ወታሃደራዊ መሪሕነትን ተቓወምቲን ሱዳን ስምምዕ ኣዋጅ ፖለቲካ ተፈራሪሞም

ዋሽንግተን — 

ወታሃደራዊ መሪሕነት ሱዳንን ተቓወምቲን መዝነት ንምምቕራሕ ሎሚ ረቡዕ ስምምዕ ተፈራሪሞም ኣለው።

ተወከልቲ ወታሃደራዊ ቤት ምኽሪ ሱዳንን ሓይልታት ኣዋጅ ንናጽነትን ለውጢን ሎሚ ረቡዕ “ኣዋጅ ፖለቲካ” ዝተባህለ ስምምዕ ምምቕራሕ መዝነት ተፈራሪሞም።

ስምምዕ ቅዋም ዝጽዋዕ ካልኣይ ክፋል’ቲ ስምምዕ ክሳብ ዓርቢ ኣብ ዘሎ ጊዜ ከምዝፈራረሙ’ውን ተገሊጹ’ሎ።

ወታሃደራዊ መሪሕነትን ተቓወምቲን ሱዳን ስምምዕ ኣዋጅ ፖለቲካ ተሰማሚዖም

እዚ ስምምዕ ድሕሪ ምውዳቕ ወታሃደራዊ መሪሕነት ዑመር ኣልበሽር ኣብታ ሃገር ንኣዋርሕ ዝጸንሓ ተቓውሞን ዘይምርግጋእን ንምህዳእ ፈላማይ ስጉምቲ ክከውን ከምዝኽእል ይግለጽ ኣሎ።

እቲ ስምምዕ ካብ ክልቲኡ ወገናት ዝተዋጽኡ አባላት ቤት ምኽሪ ሉኣላዊንት ኣብታ ሃገር ምርጫ ክሳብ ዝካየድ ነቲ ሃገር ከምዝመርሑ ይገልጽ።

ብተወሳኺ ክልቲኦም ወገናት ኣብ ወርሒ ሰነ ኣብ መንጎ ሓይልታት ጸጥታን ሰልፈኛታት ዘጋጠመ ግጭት ምርመራ ክካየድ ምስምማዖም ተገሊጹ’ሎ።

ምሉእ ትሕዝቶ ኣብዚ ምስማዕ ይክኣል።

ወታሃደራዊ መሪሕነትን ተቓወምቲን ሱዳን ስምምዕ ኣዋጅ ፖለቲካ ተፈራሪሞም