ባይቶ ኣሜሪካ ብዛዕባ ኤርትራ ቃል-ምስክርነት ሰሚዑ

ነቲ ከይዲ ምስማዕ ቃለ-ምስክርነት በአቦ መንበርነት ዝመርሕዎ ኮንግረስማን ክሪስ ስሚዝ ብዛዕባ አተሓሕዛ ሰብአዊ መሰላት ኤርትራ ዝወጹ ዝተፈላለዩ ጸብጻብት አካላት አሜሪካን ሕ/ሃ አብቲ ሃገር ዘሎ ሕሱም ምግሃሳት ሰብአዊ መሰላት፡ ናይ ሃይማኖት ነጻነት፡ ግዱድ ሽቅሊ ዝበልዎ ገደብ ዘይብሉ ሃገራዊ አገልግሎት፡ ስደት መንእሰያትን ዘጋጥሞም ሕሱም ምግሃሳትን ሓደጋታታን ድሕሪ ምጥቃስ ዕላማ’ቲ ምስማዕ ቃል ምስክርነት አረዲኦም።

ነዚ ብዝምልከት ካብ መንግስቲ ኤርትራ፡ ዝተዋህበ ምላሽ የለን፡ እንተኾነ፡ ማሕበር ኤርትራዊ ኣመሪካዊ ዝተባህለ ኣብ ዋሽንግተን ዝመደበሩ ማሕበር፡ ኣብ ዘውጽኦ ምላሽ፡ ንኤርትራ ከም ዞባዊ ስግኣት ጌርካ ምቕራብ፡ ካብ ብመንግስቲ ኢትዮጵያ ዝተቖጽሩ ዝንቡዓት ጥራይ ኢዩ ክመጽእ ዝኽእል፡ ንሱ ድማ ነቲ ብዓለም ውግዘት ዝወርዶ ዘሎ ስርዓት ኣዲስ ኣበባ ንምድሓን ዝግበር ፍሹል ፈተን`ዩ ኢሉ።

እቲ ማህበር ኣብ መዕጸዊ ጽሑፉ፡ ንሕና ከም ካብ ኤርትራ ንውለድ ኣመሪካውያን፡ ናብ ቀርኒ ኣፍሪቃ ሰላምን ርግኣትን ክምለስ ረብሓ`ለና፡ እንተኾነ ነታ ቀንዲ ስግኣት ጸጥታ ዝኾነት ንምድሓን ተባሂሉ ነታ ብሰላም ትነብር ሃገር ክተሰይጥን ምፍታን ነቲ ተጸጊሙ ዘሎ ኸባቢ ዝሕግዝ ኣይኮነን ኢሉ`ሎ።

ምሉእ ትሕዝቶ አብዚ ምስማዕ ይክኣል።

ባይቶ ኣሜሪካ ብዛዕባ ኤርትራ ቃል-ምስክርነት ሰሚዑ

ምሉእ ትሕዝቶ'ቲ ቃል-ምስክርነት ኣብዚ ምስማዕ ይክኣል።