ቤት ጽሕፈተን ኣብ ዝሓለፈ ሽዱሽተ ኣዋርሕ ልዕሊ 640-ሽሕ ፓስፖርት ብምዕዳል ነቲ ዝፀንሐ ነዊሕ ትፅቢት ከም ዘቃለሎ ገሊጸን። እተን ዋና ዳይሬክተር ብዘይ ሕጋዊ ሰነድ ኣብ ኢትዮጵያ ክቕመጡ ንዝፀንሑ ዜጋታት ወፃኢ’ውን ስጕምቲ ከም ዝወሰዳ ኣመልኪተን ኣለዋ።

“ንመሰጋገሪ ፍትሒ ኢትዮጵያ ዝኸውን ባይታ የሎን” ሲቪል ማሕበራት

“ንመሰጋገሪ ፍትሒ ኢትዮጵያ ዝኸውን ባይታ የሎን” ሲቪል ማሕበራት

“ግጭትን ተደራራቢ ስእነት ፀጥታን ኣብ ዝርኣየሉ ዘሎ እዋን ንመሰጋገሪ ፍትሒ ዝኸውን ረቂቕ ንድፊ ክሰጋገርን ናብ ህዝቢ ክወርድን” ሸሞንተ ሲቪል ማሕበራት ኢትዮጵያ ብሓባር ኣብ ዘውጽኡዎ መግለፂ ጸዊዖም። ካብ መንጎ’ቲ ክፍተት፡ ኣብ ኲናት ሰሜን ኢትዮጵያ ብሓይልታት ሰራዊት ኤርትራ ተፈፂሙ ንዝብሃል በደል ፍትሒ ክወሃብ ከም ዘይክእል እቶም ማሕበራት ይምጉቱ። 

ኢትዮጵያ፡ ንኻልኦት ሃገራት ኣገልግሎት ሓበሬታ ሳተላይት ክትህብ ጀሚራ

ኢትዮጵያ፡ ንኻልኦት ሃገራት ኣገልግሎት ሓበሬታ ሳተላይት ክትህብ ጀሚራ

ኢትዮጵያ፡ በቲ ኣብ ማእከል ምርምር እንጦጦ ዝርከብ ኑቑጣ መቐበሊ ሓበሬታ ሳተላይት ኣቢላ፡ ንኻልኦት ትካላትን ሃገራትን ኣገልግሎት ምሃብ ከም ዝጀመረት ኣፍሊጣ። እቲ ትካል እዚ ማእከል ሓበሬታ ሸርፊ ወጻኢ ኣብ ምምጻእ ዓቢ ተራ ክጻወት’ዩ ክብል እንከሎ፡ ንድምፂ ኣመሪካ ርእይቶ ዝሃቡ ክኢላታት ግን መንግስቲ ነዚ ኣገልግሎት ንውልቂ ገዲፉ፣ ኣብ ላዕለዎት ስራሓቲ ምርምርን ህንፀት ዓቕምን ከድህብ ተመራፂ’ዩ ይብሉ።

ኣፍረይቲ ቡን ኢትዮጵያ ንመምርሒ ኤውሮጳዊ ሕብረት ንንምምላእ ይነቕሉ፡ ቀሊል ግን ኣይመስልን

ኣፍረይቲ ቡን ኢትዮጵያ ንመምርሒ ኤውሮጳዊ ሕብረት ንንምምላእ ይነቕሉ፡ ቀሊል ግን ኣይመስልን

ኤውሮጳዊ ሕብረት ናብ ደምበኡ ዝኣቱ ቡን፡ ንሕጊ ምብራስ ኣግራብ ዘይጻረርን ንዘውፅኦ ቅጥዕታት ዘማልእን ክኸውን ድሕሪ ዘሕለፎ ውሳነ፡ እቲ መምርሒ ንሓያሎ ኣፍረይቲ ቡን ኢትዮጵያ ከም ዝጸሉ ዋና ዳይረክተር በዓልመዚ ቡንን ሻሂን ኢትዮጵያ ይገልጹ። እቲ መምርሒ ኣምሳያኡ ኣብ ምትካል ኣግራብ ውሽጢ ሃገር ዓቢ ረብሓ ስለ ዘለዎ ግን ንዕኡ ንምምላስ ናይ 2.2 ቢልዮን ብር ትልሚ ተታሒዙ ከም ዘሎ እቲ በዓል-መዚ ኣመልኪቱ።

ፍቅሩ ገብረማርያም  ኣብ ኣለሻ ሕልሚ 

ፍቅሩ ገብረማርያም ኣብ ኣለሻ ሕልሚ

ንረቂቕ ሓሳባት ናብ ሕብሪ ክልውጥ ዝኽእል ተባሂሉ ዝግለጽ ሰኣላይ ፍቅሩ ገብረማርያም፡ ክሳብ ሕዚ ኣብ ኢትዮጵያን ኣብ ሃገራት ወፃኢን ብርክት ዝበሉ ምርኢታት ስእሊ ኣዳልዩ ኣሎ። ኣብዚ ቕነ ድማ Chasing Dreams ወይ ድማ “ኣለሻ ሕልሚ” ኢሉ ዝፀወዖ ምርኢት ስእሊ፣ ኣብ ከተማ ኣዲስ ኣበባ ኣብ ዝርከብ፣ ኣሊያንስ ኢትዮ-ፍራንስ፣ ኣዳሊዩ ክሳብ መወዳእታ ወርሒ ለካቲት ንህዝቢ ክፉት ኣሎ። 

ግጭት ሱዳን ንሰደድ ኤሌክትሪክ ኢትዮጵያ ይፀልዎ

ግጭት ሱዳን ንሰደድ ኤሌክትሪክ ኢትዮጵያ ይፀልዎ

ኲናት ሓድሕድ ሱዳን፡ ኣብ ልዕሊ እቲ ኢትዮጵያ ናብታ ሃገር ትሰዶ መጠን ሓይሊ ኤሌክትሪክ ፅልዋ ከምዘሕደረ ዳይሬክተር መራኸቢታት ሓይሊ ኤሌክትሪክ ኢትዮጵያ ኣቶ መጎስ መኮንን ንድምፂ ኣመሪካ ገሊፆም። ብተወሳኺ ሱዳን ክትከፍሎ ዝነበራ ልዕሊ 70 ሚሊዮን ዶላር ክሳብ ሕጂ ከም ዘይከፈለት እቶም በዓል መዚ ገሊፆም።

ተበግሶ ኣመሪካ ንምቍጽጻር ለበዳ ኤይድስ ኣብ ኢትዮጵያ ኣተባብዒ ውፅኢት ይህብ፣ ብህሉዊ ኩነታት ግን ይፅሎ

ተበግሶ ኣመሪካ ንምቍጽጻር ለበዳ ኤይድስ ኣብ ኢትዮጵያ ኣተባብዒ ውፅኢት ይህብ፣ ብህሉዊ ኩነታት ግን ይፅሎ

ቅድሚ 20 ዓመታት ለበዳ ኤይድስ ንምዕጋት ብመንግስቲ ኣመሪካ ዕላዊ ዝኾነ፣ ፕረዚደንታዊ ህፁፅ መደብ ፔፕፋር (PEPFAR) ፣ ኣብ ኢትዮጵያ ዓብዪ ለውጢ ከም ዘመዝገበ ተገሊፁ። ብዛዕባ እቲ መደብ ንድምፂ ኣመሪካ መብርሂ ዝሃቡ ኣተሓባባሪ መደብ ፔፕፋር ኣብ ኢትዮጵያ ቤንጃሚን ካስዳን፡ ኣብ ኢትዮጵያ ለበዳ ኤድስ ንምቁፅፃር ኣብ ውሽጢ 20 ዓመታት ናይ ልዕሊ 3 ቢሊዮን ዶላር ሓገዝ ከም ዝተገበረ ኣረዲኦም።

ኤምባሲ ኣመሪካ ኣብ ኢትዮጵያ ግጭት ደው ንኽብል ይፅውዕ

ኤምባሲ ኣመሪካ ኣብ ኢትዮጵያ ግጭት ደው ንኽብል ይፅውዕ

ኣብ ክልላት ኦሮሚያን ኣምሓራን ዘሎ ግጭት ኣብ ልዕሊ ሰባት ዘብፅሖ ስቓይ ኣዝዩ ከም ዘሻቐሎ ዝገለፀ ኤምባሲ ኣመሪካ ኣብ ኢትዮጵያ፡ እቲ ግጭት ብህፁፅ ጠጠው ክብል ፀዊዑ። ናይቲ ኣብ ኣዲስ ኣበባ ዝርከብ ኤምባሲ ኣመሪካ፡ ሓላፊት ህዝባዊ ዲፕሎማሲ ዝኾና ናዮሚ ፌሎውስ፣ ንድምፂ ኣመሪካ ኣብ ዝሃበኦ መብርሂ፡ መንግስተን ኣብ ምፍታሕ ዝቐደሙ ግርጭታት ዝተፃወቶ ተራ ብምጥቃስ፡ ሎሚ’ውን ዘለዎ ድሉውነትን ሓገዝን ገሊፀን።

“10.8 ሚልዮን ኢትዮጵያውያን ተጸበይቲ  ሓገዝ ክዀኑ’ዮም” ሕቡራት ሃገራት 

“10.8 ሚልዮን ኢትዮጵያውያን ተጸበይቲ  ሓገዝ ክዀኑ’ዮም” ሕቡራት ሃገራት 

ኮሚሽን ኣመራርሓ ስግኣት ሓደጋ ኢትዮጵያን ውድብ ሕቡራት ሃገራትን ብሓባር ኣብ ዘውፅኡዎ መግለፂ፣ ኣብ ዝመፅእ ወርሒ ሓምለ፣ ኣብ ኢትዮጵያ ዘሎ ቁጽሪ ተፀበይቲ ሓገዝ ናብ 10.8 ሚሊዮን ከም ዝዓቢ ኣመልኪቱ።

ሓባሲ ንብዓት ኢትዮጵያ ቅኑዕ ምስሊ ኵነታት ደርቂ ክልል ትግራይ ክቐርብ ይፅውዕ

ሓባሲ ንብዓት ኢትዮጵያ ቅኑዕ ምስሊ ኵነታት ደርቂ ክልል ትግራይ ክቐርብ ይፅውዕ

ባይቶ ወከልቲ ህዝቢ ኢትዮጵያ፡ ሰበ-ስልጣን እታ ሃገር፡ ንዅነታት ደርቂ ክልል ትግራይ ዝምልከት ፅፁይ ሓበሬታ ንኽህቡ ክእዝዝ፡ ትካል ሓባሲ ንብዓት ኢትዮጵያ ሓቲቱ። ትካል ሓባሲ ንብዓት ኢትዮጵያ፡ ብዛዕባ እቲ ኣብ ክልላት ትግራይን ኣምሓራን ዘሎ ሓደጋ ደርቂ ብዝምልከት ትማሊ ሰሉስ ኣብ ዘውፀኦ ፀብፃብ፡ ኣብ ክልቲአን ክልላት 372 ሰባት ከም ዝሞቱ ሓቢሩ። ኮሚሽን ኣመራርሓ ስግኣት ሓደጋ ክልል ትግራይ ግን ብዝሒ ምዉታት ልዕሊ 800 ምዃን ይገልጽ።

ኢትዮጵያ ብነዳዲ ዝሰርሓ መካይን ምእታው ትኽልክል   

መንግስቲ ኢትዮጵያ፣ ብኽለት ኣየር ንምንካይ፡ ብነዳዲ ዝንቀሳቐሳ ናይ ውልቀ መኻይን፣ ናብ ሃገር ከይኣትዋ ከምዝወሰነ ኣፍሊጡ። ሚኒስተር መጓዓዝያን ሎጂስቲክስን እታ ሃገር ዶ/ር ኣለሙ ስሜ፡ ብሓይሊ ኤሌክትሪክ ዝሰርሓ መኻይን ናብ ውሽጢ ሃገር ክኣትዋ ዘተባባዕ’ዩ ክብሉ እንከለዉ፡ ሰብ-ሞያ ግን ድሌትን ክውንነትን ክፈላለ ከም ዝኽእል የጠንቅቑ።