ኣቶ ክብረኣብ ይመስገን ንማሕበራዊን ስነ ኣእምሮኣዊን ኩነታት ኣብ ወጻኢ ሃገራት ዘሎ ማሕበረሰብ ንምምዕባልን ንምሕጋዝን ‘ማሕበራዊ ህውየት’ ዝብል ምኽራዊ ኣገልግሎት ኣብ ማሕበራዊ መራኸቢ ብዙሃን ይህብ ኣሎ። ንሱ ነዚ ዕዮ ክጅምር ዘዳፋፍኦ እቲ ዘንቆልቁል ዘሎ ማሕበራዊን ስነ ኣእምሮኣዊን ኩነታት ኣብ ወጻኢ ሃገራት ዘሎ ማሕበረሰብ ምዃኑ ይገልጽ።
ኣብ 2020 ንዝካየድ ምርጫ ተወከልቲ ህዝቢ ኣሜሪካ ንምስታፍ ኣሜሪካዊያን ተወከልቲ ዝተፈላለዩ ከባቢታት ተወዳደርቲ ምዃኖም የፍልጡ ኣለው። ኤርትራዊ ኣሜሪካዊ ዓንዶም ገብረገርግሽ እውን ንምምሕዳር 16 ክፍለ ግዝኣት ኔውዮርክ ወኪሉ ኣብቲ ምርጫ ከምዝወዳደር ኣብ መጀመርያ ወርሒ ሰነ ኣፍሊጡ’ሎ። ኣብ ከተማ ኒውዮርክ ተወሊዱ ዝዓበየ ዓንዶም ኣብዚ ሕጂ እዋን ካብታ ከተማ ውጽእ ኢሉ ኣብ ዝርከብ ማውንት ቨርኖን ዝተባህለ ከባቢ ብሞያ መምህርነት ዝገልግል ዘሎ መንእሰይ’ዩ።
ኣብዚ ቀረባ ግዜ 'ምስጋና ብትሑት ድምጺ' ማለት 'Gratitude in Low Voices' ትብል መጽሓፍ ዝጸሓፈ በዓል ሞያ ተክኖሎጂ ሓበሬታ ኣቶ ዳዊት ገብረሚካኤል ኣብ ስቱድዮ ድምጺ ኣመሪካ ተረኺቡ ብዛዕባ ትሕዝቶ መጽሓፉን ድሕረ ባይትኡን ዝምልከት ኣካፊሉና ኣሎ። ኣቶ ዳዊት ነታ 46 ታሪኻዊ መወከሲ ሰነድ ገሊኡ ኣብዚ ቀረባ ግዜ ቅሉዕ ዝኾነ ሰነድ ዝሓዘለት መጽሓፉ ምስ ናይ ውልቃዊ ታሪኹ ብፍላይ ምስ ጉዕዞ ስደትን መንነትን ኣተሓሒዙ ከምዝጸሓፋ እዩ ዝገልጽ።
ቀዳማይ ክፋል ትሕዝቶ ናይቲ ቃለ መጠይቕ ኣብዚ ቀሪቡ ኣሎ።
እዚ “መርሓባ ትግርኛ” ብምባል ዝጽዋዕ App ኣብዚ ሕጂ እዋን ንተጠቐምቲ ኣፕል ዝተዳለወ ኽከውን ከሎ ኣብ ዝመጽእ ስሙናት ድማ ንተጠቐምቲ ኣንድሮይድ ከምዝቐርብ ኣቶ በእምነት የረድእ። ምስ ኣቶ በእምነት ዝተካየደ ቃለ መጠይቕ ኣብዚ ምስማዕ ይክኣል።
ተወሳኺ ጽዓን
