ብርሃነ በርሀ

ኣብ ኣፈዋውሳ ሕማማት ኣካላት መፍረ ዘተኮረ መጽሓፍ ተዘርጊሓ

ኣብ ኣፈዋውሳ ሕማማት ኣካላት መፍረ ዘተኮረ መጽሓፍ ተዘርጊሓ

ብክኢላ መወለዳን ኣቶ ኤፍሬም ዝብኣይ ዝተጻሕፈት “ኣብ ኣፈዋውሳ ሕማማት ኣካላት መፍረ ደቂ ኣንስትዮ” ዘተኮረት መጽሓፍ ናብ ተጠቀምቲ ተዘርጊሓ'ላ። እታ መጽሓፍ ኣብ ክልቲኡ ጾታ ዝረኣዩ ሕማማት ኣካላት መፍረን ሳዕቤናቶምን፡ ኣፈታትሖምን ዘጠቃለሉ 11 ምዕራፋት ዝሓዘት ምዃና ጸሓፊኣ ኤፍሬም ዝብኣይ ንድምጺ ኣመሪካ ሓቢሩ።

ካብ ንእሽቶ ባትሪ ንዝዓበየ መብራህቲ

ካብ ንእሽቶ ባትሪ ንዝዓበየ መብራህቲ

ሃኒባል እስቲፋኖስ ዝተባህለ ክኢላ ስርዓተ ኤለክትሪክ፡ ውሑድ ዓቕሚ ባተሪ ናብ ሓይሊ ኤለክትሪክ እትቕየር ማሺን ኣማዕቢሉ። ነዛ መሳርሒ ንምምዕባል ድርኺት ዝዀኖ፡ ኣብ ርሑቕ ቦታታት ንዝርአ ስእነት ሓይሊ መብራህቲ ንምቅላል ምዃኑ ሃኒባል ይሕብር። እዛ ኣምዕቢሉዋ ዘሎ ማሺን ካብ 12 ናብ 220 ቮልት ክትቅይር ከም እትኽእል ይነግር።

ትሑት እቶታውነት ምህርቲ ዕፉንን ስርናይን ኤርትራ ንምምሕያሽ ዝዓለመ ሃገራዊ ዋዕላ ተኻይዱ

ትሑት እቶታውነት ምህርቲ ዕፉንን ስርናይን ኤርትራ ንምምሕያሽ ዝዓለመ ሃገራዊ ዋዕላ ተኻይዱ

ኣብ ኤርትራ ምህርቲ ስርናይ ንምዕባይ ዝተፈላለዩ ጻዕርታት ይካየዱ’ኳ እንተሃለዉ፡ እቶት ምስ ጠለብ ውሽጢ ሃገር ብምዝማድ ትሕቱ ከም ዝኾነ ኣብቲ ካብ 20 - 21 መስከረም 2023 ኣብ ኣስመራ ዝተቓንዐ ሃገራዊ ዋዕላ ስርናይ ዕፉንን ኤርትራ ተገሊጹ።

ኤርትራ፤ ምትእስሳር ዕንባባታትን ኣትክልቲን ምስ ኣቶ ዮሴፍ (ባሻይ)

ኤርትራ፤ ምትእስሳር ዕንባባታትን ኣትክልቲን ምስ ኣቶ ዮሴፍ (ባሻይ)

ኣቶ ዮሴፍ ነጋሽ (ባሻይ) ኣብ ኣስመራ ፓራዲዞ ዝነብር ኣብ ናይ ዕንባባን ልምዓት ኣትኽልትን ዝነጥፍ ወዲ 64 ዓመት ኣትኽልተኛ(ጀርዲናረ) እዩ። ኣብ ዝተፈላለዩ ናይ መዘናግዒ፡ መናፈሻ፡ ኣብያተ እምነትን ቀጽሪ መንበሪ ቤትን ብዝተፈላለዩ ዲዛይናት ብዕንባባታት ብምምልኻዕ፡ ሰሓቢን ተበሃግን ትርኢት ከም ዝህልዎ ኣብ ምግባርን ምጽብባቕን ከኣ ይነጥፍ።

“ቤት ትምህርቲ መሶብና” ኣብ እንዳ ዮናን

“ቤት ትምህርቲ መሶብና” ኣብ እንዳ ዮናን

ዮናን ፕሮዳክሽን ዝተባህለ ኣፍራዪ ፊልም “ቤት ትምህርቲ መሶብና” እትብል ናይ ህጻናት ናይ ኣኒመሽን ፊልም ኣዳልዩ ኣሎ። እዛ ክሳብ 30 ደቓይቕ ንውሓት ዘለዋ ስራሕ ንህጻናት መሰረታዊ ትምህርቲ ኣብ ምሃብን ምዝንጋዕን ተራ ክህልዋ ተስፋ ከም ዝገብሩ ኣዳለውታ ንድምጺ ኣመሪካ ገሊጾም። ናይ ወኪል ድምጺ ኣመሪካ ነዛ ኣስታት 15 ኣባላት ዘሳተፈት ስራሕ ኣመልኪቱ ዘዳለዎ መደብ ኣብ ቂሐ-ጽልሚ ኣብዚ ምክትታል ይክኣል።

ኤርትራ- ንዘረባ እንግሊዘኛ ናብ ትግርኛ ምስ እትለውጥ ሶፍትዌር ዘማዕበሉ መሃንድስት

ኤርትራ- ንዘረባ እንግሊዘኛ ናብ ትግርኛ ምስ እትለውጥ ሶፍትዌር ዘማዕበሉ መሃንድስት

ሓሙሽት ምሩቓት ኮምፕዩተር ምህንድስና፡ ካብ እንግሊዘኛ ናብ ትግርኛ ብድምጺ እትልውጥ ሶፍትዌር ኣማዕቢሎም። እዚ ናይ ፈለማ ስራሕ ምዃኑ ዘምልከቱ እቶም መሃንድሳት፡ እታ ስራሕ ኣብ ፈላሚ ብርኪ ደኣ ትሃሉ እምበር፡ ነቲ ካብን ናብን እንግሊዘኛን ትግርኛ ዝርአ ናይ ምትርጓም መስርሕ ከተቃልል ይትስፈዉ። እዚ ስራሕ ናይ ብዙሓት ኣካላት ተሳትፎን ኢድን ዘድልዮ እኳ እንተዀነ፡ መበገሲን ድሮ ተበጺሑ ዘሎ ደረጃን ካብቶም ኣማዕበልቲ ንስማዕ።

ናብ ዝረሓቐ ገጠራት ኤርትራ ተጠቃምነት ኮምፕዩተር ንምብጻሕ ዝካየድ ተበግሶታት

ናብ ዝረሓቐ ገጠራት ኤርትራ ተጠቃምነት ኮምፕዩተር ንምብጻሕ ዝካየድ ተበግሶታት

ኣብ ወርሒ ነሓሰ ኣብ ዝተኻየደ ሃገራዊ ፈስቲቫል ኤርትራ፡ ካብ መንጎ ዝቐረበ ምርኢት፡ ትምህርቲ ኮምፕዩተር ናብቲ ስሩዕ መብራህቲ ዘይብሉ ዝረሓቐ ገጠራት ኤርትራ ብዛዕባ ንምብጻሑ ዘሎ ተኽእሎታት ሓደ’ዩ ኔሩ። እቲ መደብ ንዲጂታላዊ ቤት ንባብ ንምስፋሕ’ውን ዝዓለመ’ዩ።

ዶክተር ክብርኣብ ፍረ -- ፍርቂ ዘመን ኣብ ኣገልግሎት ህዝቢ

ዶክተር ክብርኣብ ፍረ -- ፍርቂ ዘመን ኣብ ኣገልግሎት ህዝቢ

ደራሲ 12 መጽሓፍቲ፡ ዝበዝሓ ካብኣተን ብዙሕ ተነባባነት ዘለወን ልብ-ወለዳውያን መጽሕፍቲ ዝዀነ ዶክተር ክብርኣርብ ፍረ ኣብዚ ኣብ ኣመሪካ ኣብ መበል 81 ዓመቱ ዓሪፉ። ስነ-ስርዓት ቀብሩ ድማ ሰኑይ ኣብ ኣስመራ ተፈጺሙ ኣሎ። ናይ ሎሚ መደብ ቂሐ-ጽልሚ እምበኣር ነዚ ንልዕሊ ፍርቂ ዘመን ኣብ ህዝባዊ ኣገልግሎት ዝሰርሐ ሓኪምን ደራሲን’ያ ይክትዝክር።

ኤርትራ፡ ካብ ግሉተን ናጻ ዝዀነ ፓስታ

ኤርትራ፡ ካብ ግሉተን ናጻ ዝዀነ ፓስታ

ሓሙሽተ ምሩቓት ሕርሻዊ ምህንድስና ካብ ባእታ ግሉተን ናጻ ዝዀነ ፓስታ አዳልየን። ከም ኣገልግላጻ ሓንቲ ካብተን ኣማዕበልቲ እዚ ስራሕ፡ እቲ ቀንዲ ኣተኵሮ ሕብረተስብ ክረኽቦ ካብ ዝኽእል ጥረ-ነገራት’የን ሰሪሐንኦ። ነቲ ዓቢ ትሕዝቶ ከም ዘይብሉ ተራእዩ ክጓሓፍ ዝጸንሐ ከም ቅራፍ ባናና መሊሰን ብምምስራሕ ድማ ኣብ ጥዕናን መኣዛዊ ትሕዝቶን እቲ መግቢ ለውጢ ንምምጻእ ጽዒረን ኣለዋ።

ዶ/ር ኤደን ታረቀ፤ ን30 ዓመታት ኣብ ስርዓተ-ኣመጋግባን ኣከባቢን

ዶ/ር ኤደን ታረቀ፤ ን30 ዓመታት ኣብ ስርዓተ-ኣመጋግባን ኣከባቢን

ንልዕሊ 30 ዓመታት ኣብ ስርዓተ-ኣመጋግባ ብግብሪን መጽናዕቲን ክትነጥፍ ዝጸንሐት ዶክተር ኤደን ታረቀ፡ ኣብቲ ኣብ መፋርቕ ወርሒ ነሓሰ ኣብ ኣስመራ ዝተኻየደ ፌስቲቫል ኤርትራ ስራሓታ ንምርኢት ኣቕሪባ ነይራ። ዶክተር ኤደን ኣብቲ ብትግርኛ “ሓኖኽ” ዝብል መጸውዒ ስም ዝሃበቶ ስርዓተ ኣመጋግባን ዘለዋ ሓሳባት ኣካፊላ ኣላ።