ዋሽንግተን —
ኣብ ዩክሬን ተማሃራይ ዝነበረ ትምህርቱ ክቕጽል ብዘይምክኣሉ ናብ ሮማንያ ኣብ ዘምርሓሉ ተታሒዙ ናብ ዩክሬን ዝተመልሰን ሕጂ ኣብቲ መዓስከር ዝርከብ ኤርትራዊ ነቲ ኩነታትን ስግኣቶም ይገልጽ።
ድሕሪ ኣብ መንጎ ዩክሬን ሩስያን ዝጸንሐ ውጥረት ናብ ኲናት ምቕያሩን ወታሃደራት ሩስያ ናብ ዋና ከተማ ዩክሬን ኪየቭ የምርሑ ምህላዎም ነበርቲ ከተማ ኪየቭ ብፍላይ ብሓፈሻ ድማ ነበርቲ ዩክሬን ንሃገሮም ገዲፎም ብብዝሒ ናብ ስደት የምርሑ ምህላዎም ኣብ ዝግለጸሉ ዘሎ እዋን ንትምህርቲ ናብ ዩክሬን ዝኣተው ብዝተፈላለየ ምክንያት ትምህቶም ክቕጽሉ ዘይከአሉ ኤርትራዊያንን ኢትዮጵያዊያንን ንዝሓለፈ ኣስታት ሽዱሽተ ኣዋርሕ ኣብ ማእሰርቲ ዝጸንሑ ሕጂ ድማ እቲ ዝርከብዎ ቦታ ንድሕነቶም ኣስጋኢ ምዃኑ ብተመሳሳሊ ኩነታት ኣብ ክልተ መዓስከራት ዝነበሩ ከምዝተለቑ ንሶም ዝርከብዎም ኣስታት 120 ሰባት ዝሓዘ መዓስከር ግን ከምዘይተለቑ ይሕብሩ።
ብተወሳኺ እቲ ከባቢ ብዝሒ ወታሃደራዊ መካይንን ወታሃደራትን ምንቅስቃስ ይረኣየሉ ብምህላው ንድሕነቶም ከምዝሰግኡ ይገልጹ
ኣብ ዩክሬን ተማሃራይ ዝነበረ ትምህርቱ ክቕጽል ብዘይምክኣሉ ናብ ሮማንያ ኣብ ዘምርሓሉ ተታሒዙ ናብ ዩክሬን ዝተመልሰን ሕጂ ኣብቲ መዓስከር ዝርከብ ኤርትራዊ ነቲ ኩነታትን ስግኣቶም ይገልጽ።
ኤምባሲ ኤርትራ ኣብ ሞስኮ ኩነታት ኤርትራዊያን ኣብ ዩክሬን ኣብ ምክትታልን ምጽራይን ከምዘሎ ብምጥቃስ ጽጹይ ሓበረታ ኣብ ቀጻሊ ከምዝህብ ሓቢሩ'ሎ።