ሙሉጌታ ኣጽብሃ

ዲፕሎማት በበይነን ሃገራት ናብ ክልል ትግራይ ይበጽሑ

ዲፕሎማት በበይነን ሃገራት ናብ ክልል ትግራይ ይበጽሑ

ብምኽትል ኣፈጉባኤ ቤት ምኽሪ እስራኤል ሞሼ ሰለሞን ዝተመርሐ ጉጅለ ኣብ ክልል ትግራይ ንሰለስተ መዓልታት ዑደት ኣካዪዱ። ሽዱሸተ ኣባላት ምስ ዝሓዘ እዚ ጉጅለ ኣብ ጉዳይ ምትሕብባር ሕርሻ፡ ቴክኖሎጂን ህፁፅ ሓገዝን ምስ ግዜያዊ ምምሕዳር ክልል ትግራይ ዘተ ኣካዪዱ ኣሎ።

"ግዜያዊ ምምሕዳር ክልል ትግራይን ፈደራላዊ መንግስቲን ኣብ ሓያሎ ጉዳያት ሓባራዊ መርገፂ ኣለዎም” ሌ/ጀ ታደሰ ወረደ

"ግዜያዊ ምምሕዳር ክልል ትግራይን ፈደራላዊ መንግስቲን ኣብ ሓያሎ ጉዳያት ሓባራዊ መርገፂ ኣለዎም” ሌ/ጀ ታደሰ ወረደ

ፈደራላዊ መንግስቲ “ኣከራኻሪ” ኢሉ ኣብ ዝፅውዖም ከባቢታት ድሕሪ ኲናት ዝተመስረቱ ምምሕዳራት ምፍራስ፣ ተመዛበልቲ ምምላስን ምጥያሽ ሓዱሽ ምምሕዳርን ክሳብ ሰነ 30 ክዛዘም ኣብ ስምምዕነት ከም ዝተበፅሐ፣ ምክትል ፕረዚደንት ጊዜያዊ ምምሕዳር ክልል ትግራይ ሌተናንት ጀነራል ታደሰ ወረደ ገሊፆም።

ኲሓ -- ወፈራ መጥባሕቲ ዓይኒ

ኲሓ -- ወፈራ መጥባሕቲ ዓይኒ

ኣብ ሕክምና ዓይኒ ኲሓ ንምዕጻው ቱቦ ንብዓት ዓይኒ ዝምልከት ናጻ ሕክምናዊ ኣገልግሎት ዝሓለፈ ሰሙን ተዋሂቡ። እዚ ምስ ኣብ እስራኤል ዝርከብ ትካል ግብረ-ሰናይ ዝተገብረ ስርሓት፡ ንተሓከምቲ ኣብ ኣዲስ ኣበባን ካልኦት ርሑቓት ስፍራታት ከይዶም ካብ ምሕካም ከም ዘድሓኖም ሰብ-መዚ እቲ ሕክምና ይገልጹ። ንኣተሓባበርቲን ተገልገልቲን ኣዘራሪብና ኣለና።

ሃገራዊት ቤት ምኽሪ ድሕነት ኢትዮጵያ ንዝሃቦ መግለጺ ህወሓት ይቃወም

ሃገራዊት ቤት ምኽሪ ድሕነት ኢትዮጵያ ንዝሃቦ መግለጺ ህወሓት ይቃወም

ሃገራዊ ቤት ምኽሪ ድሕነት ኢትዮጵያ ትማሊ ረቡዕ ኣብ ዘውጽኦ መግለጺ፡ ዕጡቓት ህወሓት ምሉእ ብምሉእ ዕጥቆም ክፈትሑን ኣከራኻሪ ዝበሎ ቦታታት ድማ ሓደ መደምደምታ ክግበረሉን ጠቒሱ ነይሩ። ንስምምዕ ተጻብኦታት ፕሪቶሪያ ዝፈረመ ህወሓት ግን ቅድሚ ግዜኡ ሰራዊቱ ዕጥቂ ከም ዘፍትሐ ገሊጹ። ርእይትኡ ንድምጺ ኣመሪካ ዝሃበ ሓላፊ ክፍሊ ፕሮፓጋንዳ እቲ ውድብ ድማ ፈደራል መንግስቲ ነቲ ክፍጽሞ ዝግበኦ ከም ዘየማልአ ይምጉት።

መግለጺ ኢዜማን ምላሽ ህወሓት ኣብ ጉዳይ ራያ አላማጣ

መግለጺ ኢዜማን ምላሽ ህወሓት ኣብ ጉዳይ ራያ አላማጣ

"ዕጥቑ ዘይፈትሐ ህወሓት፣ ነገር ፃሕታራይ ኣካይዳ ይኽተል ኣሎ" ብምባል፣ ዜጋታት ኢትዮጵያ ንማሕበራዊ ፍትሒ(ኢዜማ) ከሲሱ። ኣብዚ ጉዳይ'ዚ ኣመልኪቱ ንድምፂ ኣመሪካ ምላሽ ዝሃቡ ኣብ ቤት-ፅሕፈት ህወሓት ሓላፊ ክፍሊ ፕሮፓጋንዳ ኣይተ ኢያሱ ተስፋይ ብወገኖም "ህወሓት፣ ብመሰረት ስምምዕ ፕሪቶርያ ብሰላማዊ መንገዲ ዝንቀሳቐስ እዩ"ኢሎም።

ምላሽ ፈደራል መንግስቲ ኢትዮጵያ ኣብ ኩነታት አላማጣ

ምላሽ ፈደራል መንግስቲ ኢትዮጵያ ኣብ ኩነታት አላማጣ

ምኽትል ቀዳማይ ሚንስተርን ምኽትል ኣቦ መንበር ገዛኢ ፓርቲ ኢትዮጵያ ብልፅግናን ኣቶ ኣደም ፋራሕ ነቲ ኣብዚ ሰሙን ኣብ ደቡብ ክልል ትግራይ ከተማ ኣላማጣ ዝተፈጠረ ኩናታት ኣመልኪቶም ምስ ሃገራዊ ቴሌቪዥን ኣብ ዘካየድዎ ቃለ መሕተት “ሕቶ ይግበኣኒ ዝለዓለሎም ከባቢታት ብሕጋዊ፣ ሰላማዊን ውሳነ ህዝብን ዝረጋገፀሉ ኣገባብ ንምፍታሕ ተደጋጋሚ ዘተታት ከምዝተገብረሉን አብ ስምምዕ ዝተበፅሐን ከምምዃኑ መጠን ንመምርሕታት እቲ ስምምዕ ምኽባር አገዳሲ ኢዩ” ክብሉ ተዛሪቦም።

ምምሕዳር አላማጣን ክልል ትግራይን ንሓድሕዶም ይከሳሱ

ምምሕዳር አላማጣን ክልል ትግራይን ንሓድሕዶም ይከሳሱ

ግዜያዊ ምምሕዳር ከተማ ኣላማጣ፡ ካብ ወገን ክልል ትግራይ ይመጸና ኣሎ ንዝበሎ ተደጋጋሚ መጥቃዕቲ ብምስጋእ ኣሽሓት ነበርቲ ከም ዝሃደሙ ንድምጺ ኣመሪካ ገሊጹ። ምኽትል ፕረዚደንት ግዜያዊ ምምሕዳር ክልል ትግራይ ሌ/ጀነራል ታደሰ ወረደ ግን እቲ ቦታ “ኣከራኻሪ ዘይኰነስ ግዝኣት ክልል ትግራይ’ዩ፡” ብምባል እቲ ጉዳይ ብሓይሊ ዘይኰነስ ምስ ፈደራል መንግስቲ ብምዝርራብ ክፍታሕ ምዃኑ ሎሚ ንማዕከናት ዜና ኣብ ዝሃቦ ጋዜጣዊ መግለጺ ኣፍሊጡ።

“ንምትግባሩ ዝደንጎየ ስምምዕ ተጻብኦታት ፕሪቶሪያ ንድሕሪት ከይምለስ...”

“ንምትግባሩ ዝደንጎየ ስምምዕ ተጻብኦታት ፕሪቶሪያ ንድሕሪት ከይምለስ...”

ኣብ መንጎ ፈደራላዊ መንግስቲ ኢትዮጵያን ምምሕዳር ክልል ትግራይን ኣብ ቀረባ እዋን ዝርአ ዘሎ ሓድሕድ ምጥቕቓን ንስምምዕ ተጻብኦታት ፕሪቶሪያ ንድሕሪት መሊሱ ኣብ ዝተሓደሰ ጎንጺ ከየመርሕ ኣብ ትግራይ ዝነጥፉ ፖለቲካውያን ውድባት የጠንቅቑ ኣለዉ። ድምጺ ኣመሪካ ዘዘራረቦም ተንተንቲ’ውን እቲ ዝርአ ዘሎ ስእነት ምትእምማን ነቲ ዝደንጎየ ትግባረ ስምምዕ ንድሕሪት ከይመልስ ይሰግኡ።

ተመዛበልቲ መኾኒ “ንዓድና ክንምለስ”፣ ግዜያዊ ምምሕዳር ኣላማጣ “ንምምልስ ዝኸልከሎም የሎን”

ተመዛበልቲ መኾኒ “ንዓድና ክንምለስ”፣ ግዜያዊ ምምሕዳር ኣላማጣ “ንምምልስ ዝኸልከሎም የሎን”

ኣኽሱም፤ ኩነታት ብርእሰን ተጣቢቐን ንዝተወልዳ ማናቱ

ኣኽሱም፤ ኩነታት ብርእሰን ተጣቢቐን ንዝተወልዳ ማናቱ

ኣብ ኣኽሱም ብርእሰን ተጣቢቐን ዝተወልዳ ማናቱ፡ ኩነታት ጥዕናአን ዛጊት ኣብ ዝተረጋግአ ኵነታት ምህላዉ ሰብ-ሞያ መወከሲ ሆስፒታል ዓይደር ይገልጹ። እዚ ኣብ ክልተ ሚልዮን ውላድ ሓንሳብ ከጋጥም ዝኽእል ዝተባህለ ፍሉይ ተርእዮ፡ ዛጊት ኣብ ኢትዮጵያ ብዘሎ ዓቕሚ ንምፍላይ ዝከኣል እንተዀይኑ ኣብ ምፍታሽ ከም ዘሎ ድምጺ ኣመሪካ ዘዘራረቦም ክኢላታት መወከሲ ሆስፒታል ዓይደር ይገልጹ።