ኣስታት 58 ስደተኛታት ኣብ ገማግም ባሕሪ ማውሪታንያ ምጥሓሎም ትካል ስደተኛታት ሕቡራት ሃገራትን ሚንስትር ውሽጣዊ ጉዳያት ማውሪታንያ ገሊጾም።
እታ ዝጠሓለት ጀልባ ኣስታት 150 ስደተኛታት ጽዒና ካብ ገማግም ባሕሪ ጋምብያ ተበጊሳ ናብ ናይ ስፔን ደሴታት ካናሪ ተመርሕ ከምዝነበረት ተፈሊጡ’ሎ።
ይኹን ደአ እምበር እታ ጀልባ ኣብ ገማግም ባሕሪ ማውሪታንያ ምስ በጽሓት ነዳዲ ከምዝወደአት ካብቲ ሓደጋ ዝተረፉ ንዓለምለኸ ትካል ስደተኛታት ሓቢሮም ኣለው።
Mauritanian authorities say up to 57 people are dead after a vessel carrying migrants sank off its coast today. Survivors told IOM staff the vessel left The Gambia last Weds. with at least 150 people aboard. Help is being provided to 83 survivors by the government, IOM & UNHCR.
— IOM - UN Migration (@UNmigration) December 4, 2019
ካብ ምዕራብ ኣፍሪቃ ናብ ስፔን ዝካየድ ምስግጋር ስደተኛታት ሓደ ካብቲ ቀንዲ መተሓለለፊ ስደተኛታት እንተነበረ ኣብ 2000 ዓ.ም ስፔን ንሓለዋ ባሕሪ ብምሕያላ እቲ ዝካየድ ፈተና ምጉዳሉ ይፍለጥ።
ዓለምለኸ ትካል ስደተኛታት ኣብ ዘውጽኦ መግለጺ ኣስታት 58 ስደተኛታት በቲ ሓደጋ ምሟቶምን ካል ኦት ኣስታት 83 ሓምቢሶም ኣብ ገማግም ባሕሪ ማውሪታንያ ብምጽሖም ሓገዝ ከምዝተገብረሎም ይሕብር።
ሚንስትሪ ጉዳያት ውሽጢ ሃገር ማውሪንታንያ እቲ ሓደጋ ከምዝጋጠመ ብምርግጋጽ ገለ ካብቶም ግዳያት ደቂ ኣንስትዮ ምዃነን ሓቢሮም ኣለው።
ዓለምለኸ ትካል ስደተኛታት በዚ መንገዲ ስፔን ንምብጻሕ ካብ ዝተጓዕዙ ስደተኛታት ኣብዚ ዓመት’ዚ ጥራይ ኣስታት 97 ምሟቶም ይገልጽ።