ኣብ ክልል ትግራይ ማእከላይ ዞባ ኣብ ወረዳ ሓሓይለ ተወሊደን ብሰንኪ እቲ ዝነበረ ኲናት ንስደት ዘምርሓ ወይዘሮ ሊድያ ሸፈርድ፡ ኣብታ ተወሊደን ዝዓበያላ ዓዲን ከባቢን ተመሊሰን ምስ ከዳ፡ ኣብቲ ሕብረተሰብ ዝተዓዘበኦ ስእነት ትምህርቲን ሕክምናን ስቕ ኢለን ንኽዕዘባ ኣየኽኣለንን። ገዝአንን ካልእ ውልቃዊ ንብረትንን ሸይጠን ፈለማ ቤት ትምህርቲ፡ ዳሕራይ ድማ መወለዳን ክሊኒክ ሰሪሐን።
ኲናት ሱዳን ድሕሪ ምጅማሩ፡ ኣብታ ሃገር ዝነጥፋ ዝነበራ መብዛሕትአን ዓለምለኸን ዘቤታውያን ትካላት ወሃብቲ ኣገልግሎት ካብታ ሃገር ወጺአን’የን። እዚ ተርእዮ’ዚ ንዜጋታት እታ ሃገርን ኣብኣ ተዓቚቦም ዝጸንሑ ዜጋታት ካልኦት ሃገራትን ድርብ ወጽዓ’ዩ። እንተዀነ፡ ነቶም ብሰንኪ ኲናት ካብ ክልል ትግራይ ተመዛቢሎም ኣብ ሱዳን ዝተዓቝቡ ዜጋታት ዝሕግዛ ትካላት ግብረ-ሰናይ ኣለዋ።
ቅሳነት ጎይትኦም ዝተባህለት በዓልቲ ሞያ ምህንድስና ኮምፕዩተር ቆልዑ እናተዘናግዑ ዝመሃሩሉ፡ ባህሎም፡ክብርታቶምን ልምድታቶምን ዝፈልጥሉ ፕሮጀክት ኣማዕቢላ።
ቅድም ክብል ብሕብረተሰብና ዝተለመደን ብሰብ ሞያ ሕክምና ብተደጋጋሚ ዝንገርን ፀባ ጡብ ንህፃናት ኣገዳሲ ምዃኑን ህጻናት ኣብ ዕሽል ዕድሚኦም ንዘጋጥሞም ሕማማት ንምክልኻል ከምዝሕግዝን እዩ። ሓድሽ ዝወጸ መፅናዕቲ ከምዝሕብሮ ድማ ንደቀን ኣጥብየን ዘዕበያ ኣዴታት ኣብ እዋን ሽምግልና ብዘጋጥም ሕማም ልቢ ከይጥቅዓ ከምዝከላኸለለን ይሕብር፡፡
