ዛዕባ ምርጫ ኣመሪካ 2016

ላዕለዎት ሰበ ስልጣን ኣመሪካ ኣብ ዕለተ ምርጫ ይኹን ቅድመ ምርጫ ፕረዚደንት ኣመሪካ ንተኽእሎ ውዲት መጥቃዕቲ ጉጅለ ኣልቃዒዳ ይከታተሉ ከምዘለው ተፈሊጡ። ብመሰረት ሓበሬታ ሰበ ስልጣን ስለያ ኣመሪካ ምክትታል ተነቢሩለን ዘለዋ ግዝኣታት ኣመሪካ ሰለስተ ክኾና እንከለዋ፤ ንሳተን ድማ ክፍለ ግዝኣታት ኒውዮርክ ቪርጂን ያንን ፔንሲልቫን ያን ምዃነን ድማ ተጠቒሱ።

ተወሳኺ ሓበሬታ ኣብ http://bit.ly/2el7AAA ይርከብ።

ሕጽይቲ ሰልፊ ደሞክራት ሂላሪ ክሊንተን ኣብ ምርጫ ፕረዚደንትነት እንተተዓዊተን ኣብ ኣመሪካ "ቅዋማዊ ቅልውላው" ከምዝስዕብ ሕጹይ ሰልፊ ሪፖብሊካውያን ዶናልድ ትራምፕ ኣጠንቂቖም።

ጎስጓስ ሕጹያት ፕረዝደንታዊ ምርጫ ኣሜሪካ 2016 ሂላሪ ክሊንተንን ዶናልድ ትራምፕን አገደስቲ ክፍለ ግዝአታት ኣብ ዝበልወን ብመስቀላዊ መንገዲ ክንቐሳቐስ ይረአይ ኣሎ።

ብመሰረት ሓድሽ ዝወጸ ኣሃዛዊ መዓቀኒ ርእይቶ ህዝቢ ብዙሓት ወሃቢት ድምጺ ብዘመተ ምርጫ ክልቲኦም ሕጹያት ተወዳደርቲ ዘይሕጉሳት ምዃኖም እንተገለጹ ብዝሒ ዘለዎም ሰባት አቐዲሞም ናብ መምረጺ ኑቕጣታት ካብ ምኻድ ግን ኣይዓገቶምን።

እዚ ሓድሽ ሪፖርት ኣስታት 80 ሚእታዊት ካብ መጽናዕቲ ዝተኻየደሎም ሰባት ብዘመተ ጎስጓስ ሕጹያት ከምዘይተሓጎሱ እንተገለጹ ኣስታት 36.4 ሚሊዮን ኣሜሪካዊያን ግን ክሳብ ሕጂ ድምጾም ሂቦም ኣለው።

ሰልፊ ንምርጫ ኣብ ክፍለ ግዝኣት ተክሳስ