ፕረዚደንት ሙሳቨነ ወዱ ብዛዕባ ዝጸሓፎ መልእኽቲ ትዊተር ይቕረታ ሓቲቱ፣ ብዛዕባ ወራር ግን ኣይጠቐሰን

ሌተናል ጀነራልን ኣዛዚ ሓይሊ ምድሪ ኡጋንዳን ነበር፡ ድሒሩ ጀነራልን ላዕለዋይ ፕረዚደንታዊ ኣማኻሪ ዝዀነ ሙሁዚ ካይነራጉባ ብሰኑይ ኣብ ውሽጣዊ ጉዳያት ኬንያ ኣመልኪቱ ብጸሓፎ መልእኽቲ ትዊተር፡ ኣቦኡ ፕረዚደንት ኡጋንዳ ዩወሪ ሙሳቨነ ይቕረታ ሓቲቱ።

ኣብቲ ናብ ፕረዚደንት ዊልያም ሩቶ ምልኣኹ ዝተመልከተ ደብዳበ፡ ጀነራል ካይነራጉባ፡ ኡሁሩ ኬንያታ ንሳልሳይ ግዜ ክወዳደር ነይሩዎ ኢሉ ዘመልከቶ ኣብ ውሽጣዊ ጉዳያት ሓንቲ ሃገር ምትእትታው ምዃኑ ብምምልካት ሕማቕ ከም ዝተሰምዖ ጠቒሱ። ደብዳበ ሙሳቨነ ከም ዘመልክቶ ከምኡ ዝመስል ጉዳያት ብኣፍሪቃዊ ሕብረት ክረአ ደኣ’ምበር ብናይ ኡጋንዳ በዓል-መዚ ርእይቶ ክወሃቦ ከም ዘይግባእ ሓቢሩ።

እቲ ደብዳበ ኣስዒቡ፡ ካይነራጉባ ድሕሪ’ቲ መልእኽቲ ትዊተር ናብ ምሉእ ጀነራል ምድያቡ፡ ብዙሕ ኣበርክቶ ከም ዘለዎን ንፈለማ እዋን ሽዕኡ ጥራይ ምግጋዩን ብምዃኑ ጠቒሱ።

እንተዀነ ደብዳበ ፕረዚደንት ዩወሪ ሙሳቨነ፡ ብዛዕባ’ቲ ወዱ ዝጸሓፎ ምንዋሕ ዕድመ ስልጣን ኡሁሩ ኬንያታ እምበር፡ ነቲ ምውራር ኣመልኪቱ ዝጸሓፎ ኣይጠቐሰን።

ኣቐዲሙ ብዜናና ከም ዝተጠቕሰ፡ ሌተናል ጀነራል ሙሁዚ ካይነራጉባ፡ ብሰኑይ ኣብ ዝጸሓፎ መልእኽቲ ትዊተር፡ ንኬንያ ክወርር መደብ ከም ዘለዎን ፕረዚደንት ነበር ኡሁሩ ኬንያታ ንሳልሳይ ግዜ ስልጣኑ ዘይምንዋሑ ሕማቕ ኣብነት ምዃኑ ጽሒፉ። ኣዛዚ ሓይሊ ምድሪ እታ ሃገር ዝነበረ ካይነራጉባ ንጽባሒቱ፡ ናብ ምሉእ ጀነራል ብምድያቡ ኣማኻሪ ፕረዚደንት ኰይኑ ተሰይሙ።