ዋሽንግተን —
ኣመሓዳሪ ዞባ ታሕተዋይ ሸበሌ ኢብራሂም አደን ዓሊ ናጃህ ንድምጺ ኣሜሪካ አብ ዝሃብዎ ቃል ሰራዊት ሶማል ነቲ መጥቓዕቲ ኣል-ሸባብ ሞት ብዘስዓበ ምላሽ መሊስዎ'ሎ ኢሎም።
እቶም ኣመሓዳሪ እቶም ሚሊሻታት ናብታ ከተማ ኣይኣተውን እቲ ሰራዊት ካብ መፈተሺ ኑቑጣ'ዩ መሊስዎም ክብሉ ከለው አል-ሸባብ ግን ኣፍጎይ ከተማ ኣትዩ ንወታሃደራዊ መደበር ድሕሪ ምቁጽጻር ኣጽዋራት መንዚዑ ከምዝወጸ ይገልጽ።
ብኻልእ ወገን ኣብ ውሽጢ ማህበረሰብ ስለያ ሶማል ዘሎ ድኽመት'ዩ ሚሊሻታት አል-ሸባብ አብ ሶማል መጥቓዕትታት ሽበራ ንኽፍጽሙ ኣኽኢልዎም ክብሉ ላዕለዋይ በዓል ስልጣን ስለላ ሶማል ነበር ዖማር ሱሌማን ዓሊ ንድምጺ ኣሜሪካ ክፍሊ ሶማል ሓቢሮም።
ምሉእ ትሕዝቶ ጸብጻብ ኣብዚ ምስማዕ ይክኣል።
