ድሕሪ ጕዕዞ 15 ሃገራት -- ዶክተር ዳኒኤል ተወልደ ኣብ ዩኒቨርስታት ካሊፎርኒያ

ኣብ ኤርትራ ኮለጅ ማይ-ነፍሒ ሳልሳይ ዓመት ተመሃራይ ምህንድስና ኮምፕዩተር ኣቋሪጹ ኣብ ለካቲት 2009 ካብ ኤርትራ ምውጻኡ ዝገልጽ ዳኒኤል ተወልደ፡ ኣብቲ ን13 ኣዋርሕ ዝወሰደሉ ጕዕዞ፡ 15 ሃገራት ኣቋሪጹ’ዩ መወዳእታኡ ኣመሪካ ኣትዩ። ኣብ ኣመሪካ ካብ ኮማዊ ኮለጀ (ኮሚኒቲ ኮለጅ) ዳግም ትምህርቱ ብምጅማር ድማ ኣብ ዝቐጸለ ጕዕዞኡ ማህደረ-ትምህርቲ እናተዓወተ ቀዳም 18 ግንቦት ከምኡ’ውን ሰኑይ 20 ግንቦት ካብ ዩኒቨርስታት በርክሊን ሳንፍስራንሲስኮን ብባዮ-ኢንጂነሪግ ብዶክተረይት ተመሪቑ።

ዳኒኤል ብዘይካ’ቲ ናይ ትምህርቱ ጸብለልታኡ፡ ኣብ ቤተ-ክርስትያን’ውን ኣገልጋሊን ዲያቆንን’ዩ። ምስ መመረቕታኡ ኣተሓሒዝና እምበኣር ብጕዕዞ ህይወቱን ናብዚ ብምብጻሕ ዝሓለፎ ውረድ-ደይብን ጋሻ ድምጺ ኣመሪካ ጌርናዮ ኣሎና።