ኣብ መዓርፎ ነፍርቲ ኢስታንቡል ድሕሪ ምዕራፋ ካብ መንገዳ ሸታሕታሕ ዝበለት ነፋሪት ብምውዳቓ 21 ሰባት ምቁሳሎም ተገሊጹ

ዋሽንግተን — 

ሰበ ስልጣን ቱርኪ ሎሚ ረቡዕ ኣብ መዓርፎ ነፍርቲ ከተማ ኢስታንቡል ድሕሪ ምዕራፋ ካብ መንገዳ ሸታሕታሕ ዝበለት ነፋሪት ወዲቓ ምስብባራን ገለ ተሳፈርቲ’ውን ምቁሳሎም ገሊጾም።

ብመሰረት ሓበሬታ NTV እታ ነፋሪት ድሕሪ ካብ መንገዳ ሸታሕታሕ ድሕሪ ምባላ ወዲቓ ኣብ ሰለስተ ምስባራን ክትቃጸል ጀሚራ ከምዝነበረትን እንተኾነ’ቲ ባርዕ ሽዑ ንሽዑ ምጥፍኡ ተሓቢሩ’ሎ።

ኣብ መዓርፎ ነፍርቲ ኢስታንቡል ድሕሪ ምዕራፋ ካብ መንገዳ ሸታሕታሕ ዝበለት ነፋሪት ብምውዳቓ 21 ሰባት ምቁሳሎም ተገሊጹ

ኣመሓዳሪ ከተማ ኢንስታንቡል በቲ ሓደጋ 21 ሰባት ምቁሳሎም ሓቢሮም ኣለው።

ሚንስትሪ መጉዓዝያ ቱርኪ እታ ነፋሪት 177 ተጉዓዝቲን ሽዱሽተ ሰራሕተኛታት ጽዒና ምንባራ ብምሕባር በቲ ሓደጋ ዝሞተ ተጉዓዛይ ከምዘየለ ገሊጹ’ሎ።

እቲ ሚንስትሪ ወሲኹ እቲ ሓደጋ ብሰንኪ ኣጸጋሚ ዝኾነ ምዕራፍ’ታ ነፋሪት ዘጋጠመ ምዃኑ ሓቢሩ’ሎ።

ድሕሪ’ቲ ሓደጋ እቲ መዓርፎ ነፈርቲ ምዕጻውን ካልኦት ነፈርቲ ናብ ቀንዲ መዓርፎ ነፈርቲ’ታ ከተማ ክዓርፉ ምግዳዶም ተሓቢሩ’ሎ።

እታ ነፋሪት ቦይንግ 737 ዓይነት ነፋሪት ምኳና’ውን ተገሊጹ’ሎ።