ቁጽሪ ኣብ ጃፓን ብዘጋጠመ ምንቅጥቃጥ መሬት ዝሞቱ ሰባት ይውስኽ

ኣብ ጃፓን ድሕሪ’ቲ ኣብ ክፍለ ግዝኣት ኢሽካዋ ዘጋጠመ 7.6 ሬክታር ዝዓቐኑ ምንቅጥቃጥ መሬት ድሕሪ 72 ሰዓታት ሓንቲ ውልቀሰብ ሎሚ ሓሙስ ብህይወት ምርካባ፤ ትማሊ ረቡዕ'ውን ሓደ ብዕድመ ዝደፍኡ ሰብኣይ ካብ ፍርስራሳት ገዝኦም ብህይወት ከምዝተረኽቡ ተሓቢሩ ሎ።

ቑፅሪ በቲ ምንቅጥቃጥ መሬት ዝሞቱ ሰባት ናብ 94 ክብ ኢሉ’ሎ። 24 ብፅኑዕ ዝቖሰሉ ሓዊሱ 48 ሰባት ጉድኣት ዘጋጠሞም 222 ሰባት ድማ ክሳብ ሕጂ ደሃዮም ኣይተረኸበን።

ገለ መንገድታት ብምዕናው ገለ ማሕበረሰባት ገና ማይ፤ መግቢን ኮቦርታታትን መድሓኒታትን ክበፅሖም ብዘይምኽኣሉ ሻቅሎት ፈጢሩ’ሎ።

ኣመሪካ ኮቦርታታት ማይን ቀረባት መድሃኒትን ሓዊሱ 100-ሽሕ ዶላር ዝዋግኡ ሓገዝ ምሃባ ኣፍሊጣ፤ ተወሳኺ ሓገዝ ንምሃብ’ዉን ቃል ኣትያ’ላ።