ዋሽንግተን —
ኻብ መንጎኦም ክልተ ዝሓለፈ ቐዳምን ሰንበትን ቤት ፍርዲ ቐሪቦም ንህዝቢ አለዓዒልኹም ብዝብል ገበን ንክልተ ወርሒ ማእሰርቲ ከምተፈርዶም ተገሊጹ’ሎ።
ነበርቲ ሕጂ’ውን ኣብታ ኸተማ ሰላም የለን ይብሉ’ኣለው። ፖሊስ ብወገኑ ኹሉ ሰላም’ዩ ዘሎ ይብል።
ብኻልእ ወገን ኣብ ደቡባዊ ኢትዮጵያ ኮንሶ ወረዳ ባህላዊ ንጉሶም ዝርከቦ 200 ሰባት ከምተአሰሩ ሓደ አባል ኮሚቴ ኮንሶ ንድምጺ ኣሜሪካ ሓቢሩ።
ኣቶ ገመቹ ገንፌ እቶም አባላት ኮንሶ ምእሳሮም ጥራይ ከይአኽል ክእሰሩ ኸለው ናይ ባህሊ ክዳኖም ምግፋፉ ንህዝቢ አበሳጭዎ’ዩ ኢሎም።
ኮንሶ ካብ ወረዳ ናብ ዞባ ንክቕየር ልዕሊ 55 ሺሕ ፊርማ ኣተአኻኺቦም ብወከልቶም ኣቢሎም ሕቶ እንተቐረቡ’ዃ ካብ ሰበ-ስልጣን ምላሽ ኸምዘይረኸቡ ኣቶ ገመቹ ገንፌ ወሲኹ ሓቢሩ።
