ምንያ ኣፈወርቂ

ፈስቲቫል እንጀራ ኣፍሪቃ -- ኣብ ዙርያ መኣዲ

ፈስቲቫል እንጀራ ኣፍሪቃ -- ኣብ ዙርያ መኣዲ

ኣብ መፋርቕ ናይዚ ወርሒ ታሕሳስ ኣብ ከተማ ካምፓላ ኡጋንዳ “ፈስቲቫል እንጀራ ኣፍሪቃ” ዝተሰምየ ባህላዊ፡ ምልውዋጥ ሓበሬታን ኣብ ዕብየት ንግዲን ዘተኰረ ፈስቲቫል ተኻዪዱ ነይሩ። እዚ ካብ በበይነን ሃገራት ምብራቕን ቀርኒን ኣፍሪቃ ዝተኻፈሉዎ ኣጋጣሚ፡ ኣብ ኡጋንዳ ብዝርከቡ ኤርትራውያን ኣወፈርቲ ዝተበገሰ’ዩ። ንኽልተ ካብቶም ኣዳለውቲ እዚ ኣጋጣሚ ዝዀኑ ኣዘራሪብና ኣለና።

ይርጋኣለም ፍስሃ-- ካብ መስኮት ቤት-ማእሰርቲ ናብ ዓለማዊ መድረኻት

ይርጋኣለም ፍስሃ-- ካብ መስኮት ቤት-ማእሰርቲ ናብ ዓለማዊ መድረኻት

ኤርትራዊት ገጣሚትን ጋዜጠኛን ይርጋኣለም ፍስሃ፡ ኣብ በበይኑ መድረኻት ስራሓታ ዘቕረበት ገጣሚት’ያ። ሕጂ ኣብ ሃገረ ጀርመን እትርከብ ይርጋኣለም፡ ቅድሚ ናብታ ሃገር ምእታዋ ኣብ ኤርትራ ብምኽንያት ሞያ ጋዜጠኝነት ንሽዱሽተ ዓመታት ተኣሲራ ዝነበረት’ያ። ይርጋኣለም ኣብ ስደት ድሕሪ ምኻዳ በበይኑ ሽልማን ስነ-ጽሑፍን ምግላጽ ሓሳባትን ተቐቢላ ኣላ። ንስራሓታን ኣብ ቀረባ እዋን ብዛዕባ ዝረኸበቶ ሽልማትን ኣመልኪትና ኣዘራሪብናያ ኣለና።

ፒሳ ምንያ -- ክብሪ ንወላዲት

“ፒሳ ምንያ” ዝብል ትካል ኣብዚ ኣብ ከባቢ ዋሽንግተን ዲሲ ከፊቱ ዝሰርሕ ዘሎ ዮሴፍ ገብረመድህን፡ እቲ ስም ነታ ሸሞንተ ውሊዳት፡ እሞ ድማ ምስ ከቢድ ጸገማት ዘሕለፈት ኣዲኡ ምዃኑ’ዩ ዝሕብር። ጕዕዞ ህይወት ዮሴፍ፡ ጕዕዞ ውርድ-ደይብን ኢድ ዘይምሃብን’ዩ። ናብዚ ዘለዎ ደረጃ ንምብጻሕ ዝሓለፎ መንገዲ ንምዕላል ጋሻና ጌርናዮ ኣሎና፡ ንምክትታሉ መላግቦ ሰዓቡ።

ትንታነ -- ኣብ ጉዳይ ግጭት እስራኤልን ሓማን ጽልውኡ ኣብ ዞባ ቀርኒ ኣፍሪቃን

ትንታነ -- ኣብ ጉዳይ ግጭት እስራኤልን ሓማን ጽልውኡ ኣብ ዞባ ቀርኒ ኣፍሪቃን

7 ሕዳር 2023 ብመጥቃዕቲ ሓማስ ኣብ ልዕሊ እስራኤል ዝጀመረ ኲናት ማእከላይ ምብራቕ፡ ህይወት ኣሽሓት ሲቪላውያን ወሲዱ ንሚልዮናት’ውን ኣዘናቢሉ ኣሎ። ንምዃኑ እዚ ግጭት ብኸመይ’ዩ ክዓርፍን ዘላቒ መፍትሒ ክርከቦ ዝኽእልን፧ እዚ ኲናት'ኸ ንኸባቢ ቀርኒ ኣፍሪቃ፡ ብቐንዱ ድማ ኤርትራን ኢትዮጵያን ብኸመይ ክጸሉ ይኽእል?

ዕላል ምስ ዶ/ር መንግስትኣብ ተስፋዮሃንስ

ዕላል ምስ ዶ/ር መንግስትኣብ ተስፋዮሃንስ

ኣብ ምምሃር ምስትምሃር ላዕለዋይ ደረጃ ትምህርቲ ኣስታት 30 ዓመታት ዘቑጸሩ ብዩኒቨርሲቲ ኣስመራ ጀሚሩ ኣብ ቦስትዋና: ደቡብ ኣፍሪቃ: ኣብ ኤውሮጳ: ካናዳን ኣመሪካ ዝሰርሑ ዶ/ር መንግስትኣብ ተስፋዮሃንስ ተመኩርኡን ጉዕዞ ህይወቱን ከካፍለና ኣዘራሪብናዮም ኣለና።  

ኤርትራውያን ነበርቲ እስራኤል - “ሞሳና እንኸፍለሉ እዋን”

ኤርትራውያን ነበርቲ እስራኤል - “ሞሳና እንኸፍለሉ እዋን”

ብጉጅለ ሓማስ ኣብ እስራኤል ድሕሪ ዝተፈጸመ ሃንደበታዊ መጥቃዕቲ፡ ኣብ እስራኤል ዝርከቡ ኤርትራውያን ነቲ ዘዕቆቦም ሕብረተሰብ እስራኤል ኣብ ምሕጋዝ ይጓየዩ ከም ዘለዉ ይገልጹ። በቲ ዝነበረ መጥቃዕቲ ገዛውቶም ዝፈረሶም ኤርትራውያን ምንባሮም ዝገለጸ ኣቦ-መንበር ሓድሽ ተስፋ፡ ዛጊት ግን ብዛዕባ ሞት ዝሰዕምዑዎ ከም ዘየለዉ ይሕብር። ምስ ነባሪ የሩሳሌም ዝኾነ ኣቦ-መንበር ሓድሽ ተስፋ ብርሃነ ነጋሲ ኣዘራሪብናዮ ኣለና።

ህዝባዊ ዘተ - "ዝተመቓቐለ ዲያስፖራ"

ብቐዳም 23 መስከረም 2023 ኣብ ዩኒቨርስቲ በርክሊ ካሊፎርኒያ፡ ብግዱሳት ኤርትራውያን ሓደ ህዝባዊ ዘተ ተኻዪዱ ነይሩ። እቲ “ዝተመቓቐለ ዲያስፖራን መጻኢ ኣንፈት ኤርትራን፡” ኣብ ትሕቲ ዝብል ቴማ ዝተኻየደ ዘተ፡ ኣብዚ ጉዳይ ቅርበት ዘለዎም ኣርባዕተ ኤርትራውያን ሰብ-ሞያ ዝሓቖፈ’ዩ ነይሩ። ካብቲ ዘተ ብምቕጻል ንኽልተ ካብቶም ተሳተፍቲን ኣሰናዳኢ እቲ መደብን ኣዘራሪብናዮም ኣሎና።

ምሕዝነት ህዝብታት ኢትዮጵያ ክሳብ ኤርትራ

▶ምሕዝነት ህዝብታት ኢትዮጵያ ክሳብ ኤርትራ

“ምሕዝነት ህዝብታት ኢትዮጵያ” ዝተስምየ ምትእኽኻብ፡ ኣብ ውሽጢ ብሄራት ኢትዮጵያ ንዝጸንሐ ስእነት ርድኢትን ምብህሃልን ንምትዕራቕ ዓሊሙ ዝተመስረተ’ዩ። እዚ ከም ኣገላልጻ ኣባላቱ ንመብዛሕትኦም ብሄራት ኢትዮጵያ ዝሓቘፈ ምትእኽኻብ፡ ኪንዮ ዶባት ሰጊሩ፡ ኣብ ደገ ዝነብሩ ኤርትራውያን’ውን ክጽንብር ይፍትን ኣሎ።

ህልው ኩነታት እስራኤል ብነባሪ ከተማ ቴል ኣቪቭ

ግጭት ኣብ መንጎ እስራኤልን ዕጡቓት ሓማስን ብቕድሚ ትማሊ ቐዳም ካብ ዝጅምር ንደሓር ኣብቲ ቦታ ንዘሎ ኩነታት ክሕብረና ንኤርትራዊ ነባሪ ከተማ ቴል ኣቪቭ ኣብርሃም ናይዝጊ ኣዘራሪብናዮ ኣለና።

ህዝባዊ ዘተ - "ዝተመቓቐለ ዲያስፖራ"

ዕላል ምስ ኣባል ቤት ምኽሪ ጉዳያት ኣፍሪቃ ኣብ ቤት ጽሕፈት ፕረዚደንት ኣመሪካ

ዕላል ምስ ኣባል ቤት ምኽሪ ጉዳያት ኣፍሪቃ ኣብ ቤት ጽሕፈት ፕረዚደንት ኣመሪካ

ሚኒስትሪ ወጻኢ ጉዳያት ኣመሪካ፡ ቅድሚ ትማሊ ሰሉስ ወግዓዊ ዝገበሮ፡ ቤት ምኽሪ ኣማኸርቲ ፕረዚደንት ኣብ ጉዳያት ኣፍሪቃ ዝብል ቤት ጽሕፈት ኣቚሙ ኣሎ። እዚ ብፕረዚደንት ጆ ባይደን ዝቖመ ቤት ምኽሪ 12 ኣፍሪቃውያን ዝመበቆሎም ኣመሪካውያን ዝሓቘፈ’ዩ። ኤርትራዊት ኣመሪካዊት ኣልማዝ ነጋሽ ሓንቲ ካብቶም 12 ኣባል እዚ ሓድሽ ቤት ምኽሪ ኰይና ተረቚሓ ኣላ።

ዕላል ምስ ፕሮ.ኪዳነ መንግስትኣብ -- ተመኵሮ ልዕሊ 40 ዓመታት ኣብ ኣካዳሚ

ዕላል ምስ ፕሮ. ኪዳነ መንግስትኣብ -- ተመኵሮ ልዕሊ 40 ዓመታት ኣብ ኣካዳሚ

ኣብ ዩኒቨርስቲ ፐንሲልቫንያ ዝሰርሑ ኤርትራዊ ኣመሪካ ፕሮፈሰር ኪዳነ መንግስትኣብ ውልቃዊ ተመኵሮ ህይወቶም ንምክፋል ንሎሚ ጋሻ ኤርትራዊያን ኣመሪካ ኮይኖም ቀሪቦም ኣለው።