ንኺድ ናብ ዋንጫ ኩዕሶ እግሪ ዓለም 2018

ቀዳማይ እብረ ጸወታ ኣብ ዝዛዘመሉ ዘሎ ሚዛን ሓይሊ ምስ ሃገራዊት ጋንታ ኢራን ኮይኑሎ። ቅድሚ ሒደት ደቃይቕ እትውቲ ዝተባህለት ሸቶ ንስክላ ካብ ምምዝጋብ ድሒና ኣላ። ተኸላኸልቲ ሞሮኮ ስራሕ ዝጸዓቖም ይመስሉ ንካብ ኣጥቃዕቲ ኢራን ንዝፍነወሎም ዘሎ ሓደገኛ ኮዓሳሱ ክመልሱ።

ኣዝዩ መሳጢ ቀዳማይ እብረ ግጥም ሞሮኮን ኢራንን ተዛዚሙ ኣሎ። ክልቲአን ጋንታታ ንዕረፍቲ ወጺአን ኣለዋ። ብርግጽ ሞሮኮ ከም ኣጀማምራኣ ነዚ ቀዳማይ እብረ ሸቶ ብምምዝጋብን ብምምራሕን ክትመርሖ እያ ትመስል ነይራ።ይኹንምበር ተጻወቲ ኢራን ነቲ ካብ ሞሮኮ ዝወርድ ዝነበረ መጥቃዕቲ ዘፍ ኣቢሎም ዳርጋ ንሶም እናደፍኡን ሓደገኛ ፈተነታት ኣብ ልዕሊ ሞሮኮ ብምክያድ እዮም ጸኒሖም። ማዕጾ ሃገራዊት ጋንታ ሞሮኮ ብኢራናውያን ብተደጋጋሚ ክኹሕዃሕ ኢና ርኢና ኣብዚ ቀዳማይ እብረ ጸወታ።ብርግጽ ንሞሮኮ ብጣዕሚ ዘሕዝን ቀዳማይ እብረ ኮይኑዩ ክግለጽ ዝኽእል።

ኣብ ዝቕጽል እብረ ጸወታ ክልቲአን ሃገራውያን ጋንታታት ሜላ ኣጸዋውትአን ቀይረን ናብ ሸቶ ዘቁጽር ምንቅስቓስ ክገብራን ከርእያን ርሒብ ዕድል ኣሎ። ብፍላይ ሞሮኮ ምስ ኣብ ዋንጫ ዓለም ዘለዋ ልምዲ ሱታፌ ነዚ ምስ ኢራን ተካይዶ ዘላ ጸወታ ስዒራ ናብ ዝግበር ግጥማት ስጳኛን ፖርቱጋልን ከተቋምትዩ እቲ ትጽቢት።

ካልኣይ እብረ ጀሚሩ ኣሎ ይኹንምበር ኩለን የዒንቲ መን ንመን ተኪኡዩ ኣብ ሜዳ ኣትዩ ሸቶ ከመዝግብ ዝኽእል ብዝብል ኣድህቦ ካሜራታት ብተደጋጋሚ ናብ ቅያር ተጻወቲ የቋምታ ኣለዋ።