ፕረዚደንት ስሪላንካ ሃገሮም ገዲፎም ኣብ ዝሃደምሉ ተቓውሞ ኣብ ከተማ ኮሎምቦ ቀጺሉ'ሎ

ፕረዚደንት ስሪላንካ ካብታ ሃገር ድሕሪ ምህዳሞም ተቓወምቲ ሎሚ ረቡዕ ጠመትኦም ናብ ቀዳማይ ሚንስትር እታ ሃገር ገይሮም ኣለው።

ፖሊስ ኣብ ዋና ከተማ ኮሎምቦ ኣብ ከባቢ ቀፅሪ ቤት ፅሕፈት እቶም ቀዳማይ ሚንስትር ዝተኣከቡ ሰልፈኛታት ንምብታን ዘንብዕ ጋዝ ተጠቒሙ ኣሎ።

ፕረዚደንት ጎታባያ ራጃፓክሳን ብዓልቲ ቤቶምን ብሓይሊ ኣየር እታ ሃገር ናብ ማልዲቨስ ከምዘምርሑ ሓይሊ ኣየር እታ ሃገር ኣብ ዘውፅኦ መገለፂ ሓቢሩ።መሰረት ኣፈጉባኤ ፓርላማ እታ ሃገር ፕረዚደንት ራጃፓክሳ ነቶም ቀዳማይ ሚንስትር ተተካኢ ፕረዚደንት ገይሮም ሸይመሙዎም ኣለው።

በዓል ስልጣን ኢሚግረሽን ስሪላንካ እቶም ፕረዚደንት ሎሚ ረቡዕ ንጉሆ ናብ ዋና ከተማ ማለ ማልዲቨስ ምህዳሞም ገሊፁ ኣሎ።

ናይ ፕረዚደንት ራጃፓክሳ ስደት ኣብታ ሃገር ብሰንኪ ሕፅረት መግብን ነዳዲን ዝተልዓለ ቅልውላው ስዒቡ ብዝተልዓለ ተቓውሞ እዩ።