ኣስመራ —
ኦርቶዶክስ ተዋሃዶ ቤተ ክርስትያን ኤርትራ፡ ሰንበት 26 ጥሪ 2025 ኣብ ቤተ ክርስትያን ርእሰ ኣድባራት ደብረ-ጽዮን ቅድስት ማርያም ኣብ ዝተኻየደ ጽምብል ስርዓተ ሲመትን ጸሎተ-ተቐብኦን፡ ንብጹእ ወቅዱስ ኣቡነ ባሲሎስ መበል ሻድሻይ ፓትሪያርክ ርእሰ ሊቃነ ሃገረ ኤርትራ ገይራ ቀቢኣ።
ኣብቲ ጽምብል ስርዓተ ሲመትን ጸሎተ-ተቐብኦን፡ ፕረዚደንት ኢሳይያስ ኣፈወርቂ፡ ላዕለዎት ሰብ መዚ ኤርትራ፡ ብዋና ጸሓፊ ማሕበር ኣብያተ ክርስትያናት ዓለም ዝተመርሐ ሰለስተ ኣባላት ዘለዎ ጉጅለ ልኡኽ፡ ፕረዚደንት ኣብያተ ክርስትያናት ኣፍሪቃ፡ ዋና ጸሓፊ ማሕበር ኣብያተ ክርስትያናት ዓበይቲ ቀላያት ቀርኒ ኣፍሪቃ፡ ካብ ግብጺ፡ ኢትዮጵያ፡ ሶርያ፡ ኣርመንያ፡ ህንዲ፡ ሩስያን ግሪኽን ዝመጹ ወከልቲ፡ መራሕቲ ሃይማኖት፡ ኣብ ኤርትራ ዝመደበሮም ዲፕሎማት፡ ካህናት፡ ወከልቲ ገዳማትን ኣድባራትን መንፈሳዊ ኮለጃትን፡ ዲያቆናትን ሊቃውንትን፡ ኣባላት ቅዱስ ሲኖዶስ፡ መራሕቲ ስራሕ ሊቃነ ካህናት ሃገረ ስብከታት ውሽጥን ወጻእን ወከልቲ ዓበይቲ ዓድን ተረኺቦም ነይሮም።
ቅጥዒ