ንኺድ ናብ ዋንጫ ኩዕሶ እግሪ ዓለም 2018

ሃገራዊት ጋንታ ሩስያ ብመገዲ ኣርተም ድዙባይ ኣቢላ ኣብ መበል 71 ደቒቕ ሳልሰይቲ ሸቶ ዘመዝገበት ክትከውን እንከላ: ኣብ ቀዳማይ እግሪ ጸወታኣ ሙሉእ ነጥቢ ሒዛ ናብ ዝቕጽል ዝሓለፈት ናይ ፈለማ ተሳታፊት ዋንጫ ኩዕሶ እግሪ ዓለምውን ዳርጋ ኮይና ኣላ።

ስዑድ ዓረብ ነዚ ዝተመዝገባ ሰለስተ ሸቶታት ኣምሊሳ ክትመዓራረን ነጥቢ ክትማቐልን ወይድማ ክትስዕር ዘሎ ዕድል ኣብ ነፍስ ወከፍ ዝተረፈ ደቒቕ እናጸልመተዩ ዝኸይድ ዘሎ።

ብዛዕባ ኣብ መኽፈቲ ግጥም ዋንጫ ዓለም ዝምዘገባ ሸቶታት ኣብ እነልዕለሉ

እታ ኣብ ታሪኽ መኽፈቲ ግጥም ዋንጫ ዓለም ዝቐልጠፈት ኮይና ዝተመዝገበት ሸቶ ብብራዚላዊ ቀሳር ሳምፓዮ ዝመዝገበት እያ።

ቀሳር ሳምፓዮ ኣብ ኣብ መኽፈቲ ግጥም ዋንጫ ዓለም 1998 - ብራዚል ምስ ስኮትላንድ ትገጥመሉ ኣብ ዝነበረት ግዜ: ኩዕሶ ድሕሪ ምጅማሩ ኣብ መበል ሓሙሽተ ደቒቕ ሸቶ ብምምዝጋብ ታሪኽ ክሰርሕ ክኢሉ።

ዝቐልጠፈ ኣብ መኽፈቲ ግጥም ዋንጫ ዓለም ዝተመዝገበ ሸቶ ናይ ዝብል ክብረ ወሰን ብራዚላዊ ቀሳር ሳምፓዮ ክሳብ ሕጂ ኣይተሰብረን።

ሩስያውያን ኣጥቃዕቲ ደኒስ ቸርየቭን ኣለክሳንደር ጎሎቪንን ኣብ ተወሳኺ ግዜ ናይ ሙሉእ ጸወታ ክልተ ሸቶታት ብምምዝጋብ ሃገራዊት ጋንታ ሩስያ 5 ብ 0 ኣብ ልዕሊ ሃገራዊት ጋንታ ስዑዲ ዓረብ ክትዕወት ኣኽኢሎማ።

ስዑድ ዓረብ ነጥቢ ጥራይ ዘይኮነት ዝኸሰረት ሓሙሽተ ዕዳ ጎልውን ተሰኪማ'ያ ናይ ፈለማ መኽፈቲ ጸወታኣ ኣብ ግጥም ዋንጫ ዓለም ዛዚማ።

ኣርተም ድዙባይ ዝርከቦም ኣባላት ሃገራዊት ጋንታ ሩስያ ብዓወት ዘቕቢቦም ጽምብል እናካየዱ።