ኣብ ኢትዮጵያ ቅድሚ ሓሙሽተ ወርሒ ነጻ ኢኹም ተባሂሎም ካብ ማእሰርቲ ዝተፈትሑ ብሎገራት ዓቓቢ ሕጊ ይግባኝ ስለዝበለ ሎሚ ቤትፍርዲ ቐሪቦም።
ኣዲስ ኣበባ —
እቶም ብሎገራት ናብ ቤት-ማእሰርቲ ክምለሱ ከምዝኽእሉ ገለ ኻብኣቶም ንድምጺ ኣሜሪካ ገሊጾም።
ወዲ-29 ዓመት ኣቤል ዋቤላ ምስ ሸሞንተ ካልኦት ብሎገራት ጸሓፍትን ኣብ ቤት-ማእሰርቲ ንዓመትን ፈረቃን ምጽንሑ ሕጂ'ውን ካብ ሃገር ክንውጽእ ኣይንኽእልን ክንሰርሕ ኣይፍቐደልናን ክንንቐሳቐስ ኣይንኽእልን ብምባል ኣብ ኸቢድ ኩነታት ኸምዘለዉ ይገልጽ።ኣቤል ኣብ ማእሰርቲ ኸሎ ብዘጋጠሞ በደል ጸጋመይቲ እዝኑ ጽቡቕ ከምዘይትሰምዕ ይገልጽ።
እቶም ብሎገራት ( ጸሓፍቲ ዓምዲ ኢንተርነት) ብማሕበራዊ መራኸቢ ተጠቒሞም ኣብታ ሃገር ህውከት ንኽለዓል ጎስጓሶም ብዝብል ክሲ ብመሰረት ጸረ-ሽብር ሕጊ ኢትዮጵያ'ዮም ተከሲሶም።
ምሉእ ትሕዝቶ ኣብዚ ምስማዕ ይክኣል።
Your browser doesn’t support HTML5
ነጻነት መራኸቢ ብዙሃን ኢትዮጵያ ዳግማይ ይፍተን