ካብ ክልል ኦሮሚያ ዝተዋጽኡ ኣባላት ባይቶ ኣብቲ ክልል ዝረኣ ግጭት ደው ክብል ጸዊዖም

ካብ ክልል ኦሮሚያ ዝተዋጽኡ ኣባላት ባይቶ፡ ናብ ሕብረት ኣፍሪቃን ካልኦትን ኣብ ዘቕረብዎ ጻውዒት ኣብ ክልል ኦሮሚያ ዝካየድ ኲናት ብቕጽበት ደው ክብልን ፍታሕ ክወሃቦን ጸዊዖም።

እቶም ኣባላት ፓርላማ ነዚ ሕቶ`ዚ ከቕርቡ ንካልኣይ ግዜኦም ምዃኑ ብምጥቃስ ኣብ ውሽጢ ዝሓለፈ 30 መዓልታት፡ ፕረዚደንት ክልል ኦሮሚያ ንዕጡቓት ኦሮሚያ ናይ ሰላም መጸዋዕታ እንተቕረበ`ኳ፡ ዝቕጽል መስርሕ ሰላም ብዘይምጅማሩ ምዃኑ ንድምጺ ኣመሪካ ሓቢሮም።

ኣብ ክልል ኦሮሚያ ዝካየድ ግጭት፡ ልክዕ ከምቲ ናይ ክልል ትግራይ ዝተፈተሓሉ ኩነታት ብመንጎኝነት ሕብረት ኣፍሪቃ ክፍታሕ ምሕታቶም`ውን ጠቒሶም ኣለዉ።

ብዛዕባ`ዚ ጉዳይ ካብ ክልል ኦሮሚያ ኮነ ካብ ፈደራል መንግስቲ ምላሽ ንምርካብ ዝተገብረ ፈተነ ኣይሰመረን።

፨፨፨