ሙሉጌታ ኣጽብሃ

ተመዛበልቲ መኾኒ መሰረታዊ ሓገዝ ኣይረኸብናን ይብሉ

ዳግም ብዝተወልዐ ኲናት ኣብ መኾኒ ተዓቚቦም ዝርከቡ ውሽጣውያን ተመዛበልቲ፡ እቲ ካልኦት ተመዛበልቲ ዝረኸቡዎ መሰረታዊ ቀረባት’ውን ከም ዝተሓረሞም ይገልጹ። ገለ ካብቶም ድምጺ ኣመሪካ ዘዘራረቦም ተመዛበልቲ፡ በቲ ሓዲሩዎ ዝነበረ ተስፋታት ሰላም ምሉእ ኣይኰነን ይብሉ። ኣመራርሓ ሓደጋ እቲ ክልል ብወገኑ፡ ሓገዝ ካብ ምሕታት ከም ዘይዓረፉ የብርሁ።

ኣብ መቐለ ኣገልግሎት ባንክ ጀሚሩ

ኣብ መቐለ ኣገልግሎት ባንክ ጀሚሩ

ድሕሪ ዓመትን ሸውዓተ ኣዋርሕን፡ ንፈለማ እዋኑ ኣብ መቐለ፡ “ወጋገን” ዝብሃል ናይ ውልቂ ኣገልግሎት ባንክ ሎሚ ሰኑይ ጀሚሩ ኣሎ። እዚ ባንክ ኣብ ፈለማኡ ንተገልገልቲ፡ ኣብ መዓልቲ ክሳብ 1500 ብር ምውጻእ የፍቅድ።

ተስፋታት መቐለ ድሕሪ ምጅማር ውሱን ኣገልግሎታት

▶ ተስፋታት መቐለ ድሕሪ ምጅማር ውሱን ኣገልግሎታት

ንልዕሊ ዓመትን መንፈቕን ንመቐለ ሓዊሱ፡ ኣብ መብዛሕትኡ ከተማታት ክልል ትግራይ ኣቋሪጹ ዝጸንሐ ማሕበራዊ ኣገልግሎታት፡ ሕጂ ብውሱን መልክዑ ናብ ንቡር ይምለስ ኣሎ። ገለ ካብቲ ዳግም ዝተኸፍተ ኣገልግሎታት ስልኪን ውሱን ኣገልግሎት ኢንተርነትን ይርከቦ። እዞም ተጀሚሮም ዘለዉ ኣገልግሎታትን ግብረ-መልሲ ነባሮን ዝተዳለወ ጸብጻብ ኣብዚ ምክትታል ይክኣል።

ጸብጻብ፤ ዑደት ተዓዛቢት ጕጅለ ውዕል ሰላም ኢትዮጵያ

ጸብጻብ፤ ዑደት ተዓዛቢት ጕጅለ ውዕል ሰላም ኢትዮጵያ

ንውዕል ሰላም ክልል ትግራይ ዝሸምገለ ጉጅለ ሕብረት ኣፍሪቃን ካልኦት መሻርኽትን ዝሓዘት ዓባይ ጉጅለ ሎሚ መቐለ ኣትያ። እዛ ብፍሉይ ልኡኽ ሕብረት ኣፍሪቃ ኣብ ዘተ-ሰላም ኢትዮጵያ ኦሊሰገን ኦባሳንጆ ተመሪሓ ዘላ ጉጅለ ኣምባሳድራት ልዕሊ 32 ሃገራት’ውን ሓቚፋ ኣላ።

ንውዕል ሰላም ዝሸምገለ ጉጅለ ሕ/ኣፍሪቃን ካልኦት መሻርኽትን ዝሓዘት ጉጅለ መቐለ ኣትያ

ግብረ-መልሲ ኣጋይሽን ተቐበልቲን ቀዳመይቲ በረራ መገዲ ኣየር ኢትዮጵያ ናብ መቐለ

ግብረ-መልሲ ኣጋይሽን ተቐበልቲን ቀዳመይቲ በረራ መገዲ ኣየር ኢትዮጵያ ናብ መቐለ

ንልዕሊ ዓመትን ሽዱሽተ ኣዋርሕን ተቛሪጹ ዝጸንሐ ንግዳዊ በረራ መቐለ ኣዲስ ኣበባ ሎሚ ረቡዕ ብዝኣተወት ቀዳመይቲ ነፋሪት ጀሚሩ ኣሎ። እዛ ቀደመይቲ በረራ 138 ተጓዓዝቲ ሒዛ’ያ ኣትያ ንገለ ካብቶም ኣጋይሽን ተቐበልቲን ኣዘራሪብና ኣለና።

ቀዳመይቲ በረራ መገዲ ኣየር ኢትዮጵያ መቐለ ኣትያ

ጸብጻብ፤ ዘተ ላዕለዎት ልኡኻት ምስ ህዝቢን ተወከልቲን ከተማ መቐለ

ጸብጻብ፤ ዘተ ላዕለዎት ልኡኻት ምስ ህዝቢን ተወከልቲን ከተማ መቐለ

ትማሊ ኣብ ከተማ መቐለ ናይ ሓደ መዓልቲ ናይ ስራሕ ምብጻሕን ዳህሳስ ምክያድን ዝገብረ ላዕለዋይ ልኡኽ መንግስቲ ኢትዮጵያ፡ ኣማስያኡ ንኣዲስ-ኣበባ ቅድሚ ምምላሱ፡ ንዳግም ምኽፋት መሰረታዊ ኣገልግሎታት ዝምልከት ምስ በበይኖም ወገናት ዝርርብ ኣካዪዱ ነይሩ። ብዛዕባ’ቲ ኣብ ቀረባ እዋናት ክጅምር ዝቀራረብ ዘሎ ማሕበራዊ ኣገልግሎታትን ካልእ ኣብቲ ሓባራዊ ዝርርብ ዝተላዕሉ ጉዳያት ኣጣሚሩ ዝምልከት ዝተዳለወ ጸብጻብ ኣብዚ ምክትታል ይክኣል።

ጸብጻብ - ምብጻሕ ላዕለዋይ ልኡኽ መንግስቲ ኢትዮጵያ ኣብ መቐለ

ጸብጻብ - ምብጻሕ ላዕለዋይ ልኡኽ መንግስቲ ኢትዮጵያ ኣብ መቐለ

ሰበ-ስልጣን መንግስቲ ኢትጵያ ሓቚፉ፡ ሎሚ ንግሆ መቐለ ዝኣተወ ጕጅለ፡ ኣማስያኡ ንኣዲስ-ኣበባ ምምላሱ ዝበጽሓና ዜና ይሕብር። እቲ ጕጅለ ኣብ መቐለ ኣብ ዝጸንሓሉ ሰዓታት ምስ በበይኖም መሪሕነት እቲ ክልል ተዘራሪቡ ኣሎ።

“ዘላቒን ሓቀኛን ሰላም ክኸውን ንትስፎ፡” ነበርቲ ጕሎመኸዳ

ካብ ወረዳ ጕሎመኸዳ ተመዛቢለን ኣብ ዓዲግራት ተዓቚበን ዘለዋ ገለ ደቀንስትዮ ብሰራዊት ኤርትራ ጾታዊ ዓመጽን ምክልባትን ከም ዝወረደን ገሊጸናለይ ይብል ናብቲ ቦታ ተጓዒዙ ዘሎ ወኪልና ሙሉጌታ ኣጽብሃ። እንተዀነ፡ መንግስቲ ኤርትራ ኣቐዲሙ ኣብ ሰላማዊ ህዝቢ ዘውርዶ ግፍዒ ከም ዘየሎ ክገልጽ ጸኒሑ`ዩ።

ሓረስቶት ዓዲ ግራትን ከባቢ ኣን እንታይ ይብሉ፧

ሓረስቶት ዓዲ ግራትን ከባቢኣን እንታይ ይብሉ?

ኣብ ቀረባ መዓልታት ናብ ዓዲ-ግራት ዝተጉዓዘ ወኪል ድምጺ ኣመሪካ ንእግረ-መገዱ’ውን ንመነባብሮን ኩነታት ሕርሻን ኣብቲ ከባቢ ዝርከቡ ወረዳታት ዳህሲሱ ኣሎ። ንሎሚ ኣብ ጫፍ ቦታታት ዓውደ-ውግእ ዝርከቡ ሓረስቶት ኣዘራሪቡ'ሎ።

ትዕዝብቲ ጋዜጠኛ ካብ መቐለ ናብ ዓዲ-ግራት

ትዕዝብቲ ጋዜጠኛ ካብ መቐለ ናብ ዓዲ-ግራት

ድሕሪ ስምምዕ ምቍራጽ ተጻብኦታት፡ ኵነታት መነባብሮ፡ መጓዓዝያን ካልእ ምንቅስቓስን ንምርኣይ ጋዜጠኛ ድምጺ ኣመሪካ፡ ካብ መቐለ ተበጊሱ ናብ ዓዲ-ግራት ተጓዒዙ ኣሎ። ኣብ ዘዕረፎ ቦታታት ዝተዓዘቦ ኣብ ቀጻሊ መደባት ዘቕርቦ ክኸውን እንከሎ፡ ንሕጂ ግን ካብ መቐለ ናብ ዓዲ-ግራት መገዲ ከመይ ይመስልን ትዕዝብቱን ከኻፍለና'ዩ።