ምስ ምምፃእ ወቕቲ ዘራእቲ፡ ስእነት መሰረታዊ ቀረባትን ዘሎ ዕፅዋን ተደሚሩዎ፡ ንሓረስቶት ትግራይ ቀሊል ኣይክኸውንን። ነቲ ከጋጥም ዝኽእል ዋሕዲ ቀረብ ምሩፅ ዘርኢ፡ ዘመናዊ ድዅዒን ካልእን ሓረስቶት ብኸመይ ክዋፅኡዎ ይኽእሉ? ወኪልና ገ/ሚካኤል ገ/መድህን ንበዓል ሞያ ሕርሻ ኣዘራሪቡ ንመደብ ሕርሻ እዚ ዝስዕብ መሰናድኦ ኣዳልዩ ኣሎ።
ሓያሎ ኤርትራያውን ኣብ በበይኑ ከተማታት ኢትዮጵያ ብሕልፊ ድማ ኣብ ኣዲስ-ኣበባ ኣለዉ። ብዙሓት ካብኣቶም ናብ ሳልሳይ ሃገር ንምስጋር ዝጽበዩ እኳ እንተዀኑ፡ ሓያሎ ግን ናታቶም ትካል ከፊቶም ይሰርሑ። ናይ ኣዲስ ኣበባ ወኪልና ገብረሚካኤል ገብረመድህን ነቶም ሰብ-ትካላት ኣዘራሪቡ ኣሎ። እቶም ሰብ-ዋኒን ኵላቶም ገጾም ክርኣዩ ስለ ዘይመረጹ ድሕነቶም ሓሊናሎም ኣሎና።
ደበሳይ ዘገየ ኣብ ባህላዊ ደርፊ ትግርኛ ሽሙ ኣብ ቅድሚት ዝጥቀስ ተፃዋታይ ጭራ ዋጣ እዩ። በቶም ብዙሓት ተዘከርቲ ደርፍታቱ ኣብ ልቢ ሰማዕቲ ቦታኡ ልሉይ ኰይኑ፡ ፅልዋኡ ኣብ መንእሰያት ደረፍቲ ትግራይ’ውን ዓቢ’ዩ። ወኪል ድምጺ ኣመሪካ ካብ ኣዲስ-ኣበባ ገ/ሚካኤል ገ/መድህን ንስራሓቱ፡ ፅልዋኡን ውልቃዊ ህይወቱን ኣመልኪቱ ኣዘራሪቡዎ ኣሎ፡ ነቲ ወግዒ ንምክትታል ኣብዚ ሰዓቡ።
