ኣብ ዩኒቨርሲቲ መቐለ ዕድል ላዕላዋይ ትምህርቲ ዝረኸቡ ኤርትራውያን ምስ ግርማይ ገብሩ ዝገበርዎ ዕላል

መንግስቲ ኢትዮጲያ ምስ ትካል ስደተኛታት ሕቡራት ሃገራት ብምትሕብባር በመሰረት ዝሃቦም ናጻ ዕድል ትምህርቲ ልዕሊ 600 ኤርትራውያን ስደተኛታት ተምሃሮ ሎሚ ዓመት ኣብ ዩኒቨርሲታት ኢትዮጲያ ይማሃሩ ምህላዎም ይግለጽ::

ግርማይ ገብሩ ዝሓተቶም ኣብ ዩኒቨርሲቲ መቐለ ብሞያ ጋዜጥኝነት ዝስልጥኑ ዘለዉ ተምሃሮ ኣማኑኤልን ያሬድን ብመሰረት መምርሒ ትምህርቲ ኢትዮጲያ ናብ ዩኒቨርሲቲ ዘእቱ መለክዒ ፈተና ወሲድና ዝሓለፍና ኢና ንማሃር ዘለና ይብሉ::

ክልቲኦም ሞያ ጋዜጠኝነት ካብ ቁልዕነቶም ኣትሒዞም ዝምነይዎ ዝነበሩ ሞያ ምዃኑ ይገልፁ::

እቲ ረኺቦምዎ ዘለዉ ዕደል ትምህርቲ ኣብ መንጎ ክልቲኦም ህዝብታት ጽቡቕ ርክብ ንኽህሉ ዝሕግዝ እዩ ይብል ተምሃራይ ኣማኑኤል::

በቲ ሞያ ሰልጢኖም ምስወፁ ኣብ ኢትዮጲያ ኮነ ጎረባብቲ ሃገራት ብሞያኦም ክሰርሑ ከምዝሓስቡ ይዛረቡ::

ንምሉእ ትሕዝቶ ኣብ ምልክት ድምጺ ኺዱ፡