ብዕጡቓት ሑቲ የመን ዝተተኮሰ ሚሳይል ንሓንቲ ኣብ ቀይሕ ባሕሪ ዝነበረት መርከብ ሃሪሙ

ብዕጡቓት ሑቲ የመን ዝተተኮሰ ሚሳይል ንሓንቲ ኣብ ቀይሕ ባሕሪ ዝነበረት መርከብ ሃሪሙ ከም ዘቃጸለ ተፈሊጡ። ከም ሓበሬታ ኣሶሴይትድ ፕረስ ቅድሚ ሰዓታት `ውን ካልእ መርከብ ኣብ ከባቢ ኣል-ጃስራህ ብተመሳሳሊ ተወቒዓ ኔራ።

እቲ ብኢራን ዝድገፍ ዕጡቕ ጉጅለ ሑቲ ነቲ መጥቃዕቲ ሓላፍነት ብምውሳድ፡ መግብን መድሃኒትን ክሳብ ዝበጽሓና ነቲ መጥቃዕቲ ክንቅጽሎ ኢና ክብል ኣጠንቂቑ`ሎ።

እዚ ኣብ መስመር ቀይሕ ባሕሪ ከባቢ ባብ-ኤል መንደብ ዝግበር መጥቃዕቲ ነተን ካብ ኤውሮጳ ብስዊዝ ካናል ሓሊፈን ናብ ህንዳዊ ውቅያኖስ ዝኸዳ መራኽብ ኣብ ሓደገኛ ኩነታት ኣውዲቕወን ከም ዘሎ ይግለጽ ኣሎ።