መቐለ —
ወነንቲ ታክሲ ባጃጅ መንግስቲ ዘይኣመናሉ መምርሒ ኣውፂኡ ብትእዛዝ ኣተግብሩ ስለዝበለና ኢና ስራሕ ደው ኣቢልና ይብሉ። እቲ ኣተግብርዎ ንበሃል ዘለና መምርሕን ደንብን፤ ነፃነት ስራሕ ዝኸልእን ቀያድን እዩ እውን ይብሉ።
ሓላፊ ቤት ጽሕፈት ኮንስትራክሽን፣መንገድን ትራንስፖርትን ዞባ መቐለ ኣቶ መሓሪ ገብረህይወት ብዛዕባ እቲ ዝወፀ መምርሒ ምስ ወነንትን ዘወርትን ባጃጅ ብተደጋጋሚ ተመያይጥናሉ ኢና፤ ነቲ ሕጊ ክቕበልዎ ስለዘይደሉ እምበር ኣይተመያየጥናሉን ምባል ካብ ሓቂ ዝረሓቐ እዩ ይብሉ ።
ቀንዲ ዕላማ እቲ መምርሒ ነቲ ብምጭንናቕ መጓዓዝያ ተፀጊሙ ዘሎ ህዝቢ ንምጥቃም ምዃኑ ዝተዛረቡ ኣቶ መሓሪ እቲ መምርሒ ወነንቲ ባጃጅ ብኩንትራት ንኸይሰርሑ ኣይእግዶምን እውን ኢሎም።
ምሉእ ትሕዝቶ ኣብዚ ምስማዕ ይክኣል።
