ብርሃነ በርሀ

ኤርትራ - ንመርዓ ትሕቲ ዕድመ እትገልጽ መጽሓፍ "ሕልሚ ሳራ" ተሓቲማ፡ ተዘርጊሓ

ኤርትራ - ንመርዓ ትሕቲ ዕድመ እትገልጽ መጽሓፍ "ሕልሚ ሳራ" ተሓቲማ፡ ተዘርጊሓ

ብክኢላ መወለዳን ነርስ እልልታ ኣብርሃም ዝተጻሕፈት፡ “ሕልሚ ሳራ” ዘርእስታ ብመልክዕ ልብ-ወለድ ዝተጻሕፈት፡ ንሳዕቤናት መርዓ ትሕቲ ዕድመ እትገልጽ መጽሓፍ ዝሓለፈ ዓርቢ 3 ሕዳር 2023 ናብ ህዝቢ ተዘርጊሓ። እዛ መጽሓፍ ኣብ ውሽጣ ንጠንቅን ሳዕቤናትን ትሕቲ ዕድመ መርዓ ዝገልጹ ጥዕናውን ስነ ፍልጠታውን ትሕዝቶታት ዘጠቓለለት መሃሪት መጽሓፍ ከም ዝኾነት ጸሓፊኣ ሲስተር እልልታ ሓቢራ።

ባህላዊ ጸወታታት ንምዕቃብ

ባህላዊ ጸወታታት ንምዕቃብ

ብኣቦ-መንበር ሃገራዊ ፈደሬሽን ያታዊ ጸወታታ ኤርትራ፡ ኣቶ ብርሃነ ተኸስተ ዝተጻሕፈት፡ “ ትንሳኤ ያታዊ ጸወታታት ሃገርና”፡ ትብል መጽሓፍ ዝሓለፈ ሰሙን ናብ ህዝቢ ተዘርጊሓ። ደራሲ ነዛ መጽሓፍ ንምድላው ካብ ድርኺት ዝኾነ ቀንዲ ምኽንያት ነቲ እናተረስዐ ዝመጽእ ዘሎ ባህላዊ ጸወታታት ንምስናድ ምዃኑ ይሕብር።

ኤርትራ፡ ንመስርሕ ምዝሓል ዝጠቅም ምሃዞ

ኤርትራ፡ ንመስርሕ ምዝሓል ዝጠቅም ምሃዞ

ዮናስ መንግስተኣብ፡ ሄኖክ ሃብተስላሰን ኣማኑኤል ሚካኤልን ዝበሃሉ ኣብ ዓዲ ጓዕዳድ ዝርከብ ኮርፖሬሽን ጥሪትን ዘራእትን ዝሰርሑ ናይ 2018 ምሩቓት መካኒካል ኢንጅነሪንግ ኢንስቲዩት ቴክኖሎጂ ኤርትራ ኣብ ስርዓት መዝሓሊ ብዝገበረዎ ሰንዓ፡ ሓደ ናይ ኤየር ኮንዲሽነር ኮምፕሮሰር ኣብ መዓላ ፍሪጅ፡ ኣየር ኮንዲሽነር፡ መዝሓሊ ማይን መስርሒ በረድን ከምዘገለግል ብምግባር 53% ወጻኢታት ዘጉድል ፕሮጀክት ምሂዞም።

ሚንስትሪ ሕርሻ ኤርትራ ንብሉጻት ሓረስቶት ሽልማት ሂቡ

ሚንስትሪ ሕርሻ ኤርትራ ንብሉጻት ሓረስቶት ሽልማት ሂቡ

ሚኒስትሪ ሕርሻ ኤርትራ ብምኽንያት ኣብ ወርሒ መስከረም ዝተኻየደ ሃገራዊ ዋዕላ ስርናይን ዕፉንን ንሸውዓተ ብሉጻት ኣብነታውያን ሓረስቶት ሽልማት ሂቡ።እቶም ተሸለምቲ፡ ማይን ሓመድን ብምዕቃብን መሬቶም ብምድልዳልን፡ ኣብ ሄክታር ልዕሊ 50 ኩንታል እቶት ከፍርዩ ብምኽኣሎም እዮም እቲ ሽልማት ተዋሂብዎም።

ኣብ ኣፈዋውሳ ሕማማት ኣካላት መፍረ ዘተኮረ መጽሓፍ ተዘርጊሓ

ኣብ ኣፈዋውሳ ሕማማት ኣካላት መፍረ ዘተኮረ መጽሓፍ ተዘርጊሓ

ብክኢላ መወለዳን ኣቶ ኤፍሬም ዝብኣይ ዝተጻሕፈት “ኣብ ኣፈዋውሳ ሕማማት ኣካላት መፍረ ደቂ ኣንስትዮ” ዘተኮረት መጽሓፍ ናብ ተጠቀምቲ ተዘርጊሓ'ላ። እታ መጽሓፍ ኣብ ክልቲኡ ጾታ ዝረኣዩ ሕማማት ኣካላት መፍረን ሳዕቤናቶምን፡ ኣፈታትሖምን ዘጠቃለሉ 11 ምዕራፋት ዝሓዘት ምዃና ጸሓፊኣ ኤፍሬም ዝብኣይ ንድምጺ ኣመሪካ ሓቢሩ።

ካብ ንእሽቶ ባትሪ ንዝዓበየ መብራህቲ

ካብ ንእሽቶ ባትሪ ንዝዓበየ መብራህቲ

ሃኒባል እስቲፋኖስ ዝተባህለ ክኢላ ስርዓተ ኤለክትሪክ፡ ውሑድ ዓቕሚ ባተሪ ናብ ሓይሊ ኤለክትሪክ እትቕየር ማሺን ኣማዕቢሉ። ነዛ መሳርሒ ንምምዕባል ድርኺት ዝዀኖ፡ ኣብ ርሑቕ ቦታታት ንዝርአ ስእነት ሓይሊ መብራህቲ ንምቅላል ምዃኑ ሃኒባል ይሕብር። እዛ ኣምዕቢሉዋ ዘሎ ማሺን ካብ 12 ናብ 220 ቮልት ክትቅይር ከም እትኽእል ይነግር።

ትሑት እቶታውነት ምህርቲ ዕፉንን ስርናይን ኤርትራ ንምምሕያሽ ዝዓለመ ሃገራዊ ዋዕላ ተኻይዱ

ትሑት እቶታውነት ምህርቲ ዕፉንን ስርናይን ኤርትራ ንምምሕያሽ ዝዓለመ ሃገራዊ ዋዕላ ተኻይዱ

ኣብ ኤርትራ ምህርቲ ስርናይ ንምዕባይ ዝተፈላለዩ ጻዕርታት ይካየዱ’ኳ እንተሃለዉ፡ እቶት ምስ ጠለብ ውሽጢ ሃገር ብምዝማድ ትሕቱ ከም ዝኾነ ኣብቲ ካብ 20 - 21 መስከረም 2023 ኣብ ኣስመራ ዝተቓንዐ ሃገራዊ ዋዕላ ስርናይ ዕፉንን ኤርትራ ተገሊጹ።

ኤርትራ፤ ምትእስሳር ዕንባባታትን ኣትክልቲን ምስ ኣቶ ዮሴፍ (ባሻይ)

ኤርትራ፤ ምትእስሳር ዕንባባታትን ኣትክልቲን ምስ ኣቶ ዮሴፍ (ባሻይ)

ኣቶ ዮሴፍ ነጋሽ (ባሻይ) ኣብ ኣስመራ ፓራዲዞ ዝነብር ኣብ ናይ ዕንባባን ልምዓት ኣትኽልትን ዝነጥፍ ወዲ 64 ዓመት ኣትኽልተኛ(ጀርዲናረ) እዩ። ኣብ ዝተፈላለዩ ናይ መዘናግዒ፡ መናፈሻ፡ ኣብያተ እምነትን ቀጽሪ መንበሪ ቤትን ብዝተፈላለዩ ዲዛይናት ብዕንባባታት ብምምልኻዕ፡ ሰሓቢን ተበሃግን ትርኢት ከም ዝህልዎ ኣብ ምግባርን ምጽብባቕን ከኣ ይነጥፍ።

“ቤት ትምህርቲ መሶብና” ኣብ እንዳ ዮናን

“ቤት ትምህርቲ መሶብና” ኣብ እንዳ ዮናን

ዮናን ፕሮዳክሽን ዝተባህለ ኣፍራዪ ፊልም “ቤት ትምህርቲ መሶብና” እትብል ናይ ህጻናት ናይ ኣኒመሽን ፊልም ኣዳልዩ ኣሎ። እዛ ክሳብ 30 ደቓይቕ ንውሓት ዘለዋ ስራሕ ንህጻናት መሰረታዊ ትምህርቲ ኣብ ምሃብን ምዝንጋዕን ተራ ክህልዋ ተስፋ ከም ዝገብሩ ኣዳለውታ ንድምጺ ኣመሪካ ገሊጾም። ናይ ወኪል ድምጺ ኣመሪካ ነዛ ኣስታት 15 ኣባላት ዘሳተፈት ስራሕ ኣመልኪቱ ዘዳለዎ መደብ ኣብ ቂሐ-ጽልሚ ኣብዚ ምክትታል ይክኣል።

ኤርትራ- ንዘረባ እንግሊዘኛ ናብ ትግርኛ ምስ እትለውጥ ሶፍትዌር ዘማዕበሉ መሃንድስት

ኤርትራ- ንዘረባ እንግሊዘኛ ናብ ትግርኛ ምስ እትለውጥ ሶፍትዌር ዘማዕበሉ መሃንድስት

ሓሙሽት ምሩቓት ኮምፕዩተር ምህንድስና፡ ካብ እንግሊዘኛ ናብ ትግርኛ ብድምጺ እትልውጥ ሶፍትዌር ኣማዕቢሎም። እዚ ናይ ፈለማ ስራሕ ምዃኑ ዘምልከቱ እቶም መሃንድሳት፡ እታ ስራሕ ኣብ ፈላሚ ብርኪ ደኣ ትሃሉ እምበር፡ ነቲ ካብን ናብን እንግሊዘኛን ትግርኛ ዝርአ ናይ ምትርጓም መስርሕ ከተቃልል ይትስፈዉ። እዚ ስራሕ ናይ ብዙሓት ኣካላት ተሳትፎን ኢድን ዘድልዮ እኳ እንተዀነ፡ መበገሲን ድሮ ተበጺሑ ዘሎ ደረጃን ካብቶም ኣማዕበልቲ ንስማዕ።