ኣብ ቤንሻንጉል ጉምዝ ትጉዓዝ ዝነበረት ኣውቶቡስ ብዘጋጠማ ሓደጋ ነታጒ 9 ሰባት ሞይቶም

ኣብ ክልል ቤንሻንጉል ጉሙዝ ካብ ባምባሲ ናብ ቶንጎ ትጉዓዝ ዝነበረት ሚኒሚባስ ዝዓይነታ ኣውቶቡስ ብዝወረደ ሓደጋ ቦምብ ህይወት 9 ሰባት ምሕላፉ ኣማሓዳሪ ወረዳ በጊ ኣቶ ጂፋ ራቢፋ ንሬድዮ ድምፂ ኣሜሪካ ገሊፆም።

እታ መኪና ሎሚ ረቡዕ 18 ሰባት ፅዒና ትጉዓዝ ከምዝነበረትን ናብ በጊ ኣብዝወስድ መንገዲ ዝተቐብረ ቦምብ ተተኲሱ ሸሞንተ ሰባት ሽዑ ንሽዑ ከምዝሞቱን ሓደ ድማ ኣብ ሆስፒታል ከምዝዓረፈን እቶም ኣማሓዳሪ ሓቢሮም።

ንኮሚሽነር ፖሊስ ክልል ቤንሻንጉል ጉሙዝ ሰይፈዲን ሃሩን ዝጠቐሰ ኣገልግሎት ዜና ኢትዮጵያ 10 ሰባት ምሟቶም ሓቢሩ’ሎ።

እቶም ዝቖሰሉ ድማ ኣብ ቤጊ ሆስፒታል ይሕከሙ ከምዘለውን ብዛዕባ እቲ ሓደጋ ድማ ምርመራ ይካየድ ከምዘሎን ወኪል ድምጺ ኣሜሪካ ሓቢሩ’ሎ።