ዋሽንግተን —
ኣብ ኤርትራ ናይ ክልተ መዓልታት ወግዓዊ ናይ ስራሕ ምብጻሕ ንምፍጻም ዓርቢ 9 ታሕሳስ 2022 ኣስመራ ዝኣተው ፕረዚደንት ኬንያ ዊሊያም ሩቶ ምስ ፕረዚደንት ኢሳይያስ ድሕሪ ድሕሪ ዘካየድዎ ምይይጥ ኣብ ክልተኣዊ፡ዞባውን ጉዳያት: ኣብ ንግድን ዞባዊ ምትሕግጋዝን ዘጠቓለለ ሓባራዊ ስምምዕ መዘክር ፈሪሞም።
እቶም መራሕቲ ነቲ ዝተጀመረ ርክብ ምምዕባል ክልተኣዊ ዝምድናን፡ምትሕብባር ኣብ ጉዳይ ቀርኒ ኣፍሪቃን ብቐጻሊ ርክባት ከማዕብልዎ’ውን ኣብ ምርድዳእ በጺሖም ኣለዉ።
ፕረዚደንት ኬንያ ዊልያም ሩቶ ድሕሪ’ቲ ሓባራዊ ስምምዕ መዘክር፡ኣብ ኤርትራ ዘካየድዎ ዑደት ዛዚሞም ቀዳም 10 ታሕሳስ ቅድሚ ቀትሪ ናብ ሃገሮም ተመሊሶም።