ላዕለዋይ ቤት ፍርዲ ኣሜሪካ ንገለ ክፋል ናይቲ ዝተመሓየሸ ናይ መገሻ እገዳ ፕረዝደንት ትራምፕ ክሳብ ወርሒ ጥቕምቲ ዳግማይ ዝረአ ፍቃድ ምሃቡ ተገሊጹ። ናይ ፕረዝደንት ትራምፕ እገዳ መገሻ ካብ ሃገራት ኢራን፡ሊብያ፡ሶማል፡ሱዳን፡ሶርያን የመንን ናብ ኣሜሪካ ዝመጹ ገያሾ ን90 መዓልታት ቪዛ ዝኽልክል ኽከውን ከሎ ንናይ ኣሜሪካ ፕሮግራም ስደተኛታት ድማ ን120 መዓልታት ደው ክብል ዝእዝዝ እዩ። ነዚ ዝበዝሓ ካብ ህዝበን ኣመንቲ እስልምና ዝኮና ሃገራት ዜጋታተን ናብ ኣሜሪካ ከይኣትው ዝኽልክል ውሳኔ ኣብ ወርሒ መጋቢት ምስ ወጸ ፈደራላዊ ቤት ፍርዲታት ክፍለ ግዝኣታት ሃዋይን ሜሪላንድን ምሉእ ንምሉእ ደው ክብል ምእዛዞም ይዝኸር።
ፕረዝደንት ትራምፕ ነዚ ዝገለጹ ምስ ፕረዝደንት ግብጺ ዓብደልፈታህ አል ሲሲ ትማሊ ሶኑይ ኣብ ቤተ መንግስቲ ዋይት ሃውስ ተራኺቦም ኣብ ዝተዘራረብሉ’ዩ።
ተሰናባቲ ሚኒስትር ጉዳያት ወጻኢ ኣሜሪካ ጆን ኬሪ ንጎንጺ እስራኤልን ፍልስጤማዊያንን ዘላቂ ፍታሕ’ዩ ዝበልዎ ራኢኦም ገሊጾም።
ፕረዝደንት ባራክ ኦባማ ኣብ ክፍለ ግዝኣት ፍሎሪዳ ኣብ ዝርከብ መደብር ሓይሊ ኣየር ማክዲል ትማሊ ሰሉስ ኣብ ዘስምዕዎ ኣብ ሃገራዊ ድሕነት ዘተኮረ ናይ መወዳእታ መደረ፡ ኣሜሪካ ንዳዕሽ ብምድኻም ናብ ባርባራውን ጨካንን ምስሉ ኣውሪዳቶ፣ኣል-ቃይዳ ንዖሳማ ቢን ላዲን ብምቕታል ካብ ጥቕሚ ወፃኢ ገይራቶ’ላ ኢሎም።ኣሜሪካ ክብርታታ ክትዕቅብ እውን ኣጠንቂቖም ኣለው።
ፕረዝደንት ኣሜሪካ ኮይኖም ዝተመርፁ ዶናልድ ትራምፕ ኣባላት ካብኒኦም ይመርፁ ኣብዘለውሉ ኣብዚ ሕጂ እዋን ኣብ መንጎ ኣባላት ከይዲ ምስግጋር ስልጣን ምስሕሓብ ኣሎ ንዝብል ሪፖርት ‘’ኣዚዩ ዝተወደበ መስርሕ’’ ይካይድ ኣሎ ክብሉ ብናይ ቲዊተር መልእኽቶም ነፂጎምዎ።
ውጽኢት ፕረዝደንታዊ ምርጫ ኣሜሪካ ኣብ ዝተፈላለዩ ከተማታት እታ ሃገር ተቃውሞታት ምልዓሉ ተሓቢሩ። እዞም ንምሩጽ ፕረዝደንት ዶናልድ ትራምፕ ብምቕዋም ዝኻየዱ ሰልፍታት ኣብታ ብታሪኽ ደጋፊት ሪፖብሊካዊያን ፓርቲ ብምኳና ዝፍለጥ ክፍለ ግዝኣት ቴክሳስ ከይተረፈ ይኻየድ ምሕላው ተገሊጹ’ሎ።
