ዋሽንግተን —
ኤርትራዊ ፕሮፈሽናል ተቐዳዳማይ ብሽክለታ ክለብ ኮፊደስንን ሻምፕዮን ዙር ኤርትራን ናትናኤል ብርሃነ ድሕሪ ሒደት መዓልታት ኣብ ዝካየድ ዙር ፈረንሳ 2019 ክሳተፍ ምኻኑ ተፈሊጡ።
እዚ ዝተሓበረ: ክለብ ኮፈደስ ሎሚ ረፍዲ ዝርዝር ኣብ ዙር ፈረንሳ 2019 ዝስለፉ ተቐዳደምታ ወግዓዊ ድሕሪ ምግባራ እዩ።
ናይ ሎም ዘበን ዙር ፈረንሳ ንመበል 106 ግዜ ዝካየድ ኮይኑ: 3,480 ኪሎ ሜተር ርሕቐት ዝሽፍን ምኳኑ ተፈሊጡ’ሎ።
ናትናኤል ብርሃነ
ክለብ ኮፊደስ: ኣብቲ ብደረጃ ዓለም ስሙ ግኑን ዝኾነ ቅድድም ብሽክለታ ዙር ፈረንሳ ኣብዚ ዓመት ንመበል 23 ግዜ ክትሳተፍ’ያ ።
ኤርትራውያን ተቐዳደምቲ ብሽክለታ ዳንኤል ተኽለሃይማኖት: ናትናኤል ብርሃነን መርሃዊ ቅዱስን ኣቐዲሞም ኣብ ዙር ፈረንሳ ተሳቲፎም ምንባሮም ይፍለጥ።