ኣብ ዩኒቨርሲቲ ደምቢደሎ ወለጋ ብዝነበረ ዘይምርግጋእ ሃዲሞም ዝነበሩ ተማሃሮ፡ ሰላም ብምዃኑ ናብቲ ዩኒቨርሲቲ ምምላሶም ሓቢሮም

ካብ ዝሓለፈ ሰለስተ ሰሙናት ጀሚርና ዳግም ትምህርትና ክንከታተል ጀሚርና ኣለና ዝበለት ተማሃሪት ምሕረት ደማው፡ ንሓደ ወርሒ ኣዕሪፍና ኢና ተመሊስና ትብል። “ምስ መጻና ብዙሕ ዝተመሓየሸ ነገራት`ዩ ጸኒሑና። ናይ ማይ ነገር ተመሓይሹ፡ ከምኡ`ውን ሰላም ኮይኑ ንፈርሖ ነገር የለን ፡ ንኣትው ንወጽእ፡ ቤተ-መጻሕፍቲ ክሳብ ዝደለናዮ ክንጸንሕ ንኽእል፡ መማህራን`ውን ብጽቡቕ ይምህሩና`ለዉ፡ ሕጂ ንፈተና ኢና ንቀራረብ ዘለና”።

ካልእ ያሕያ ዓብዱራሕማን ዝተባህለ ተማሃራይ ድማ፡ ዓቢይ ለውጢ`ዩ ዘሎ፡ መማህራን ነቲ ዝኸሰርናዮ ግዜ ንምክሕሓስ ኣብ ናጻ-ግዜኦም ይረባረቡ`ዮም ዘለዉ ይብል።

ፕረዚደንት ዩኒቨርሲቲ ደምቢደሎ፡ ዶ/ር ለታ ተስፋዬ፡ እቲ ዩኒቨርሲቲ ኣብ`ዚ ሰዓት`ዚ ናብ ናይ ቀደም ምርግጋኡ ተመሊሱ`ሎ ኢሉ።

ምሉእ ትሕዝትኡ ኣብ`ዚ ምስማዕ ይክኣል።

ኣብ ዩኒቨርሲቲ ደምቢደሎ ወለጋ ብዝነበረ ዘይምርግጋእ ሃዲሞም ዝነበሩ ተማሃሮ፡ ሰላም ብምዃኑ ናብቲ ዩኒቨርሲቲ ምምላሶም ሓቢሮም