ዋሽንግተን —
![ፕረዝደንታዊ ምርጫ ኡጋንዳ]()
Photo Gallery:
መራሒ ተቃወምቲ ዝኾኑ ኪዘይ በዚጀይ ነቲ ምርጫ ተጭበርቢሩ’ዩ ዝብል መጎትኦም ወግዓዊ ንምግባር ሎሚ ሶኑይ ናብ ዋና ቤት-ጽሕፈት ናይቲ ምርጫ ኮሚሽን ንምኻድ ኣብ ምድላው ከለው ፖሊስ ንቤት ጽሕፈት’ቲ ፓርቲ ብምኽባብ ንኺዘይ በዚጀይን ካልእ እቲ ፓርቲ ንምቁጻር ምርጫ ዝግልገለሉ ሓበሬታት ወሲዶም።
ኪዘይ ኣብ ዝሓለፈ ሰሙናት ብተደጋጋሚ ኣብ ትሕቲ ቁጽጽር ፓሊስ እንተነበሩ’ኳ ኣብቲ ምርጫ ካብ ምስታፍ ግን ኣይዓገቶሞን።
ብመሰረት ወግዓዊ ውጽኢት ሃገራዊ ምርጫ ኡጋንዳ 2016 ዓ.ም.ፈ ፕረዝደንት ዩወሪ ሙሰቨኒ ብ61 ሚእታዊት ክእወቱ ከለው ኪዘይ ድማ 35 ሚእታዊት ምርኻቦም ይሕብሩ። ፕረዝደንት ዩወሪ ሙሰቨኒ ብዕልዋ አብ 1986 ዓ.ም.ፈ ስልጣን ካብ ዝሕዙ ንደሓር ነታ ሃገር ን’30 ዓመታት ክመርሑ ጸኒሖም’ዮም። ሕጂ ኸኣ ኣብዚ ምርጫ ምዕዋቶም ብምግላጽ ስልጣኖም ንኻልእ 5 ዓመታት አናዊሖሞ’ለው።
ልኡኽ ተዓዛቢ ጉጅለ ሕብረት ኣውሮጳ አብ ዘውጽኦ መግለጺ ነቲ ዕብለላ መራሒ ፓርቲ ብምንቓፍ መንግስቲ ፈታኒ ኩነታት ይፈጥር ኣሎ ኢሎም።
ኤምባሲ ኣሜሪካ አብ ኡጋንዳ’ውን ኩነታት ማእሰርቲ መራሒ ተቃዋሚ ፓርቲ ኪዘይ በዚጀይ ከምዘሻቀሎ ሓቢሩ’ሎ።
ምሉእ ትሕዝቶ ኣብዚ ምስማዕ ይክኣል።
ፕረዝደንታዊ ምርጫ ኡጋንዳ
