ፍርቂ ህዝቢ ወረዳ ራያ ዓዘቦ ፅሩይ ዝስተ ማይ ኣይረክብን ይብሉ ነበርቲ

ነቲ ፀገም ንምቅላል ተሓሲቡ ኣብቲ ከባቢ ዝተዃዓታ ጐዳጉዲ ማይ ዛጊት ኣገልግሎት ከምዘይህባ ዘለዋ እውን እቶም ሓረስቶት ይገልፁ።

እቲ ፀገም ምህላዉ ዝኣመኑ ኣማሓዳሪ እቲ ወረዳ ኣይተ ክፍሎም ሃይለ እንተኾነ ግን ኣብቲ ወረዳ ካብ ዝነብር 161 ሽሕ ህዝቢ ፍርቁ ፅሩይ ዝስተ ማይ ከምዘይረክብ ሓቢሮም። ኣብቲ ወረዳ ዝተዃዓታ 6 ጐዳጉዲ ማይ ንህዝቢ ከምዘየገልግላ ዘለዋ እውን ገሊፆም፤ እዚ ድማ ብሎሚ ፅባሕ ክሰልጠልና ኣይከኣለን ይብሉ።

ኣብቲ ወረዳ ካልኦት ብርክት ዝበላ ጐዳጉዲ ማይ ተዃዒተን ተዓሺገን ምህላወን እውን እቲ ህዝቢ ይገልፅ፤ ኣይተ ክፍሎም እተን ተዓሺገን ዘለዋ ጐዳጉዲ ማይ ነቲ ኣብ ጐልጎል ራያ ክለምዕ ተሓሲቡ ዘሎ ሰፊሕ ሕርሻ መስኖ መፈፀሚ ከምዝውዕል'ዮም ገሊጾም።

ምሉእ ትሕዝቶ ኣብዚ ምስማዕ ይክኣል።

ፍርቂ ህዝቢ ወረዳ ራያ ዓዘቦ ፅሩይ ዝስተ ማይ ኣይረክብን ይብሉ ነበርቲ