ሓባራዊ ቤት ምኽሪ ፓርትታት ኢትዮጵያ ንመዘክር ስምምዕ ከምዝድግፍ ገሊጹ

ኣዲስ ኣበባ — 

ሓባራዊ ቤት ምኽሪ ፓርትታት ኢትዮጵያ ዝተባህለ ጥርናፈ ነቲ ኣብ መንጎ ኢትዮጵያን ሶማሊላንድን ዝተፈረመ መዘክር ስምምዕ ዝድግፍ መግለጺ ኣውጺኡ።

ዋና ኣካቢ`ቲ ቤት ምኽሪ ኣቶ ደስታ ዲንቃ፡ እቲ ቤት ምኽሪ ሰፊሕ ዘተ ድሕሪ ምክያድ መርገጹኡ ከም ዘንጸባረቐ ገሊጹ`ሎ።

መንግስቲ ነቲ ስምምዕ “ ውጥረታት ብዘህድእን ነታ ሃገር ንጉድኣት ብዘየቃልዕ መንገድን” ክትግበር ከም ዘለዎ እቶም ፓርትታት ምግላጾም`ውን ጠቒሱ።

ብኻልእ ወገን ግን እቲ ኣሰሓሓቢ ስምምዕ ከም ዘሻቕሎምን ከም ዝቃወምዎን ዝግለጹ ኢትዮጵያውያን ኣካላት ኣለዉ።

እቲ ስምምዕ መዘክር ንልኡላውነተይ ዝጥሕስ`ዩ ትብል ሶማል ብወገና እቲ ሰነድ ተግባራዊ ንከይኸውን ዓለምለኸ ድጋፍ ምድላያ ቀጺላ`ላ።