ዋሽንግተን —
ኣሜሪካ ኣብ ክልል ትግራይ እናገደደ ይመፅእ አሎ ዝበለቶ ጥሕሰት ሰብኣዊ መሰላት ከምዘተሓሳሰባን ሰራዊት ኤርትራ ኣብ ትግራይ ንዘይተወሰነ እዋን ንምፅናሕ ክጥዕሞ ወተሃደራዊ ክዳን/ዩኒፎርም / ኢትዮጵያ ተኸዲኖም ኣብ ትግራይ ምህላዎም ዘርኢ ተኣማኒ ሪፖርትታት ከምዝተረኽበን ኣምባሳደር ኣሜሪካ ኣብ ሕቡራት ሃገራት ሊንዳ ቶማስ ግሪን ፊልድ ትማሊ ኣብ ዘውፀአኦ መግለፂ ሓቢረን ።
ኣሜሪካ ኩነታት ትግራይ ኣዚዩ ከምዘተሓሳሰባ ብምግላፅ ደጊማ ኣብ ባይቶ ፀጥታ ሕቡራት ሃገራት ከምዘልዓለቶ ኣብቲ መግለፂኤን ጠቂሰን ። ንሰን ወሲኸን ሰራዊት ኤርትራ 'ውን ካብ ኢትዮጵያ ብዘይ ወዓልሕደር ክወፅእ ትፅውዕ ኢለን ።
