ኣብ ኢትዮጵያ ክልል ኣምሓራ ብቕድሚ ትማሊ ሰንበት ሰለስተ ሰባት ከምዝተቐትሉ ነበርቲ ገሊፆም። እቶም ነበርቲ ብተወሳኺ “ኣብቲ ክልል ሰባት ይቕተሉ፣ይእሰሩን ገሊኦም ድማ ኣበይ ከምዝኣተው ኣይፈልጥን።ሓለዋ ኣይገበረልናን’’ ይብሉ ።መንግስቲ እቲ ክልል ግን ንዜጋታቱ ሓለዋ ይገብር እዩ፤ተቐቲሎም ብዛዕባ ዝተባሃሉ ድማ ሓበሬታ የብልናን ኢሉ’ሎ። ብዝተኣሳሰረ ዜና ኣብ ክልል ኦሮሚያ ዞባ ጅማ ሰባት ይእሰሩ ከምዘለው ነበርቲ ገሊፆም ኣለው።
ኣብ ክልል ኦሮሚያ ፍሉይ ዞባ ኦሮሚያ ከተማ ሰበታ ተፈጢሩ ብዝነበረ ህውከትን ዕንወት ንብረትን ብዝተኣሳሰረ ተሓተቲ እዮም ዝተባህሉ ሓደ ሽሕ ተጠርጠርቲ ኣብ ትሕቲ ቁፅፅር ምውዓሎም ተፈሊጡ።
