ንኺድ ናብ ዋንጫ ኩዕሶ እግሪ ዓለም 2018

ሩስያዊ ደኒስ ደኒስ ቸርየቭ ንተኸላኸላኸልቲ ስዑድ ዓረብ ጠሓሒሱ ንዕኡ ፋልመይቲ ንሃገራዊት ጋንታ ሩስያ ድማ ካልአይቲ ሸቶ ኣብ ዘመዝገበሉ ዝተወስደት ስእሊ።

ሃገራዊት ጋንታ ሩስያ ድሕሪ 1970 ንፈለማ ግዜያ ኣብ መኽፈቲ ስነ ስርዓት ዋንጫ ዓለም ትቐርብ ዘላ።

ኣብ 1970 ሃገራዊት ጋንታ ሩስያ ከም ሕብረት ሶቭየት ትፍለጥ ዝነበረትሉ ግዜ ክኸውን እንከሎ: ኣብ መኽፈቲ ግጥም ምስ ሃገራዊት ጋንታ መክሲኮ ተጋጢማ። ክልቲአን ሃገራውያን ጋንታታት ድማ ባዶ ብ ባዶ ከምዝተፈላለያ ሰነዳት ዋንጫ ዓለም ፊፋ ይጠቅስ።

ሃገራውያን ጋንታታት ሩስያን ስዑድ ዓረብን ድሕሪ ኣብ 1993 ኣብ ኮባር ስዑድ ዓረብ ተራኺበን ዘካየደኦ ምሕዝነታዊ ግጥም እዚ ሎሚ ኣብ መኽፈቲ ዋንጫ ኩዕሶ እግሪ ዓለም ዘካይድኦ ዘለዋ ግጥም ናይ ፈለማ እዩ።

ኣብ 1993 ሃገራዊት ጋንታ ስዑድ ዓረብ ኣብ ልዕሊ ሃገራዊት ጋንታ ሩስያ 1 ብ 0 ዝኾነ ውጽኢት ተዓዊታ ምፍልላያ ይዝከር።

ሃገራዊት ጋንታ ሩስያ ብመገዲ ደኒስ ቸርየቭ ኣቢላ ኣብ መበል 43 ደቒቕ ካልአይቲ ሸቶ ኣብ ልዕሊ ስዑድ ዓረብ ድሕሪ ምምዝጋብ ቀዳማይ እብረ ጸወታ ተወዲኡ ። ክልቲአን ጋንታታት ድማ ንናይ 15 ደቒቕ ዕረፍቲ ወጺአን ኣለዋ።

ውጽኢት ቀዳማይ እብረ ጸወታ: ሩስያ 2 - ስዑድ ዓረብ 0